《港男FF妄誌》: [Day 2－神來之筆] PART 1
『好正呀！』
“啪啪啪”幾下輕輕既敲擊聲...
『連詩雅真係好正呀！』
腰幼...
腳長...
真係唔好理佢係唔係十六歲就俾人包...
唔好理佢係唔係做雞...
真係太正...
“依依”幾下拉鏈聲...
搓多兩下對波...
好柔軟...
駛唔駛咁柔軟丫...
真係好砌過Ashlynn囉～
『嘩！唔得喇...唔得喇...就快射喇！就快射喇！』
我挺直成個人...
“咔咔”幾下鐵扣聲...
面前既連詩雅慢慢變成灰色...
整個空間開始碎裂...
掉落...粉碎...飛散...
仆你個街...
差D就中出連詩雅架喇！
我已經好耐無搞過野喇！
尋晚又無打丁瞓！
我就快谷精上腦喇！
連詩雅呀！連詩雅呀！還返連詩雅俾我呀！
我典床典蓆咁，硬係唔係好想接受返回現實既事實...
典多兩下，我望落床，見到細妹已經換好校服。
而佢背住左我，對住放起書檯上既鏡仔梳頭。
阿Wing套校服係傳統白色既校服，淺藍色腰帶。
佢套校服好貼身，條裙又唔及膝...
由背後可以清楚見到，校服裏面件黑色Bra既輪廓都透晒出黎。
其實佢條條校服裙都係咁...
唔係佢大個左，件校服唔岩身。
係佢貪靚呀嘛～
條裙短D，窄D，睇落去好睇D～
細細個既佢五、六年班已經好貪靚～
總要著得整整齊齊，乾乾淨淨～
女仔係咁架喇～
尤其係佢而家呢個年紀～
吸引異性嘛～
不過話時話，又唔聽佢講話有拖拍...
車～有都唔會話俾我地知啦～
佢呢個年紀好講私隱，需要極大量私人空間～
我呢D做阿哥既就唔好咁八喇...
免得令細妹討厭～
望下望下...
咦？喂！
阿Wing幾時剪左個Heidi頭架？
望清楚D...真係喎！
除左唔係金色外，成個髮型都係Heidi咁既樣架喎！
尋晚無開燈都睇唔到阿Wing原來剪左頭髮。
乜而家興咩？
我又唔係好見街上有女仔剪呢種髮型...
當我仲喺到猶疑緊之際...
阿Wing由塊鏡望左上黎！
我同阿Wing四目交投！
仆街被發現添！
等等先...
我做咩心虛丫？
我望細妹梳頭姐...又唔係偷睇佢換衫...
「哥，我嘈醒左你丫？」阿Wing望住塊鏡對我莞爾一笑...
『唔係...我差唔多係時候起身...』好彩細妹都唔介意...
阿Wing繼續對住塊鏡梳頭，我就繼續望住佢背影。
因為間屋太細喇，兩個人一齊喺間屋活動既話唔係咁方便，所以我通常都會等阿Wing出左門口先起身落床。
「哥，星期四得唔得閒丫？我學校有個才藝表演，我都有份演出架～我想...你黎睇我。」阿Wing望左我一望，繼續梳。
才藝表演？
天才表演咋化～
『星期四...要返工喎...』閒日有邊日唔使返工架...
「係咁...」我由塊鏡裏面見到阿Wing有D失落...
『我試試請日事假啦～應該無問題既～』一直都無機會放大假，為左唔令細妹失望，返去同老闆開火都要！
「真係架？咁約定你架喇！」阿Wing一個轉身，校裙飄一飄起。
『嗯！』每次應承得細妹既野，我都一定做到。
「咁我返學啦～呀！係丫～幫我摺左張被同埋D衫丫唔該～嘻嘻～Bye～Bye～」阿Wing揮住手咁衝出門口...
又唔摺衫...又唔摺被...
我跳到落地，望住阿Wing張床...
就算一個打扮得幾咁整齊，幾咁靚既女仔，喺屋企都係哩啡...
扮靚係俾出面既人睇...
最真既一面都係留返喺屋企...
幫阿Wing摺好被...
摺好睡衣...
摺埋睡褲...
入去廁所刷牙洗面準備返工...
當我行到去騎樓...
阿Wing D 底底呀，D Bra呀已經晾晒出黎...
有粉紅、有粉藍、有粉紫、有黑、有白、有lace、有花無花應有盡有。
又係6ixty 8ight...
岩既，阿Wing既身形最岩著6ixty 8ight喇...
喂...等等先...
仆街喇！
阿Wing晾晒衫...咁我尋晚洗既衫點算呀？
我晾得去邊呀？
唔晾唔得架喎...
點算呢？
點算呢？
阿Wing D衫乾未架？
我隨便摸左一摸一件粉紅色Bra...
再摸多兩摸...
摸D厚身D既位置...
好彩已經乾晒！
但要我幫佢收得...就要摺埋...
我邊有咁多時間呀？
唉...唔好再諗喇！
再諗真係遲到...
遲到又俾個無鬼用既老闆丙！
我巴巴聲將阿Wing D Bra呀、D底底逐件逐件收落黎！
摺丫摺...摺丫摺...
將D底底呀、Bra呀摺得整整齊齊！
摺好晒之後放喺邊呢？
唔可以隨便打開佢D櫃架喎...
放住喺佢張床道先喇！
佢返黎會自己搞架喇！
無時間喇無時喇！
係時候搞掂自己D野！
好快速咁刷完牙洗完面梳完頭換好衫咬住塊麵包狗衝出門口！
我公司喺旺角！
要坐60X過去！
但九巴D服務我真心唔係好Buy架咋！
Miss左一班又唔知要等幾耐先有下一班...
又唔知會唔會又送車尾...
呢頭都未講完，嗰頭已經見到架60X上緊客！
仆你個臭街！
日撚日都係咁！
我一路九秒九，一路住揮手！
當然個司機就一定扮睇唔到！
你估我唔知你籠野呀？
預左你架喇！
我跑埋出馬路，等佢開唔到車！
我一路跑，一路狗衝咁跑過去架巴士道！
我敢相信，如果我唔係生於香港，我一定可以參加奧運...
我一定可以成為一百米世界紀錄保持者！
終於上到最後一個既時候，我岩岩好趕到！
睇到個司機西口西面咁，好唔抵得我趕得上！
“嘟”一聲，八達通安全過到數後...
『嗄...揸死一世巴士啦！死人巴士佬...嗄...』我係明寸佢架喇！點呀？
「哈～搭死一世巴士啦！死窮鬼！」巴士佬回返我一句。
我彩你都有味！
上樓上搵位坐！
上到上層，難得仲有窗邊位坐，我就坐定定抖返順條氣...
唔知點解，巴士D冷氣真係一時時。
你想佢無咁凍，佢就凍到仆街。
你想佢凍D，佢就連冷氣都好似無開咁。
有幾次我直頭試過抖唔到氣，缺氧，差D暈左喺巴士上面。
都唔知有無搞錯！
價就識得加，服務質素就一樣咁差！
巴士停喺下一個站，開始有乘客行上黎。
有幾個靚靚OL喎！
其實一D都唔驚喜，因為日日呢個鐘數坐巴士既都係熟口熟面。
個個都係呢個時間返工，見佢地仲多過見老豆老母～
但我只係想搵個似樣小小既坐喺隔離姐...
真係唔摸得，都可以自HIGH下丫...
第一個靚靚OL行過左...
第二個靚靚OL又行過左...
第三個靚靚少女又行過埋...
第四個著得小布D既都唔係坐我隔離...
短裙...短裙！屌！點解你要揀個阿叔呀？
你情願俾個阿叔視姦都唔俾我FF下...
你叫我情何以堪？
現實中，所有靚女都Miss晒並唔係最慘...
最慘既係坐隔離既係一個又熱又臭既大肥佬...
我深深明白乜野叫“男人到左三十歲仲要依賴交通工具好可憐”...
架車已經夠焗...
又要俾個又熱又臭既大肥佬黐埋黎...
仲要聽乜春胡楓提提你...
唉...我既人生...唉...
喺架咁悶焗既巴士上面，我盡量張開視野。
我希望可以搵到D Bra帶睇下丫...黑絲𥄫下丫咁...
但好可惜，乜撚都睇唔到...
麻甩佬就有幾個...
正當我心灰意冷諗住合埋對眼自閉算既時候...
我見到坐喺我前面既四眼仔，手揸部大Mon電話。
個Mon入面顯示梗個Facebook！
我望清楚D，Facebook個頭像裏面出現一個頭髮長長，下巴尖尖，雪一樣白既皮膚，34D既半圓球體，廿二吋小纖腰，四十二吋長腿...
唔駛問法官都知個Facebook唔係佢自己啦！
我亦都好肯定個四眼仔唔會有美女friend...
一定係佢亂咁add返黎！
不過唔理得咁多！
我已經好多日無出過野！
鬼死咁梗火！
止止渴都要！
我繼續將注意力放喺四眼仔手上既Facebook...
四眼仔輕輕喺「相片」一撳...
醒呀喂！
我就知你呢D四眼仔就係唔驚死，一定忍唔住走去撳相片搵丁圖！
所以我既左手一早就撳實左條J，右邊摷定張Tempo，一切都係為左期待已久既畫面作好準備！
過左五秒...
個Mon閃左一閃...
做乜鳩？
唔係咁大個Mon都撳唔中呀化？
你咁都撳唔中仲做乜野四眼仔呀？
四眼仔見無反應，就再撳多一撳...
又過左五秒...
個Mon又閃左一閃...
又做乜鳩？
點解都係無野睇？
我條J已經好梗火，你可唔可以快D呀唔該？
係咁易都整張三點式或者夾硬夾事業線都好呀！
四眼仔見勢色唔對，立即啟動多工處理！
四眼仔眼明手快咁將神抄呀、淫line呀、微交呀、百萬毒撚王呀、這裏成人電影呀kill！ kill！ kill！ kill！ kill！
乜無謂野都kill晒之後再開Facebook撳丁圖！
又再過左五秒...
個Mon又再閃咗一閃...
屌你老母又做乜鳩？
點解都仲係搵條溝睇下都無？
我真係好想要呀！
你係咁易求其整條女睇下都好呀！
最後條四眼仔好冷靜咁撳左右邊個lock機掣，將部電話放返入個袋入面...
我望撚住個四眼仔背影...真係好失望...
呢個係咩世紀？
人坐巴士我坐巴士，想搵條女索下都無...
就係得個大肥佬！
算！
難得前面有個鹹濕四眼仔睇丁圖，隔空丁佢都好呀～
點知睇睇下條毛都無一條...
你係唔係咁對我？
你係唔係要迫我走入絕路先安樂...
我帶住失落既心情，由屯門出到旺角...
行到公司間大廈...
殘殘舊舊咁...
「喂～陳生返工喇？」大廈既保安同我打個招呼。
『係呀...』唔係返工唔通走黎撳鐘仔咩？！
入到升降機，又係俾班麻甩佬夾住。
我既一生，係唔係都要同D麻甩佬糾纏不清呢？
上到去公司，望住塊玻璃門，裏面黑漆漆...
個死人光頭老闆就梗係無咁早返工架喇。
門就一定係我開架喇。
唔係除左我，仲有邊個？
“咔“開好門...
“啪啪啪”開晒燈...
放好個公事包就準備開工。
今日起碼有五個平面廣告要起到初稿...
三個刊物封面要Send第二、第四、第八版俾D客改...
仲有四個刊物要排版...
七張炸彈要交貨...
炸彈求其得啦！
反正收嗰個睇完都會撕爛佢架啦！
好！開工！
我每日就係要喺呢個豆潤咁細又無黎生氣既Office裏面獨自打仗。
間唔時仲要出去見下客添！
喺我地行內流傳一張圖，圖裏面既意思大約是咁的：
要平要靚就唔會快；要快要平就唔會靚；要靚要快就唔會平；要平要靚又要快？不可能！
而我就係將不可能變成可能既男人...
D客個個都話又趕又急又要改改改改改九百幾次又要靚絕五台山！
最慘我人工先得嗰一萬鬆DD...
係鬆DD咋！
則係一萬一千都唔到嗰隻DD咋！
得嗰一萬鬆DD就要我做超人？
我仲唔係將不可能變成可能既男人係D咩呀？
對住部爛鬼電腦畫畫畫畫畫畫畫畫左半個鐘...
『仆你個街又Hang機！』
平時有人既時候我真係好少講粗口。
但對住部爛鬼電腦，我真係忍唔撚到！
畫唔夠幾筆就Hang一次...
畫唔夠幾筆又Hang一次...
工欲善其事，必先利其器！
人地做design既就用Mac機，我做Design既就用爛鬼PC！
仲要行緊XP！
雖然D IT人話識得用梗係用XP。
但XP都係微軟野！
係男人一聽到“微軟”都唔老黎啦！
你叫我點專心工作呀？