我係網上面識左個女仔: 第十章-情侶

「行啦我地！」
Anna其中一個朋友捉住我隻手拉走左我。

「喂……」
我同Anna同時間覺得好無奈。

半拉半扯間我地到左一個公園，然後我同Anna比人「擺」左係一張長凳度。

「我地去廁所先，你地自便啦～」
佢班朋友一齊「去廁所」，之前拉走我果個女仔仲單曬眼咁……





「Er……我地點？」
「佢地應該係匿埋一二邊睇我地……所以……我覺得我地…應該…扮下情侶……」
你咁講姐係咩意思！？見你臉都紅曬，你到底諗左去邊。

跟住我見到，佢班朋友真係係度偷睇我地，匿埋係啲樹後面。

「哇！」
Anna無啦啦攬住我，我當堂嚇一嚇，乜依家啲女仔咁主動架？
我都知佢要做戲比佢班朋友睇，我唯有配合下啦。





「喀嚓」
F×××！
佢班朋友起遠處影左我地相！仲要唔記得刪聲……

Anna即刻彈翻開，佢班朋友都行返出黎。

「喂喂喂…唔洗怕羞個啵，繼續都ok架啵，我地唔介意架～我地都準備左黑超架啦！」
佢地又一路笑一路講野，之後仲成班友一人一副太陽眼鏡。





「玩唔玩True or Dare？」
其中一個女仔問。
無人有異議，所以我地就玩True or Dare啦。

第一個轉中嘅係一個叫Judy嘅女仔，佢揀左True。
「Judy你係男定女？」
！？

「女～」
之後再轉，到我，我揀左Dare。

「Anna男朋友，你宜家即刻咀啖Anna啦！」
Hi！

Anna塊面又紅曬。





「你地拍緊拖架啵，唔係咀啖都唔得下嘛。」「咀啦～」「咀佢咀佢！」
群情洶湧，我唯有順下民意，係咁意錫左Anna塊臉一下，佢真係紅過紅頻果……

「臉咋……我要嘴喎！」
「你都冇講～」
「切～」

禍不單行，下一個轉中Anna，佢都揀左Dare。

「Anna你……諗下先……」
佢地諗左一陣，終於有結果，不過諗咁耐，唔方好野。

「同你男朋友嘴對嘴錫10秒，唔準分開！」
哇！！




哇！！！
哇！！！！！！！！！

「下！？」Anna又紅。

結果當然係要照做。

之後只係再轉中過Anna一次，就冇再中我地兩個，果次Anna揀左True，佢地問我地點識，其實都冇乜野，Anna答話補習班，是但啦，幾合理，其他人嘅問題或冒險都好簡單，明顯係玩我地，fine。

然後今日就冇再玩其他，佢地個個話有野做要走先，最後剩低我地兩個，我地都走埋，我冇送佢，始終唔係真係男朋友。

今日真係好開心。