我係網上面識左個女仔: 第九章-做戲

「點…點點解你會搵到我架？明明我同你講話我著粉紅色衫藍色褲架！」
呢個時候，我見到有班女仔行緊過黎，應該係Anna班朋友。

「傻豬！我係你男朋友黎架嘛，果小小伎倆就想呃我？」
我覺得我可以拿視帝。

「咩…咩呀你係扮…」
「shu……」我用食指按住佢個嘴。
「你班朋友，好似到左。」
佢真人真係好得意，搞到我唔知點解一見到佢就想扮情聖，好似好型咁，明明我內裡係一個小毒向左走向右走。





「我地係咪阻住左你地呀？」
佢班朋友一路講一路笑。

「咩咩…咩呀…」
佢塊臉紅到咩咁。

「喂，你係咪羊黎架？咩咩～」
我一路笑佢一路扮佢。





「咩…咩…咩呀！我係人黎架！」
佢好似嬲嬲地咁，哈哈。

「仲話唔係？」
我真係笑左出黎，佢真係好得意，明明只係一個唔太熟嘅網友，但係會令人忍唔住玩下佢。

「喂喂喂！唔好再耍花槍啦！好曬呀！」
佢班朋友繼續笑。

到底點解，佢真人同網上差咁遠？佢…真係好得意，我越黎越覺得自己有少少鍾意左佢……





不過我知道，我地之間就只係一場戲，之後面前呢個可愛嘅女仔就會變返網上面嘅Anna，我都唔知佢有咩吸引，不過一見到佢真人，就即刻……鍾意左佢，呢啲係一見鍾情？定由一開始我已經慢慢鍾意左佢，見到真人個感覺先強烈啲？我唔知，但我知道，我要做好呢場戲，享受呢段做佢男朋友嘅時光。