《港男FF妄誌》: [Day 2－神來之筆] PART 2
畫多兩畫...
『妖！』正當我要Dom Mouse落街之際...
*叮噹*門鐘聲？！
九點七咋喎！
老闆唔係咁早返呀化？
平時佢無十一點都唔見人架...
我起身望出玻璃門外...
有一個好似係著住DHL制服既男人...
唔係老闆喎...
我打開門：『師傅，有咩貴幹？』
「送貨黎。簽收丫。」師傳已經拎定部機俾我簽。
『送咩貨呀？』我望一望一大盒紙皮箱，後面仲有一個師傳挨住喺手推車道印下印下。
我都無聽過老闆話有野送黎既...
「呢道係唔係Good Bob Design...好波創意有限公司呀？」師傳望住部機問。
『係呀係呀...』
「咁岩喇，27吋iMac。簽收。」師傳隊左部機埋黎。
27吋iMac？！
唔係發夢呀嘛？
真唔真呀？
老闆終於良心發現呀？
終於肯對我好D喇？
所以話呢～
我成日都話人性本善架啦～
屌你老母我終於等到～
巴巴聲簽收完...
『師傅放喺地下得喇～』
「梗係放喺地下啦，唔通同你裝埋咩...」兩個師傅邊走邊口噏噏...
呢一刻我話知佢噏乜～
叫我含撚我都笑住含～
27吋iMac呀～
工欲善其事呀～
守得雲開呀～
太好喇～
快D拆佢出黎潮拜下先！
當我喺道自HIGH緊既同時...
*叮噹*又有人撳鐘仔？
我望一望道玻璃門...
『老闆？』我立即開門！
『林老闆早晨～』我帶住微笑歡迎肥頭耷耳光頭黑框眼鏡老闆回歸～
「早你個頭。部野送左黎喇？」老闆望住盒紙皮箱。
『係呀～林老闆～』我繼續保持笑容，因為我真係太興奮。
「咁岩喇，快D執埋呢張檯上面既野去。」老闆指住佢間房出面，放喺角落頭滿佈雜物張四腳大檯。
『做咩無啦啦要執檯呢？』原本張檯係話請個秘書返黎時俾佢用既...
但因為我連秘書都撈埋...
所以老闆就當無件事...
「我有個世侄女黎做...我星期五咪講過囉！」老闆皺住眉講。
『你有講過咩？！』我面帶驚訝！
「我無咩？！」老闆面帶驚訝！
『你有咩？！』
「我而家話有就有啦！快快手手執好張檯佢！佢十點會上黎架喇！」老闆係咁指住檯上面既雜物。
『咁呢部Mac機...』我指一指住盒紙皮箱。
「俾佢用架喇！人地喺外國留學！用開Mac機！咪入返部俾佢用囉...呀係丫！買左呢部Mac機今年無花紅分架喇。」老闆一邊行入房一邊講...
我有邊一年有花紅分過...
望住D雜物...
望住盒紙皮箱...
屌～
我都話人性本惡架啦！
個死肥豬點會咁好死呀？！
我一早估到你啦！
世侄女...世侄女...世侄女...
你外家嗰邊D親戚呀化？
我記返起啦！
星期五我忙到成隻狗咁嗰時你臨走同我講：「喂！下星期我有個世侄女黎返工，跟你既！人地喺大大老闆最錫既孫女！掌上明珠黎架！你醒定D呀！係咁啦！」
你個拖鞋王...唔係你外家有錢俾你開公司？以你咁既又懶又廢既死肥豬可以做D乜？
乞兒都無資格做呀！
我一邊心裏暗屌，一邊死狗咁執檯...
世侄女喎...
外國留學喎...
睇佢都係D晚晚走去蒲，隊草隊到唔識醒，用錢買個學位返黎嗰D富幾代！
跟我做野...跟我做野...
做得D乜呀？
肯肯定佢乜都唔識！
你睇下房生都知啦！
除左隊草仲識D咩？
識帶壞人，一齊隊囉！
根本就係廢人一個！
以為自己老豆同阿爺好熟就大晒？
食豆食著屎啦你！
幾經辛苦，終於都執好張檯...
我仲要用左一比九十九濕毛巾抹左幾次...
幫部深愛既27吋iMac開包...
『又話輕左...都係鬼死咁重...Apple呃人呀！』幾經辛苦放埋部iMac上台...
整整齊齊放好晒Keyboard同Mouse...
唉...
望住部iMac...
呢種感覺...
好似送個女俾人砌咁...
唉...
算喇～
望一望個鐘...9：51...
個黃馬褂差唔多返工架喇...
收拾心情準備受死啦～
我坐返埋位，望住個爛鬼XP，真係無心情做野...
時間一分一秒咁過...
一秒一分咁過...
*叮噹*門鐘響起...
我都未起得切身，頭都未抬起，肥豬老闆就一個箭步衝左出黎...
「你黎喇～入黎先入黎先～當自己屋企得架喇～」我第一次見識到咩叫披著人皮的豬扮狗...
我企身行出兩步...
「等我黎介紹下先～呢個係我地首席設計師，陳飛揚。以後佢會照顧你架喇。」肥豬老闆個豬身一移，我見到一個發光既天使出現！
長長既啡色秀髮，斜劉海配上髮尾帶少少卷曲...高貴得黎又不失少女氣息～
不得之了...
一雙大眼睛將男人既靈魂盡吸！
天工手藝！
雪白既面孔透出淡淡既粉紅...
半點人造粉都無喺面上...
不帶半點人工修飾！
呢D就係傳說中既裸肌？
雪白既肌膚由面部一路向下伸展，配上純白色既雪紡吊帶長裙將玲瓏浮凸既身段若隱若現！
底裙只係去到大腿再上少少既位置...
將修長既美腿令人更“慾”罷不能！
神來之筆！
可惜既係...佢高我足足一吋咁多...
「你好～我叫李家敏 Emma～請多多指教～」Emma伸出右手...
Emma Watson？！
我女神喎！
不過...
Emma睇起上黎唔似鬼妹...
我覺得Emma有小小似日本妹多D～
『你...你好...叫我飛揚得架喇...』我握一握Emma隻手...
唔握由自可，一握個人都震一震！
使唔使咁滑呀...
用開牛奶沖涼架？
我一直以為Ashlynn既大髀已經係世界上最滑既皮膚...
今日摸一摸Emma隻手先知...
沒有最滑，只有更滑！
輕輕摸多一摸...
我真係唔捨得放手囉～
隻手都滑到咁...
其他部位...
「咳咳！你握完未呢？」肥豬老闆咳左兩聲...
我立即鬆開手：『So9...Sorry...Sorry...我...我尋晚唔係好夠瞓...係喇我尋晚唔係好夠瞓...』
雙手喺自己大髀道搓下搓下...
真係失禮...
都怪我太耐無打過丁...
見到靚女都扯到行晒...
真係谷精上腦...
Emma好似唔多察覺到我有意無意淫慾佢隻粉嫩小手，依然面帶笑容。
「咁我交Emma俾你喇。Emma有咩唔明問飛揚喇。」肥豬老闆交低完就急急腳走入房。
交俾我？
如果真係可以交晒成個肉身俾我就好喇...
『Emma...你個位喺呢道，隨便坐得喇。』我帶到Emma去佢自己個位。
其實帶乜鬼...
間Office咁鬼細，隔離就係啦...
Emma好有儀態咁坐低後：「咁我要做D乜呢？」
要做D乜...
富幾代已經唔係撈架喇...
仲要係咁靚女既富幾代...
你話你自己可以做得D乜呢？
『ER...你不如先上上我地公司個網，睇睇我地公司既資料先～』老老實實有乜好睇？
放得上網既都係表面野，吹水野！
你會唔會放你自己既裸照上Facebook？
會既話真係得罪講句，你唔係腦殘就係戇鳩。
咁我又唔可以否定世上戇鳩何其多，身邊總有幾個。
「嗯～」Emma回答完我之後，自動波開著部iMac。
“登”一下沈重既開機聲...
唉...
係喎！
『我仲未幫你做Setting，不如等...』我都未將句說話講完...
「你俾個WI-FI Password我就得架喇～我自己搞得掂～唔使照顧我～」Emma咪咪嘴笑...
好Pure好True...
『哦咁...哦好啦...咁你自己慢慢...』我都係唔好理Emma咁多，唔係既話D野今晚都做唔晒...
坐返埋位之後，偷望一下斜對面既Emma...
由於我個Mon用黎擋住大門，我地又無乜野partition隔開，所以我可以好清楚咁望到Emma既七三面...
最重要既係仲望到檯下既雙腳...
我一直偷望Emma對腳...
Emma對腳喺檯下面搖下搖下，擺下擺下...
睇真D...
哦～
原來著左對三吋高既純白色高踭涼鞋...
咁都唔係好高姐～
分分鐘仲矮過Ashlynn～
我一直望住Emma D腳趾...
腳趾掃上一層白色既腳甲油...
Emma一路搖對腳，D腳趾就搓下搓下咁...
雖然我唔係D乜腳趾控...
但佢咁搓法...真係好難唔聯想到放條J落佢腳趾道Chok架喎...
J腳就J得多姐...
J腳趾喎...
你同你女朋友提出既話，佢都話你變態啦！
但老老實實，有邊個男人係正常？
每個男人都有佢變態既一面，只係睇佢忍唔忍得到唔表露出黎。
個人認為，J腳趾唔算得上變態。
再望上多小小...
望到被透透地既白色雪紡長裙輕輕蓋住既小腿...
Emma搖一搖對腳，長裙就磨一磨對小腿...
再擺一擺...又磨一磨...
呢一刻，我真心好想變成Emma腳上既長裙！
磨下磨幾爽呀！
嗱～呢D就叫真正既變態喇！
想變成一件死物喺女仔身上磨下磨下喎...
你唔好話想變成人地條底底磨下磨下？
真係變態！
但我認呀～
好過有D人做左仲要話因為自己工作壓力大，所以先犯左男人會犯既錯！
我望下望下...
望返上Emma塊面...
我見到...Emma雙眼...
四目交投
『仆街！』我心諗！
我驚到立即望返落仲Hang梗機既Mon道！
仆街喇呢次...
呢次真係仆得街！
今朝早望住細妹就話兩兄妹無咩所謂姐！
而家係𥄫唔係望！
仲要係𥄫人對腳！
仲要係𥄫一個岩岩先識既同事對腳！
仲要係𥄫岩岩先識既黃馬褂同事對腳！
今次仲唔仆街？
石板街都唔夠我仆喇！
死梗喇死梗喇呢次...
真係分分鐘工都無得撈！
仆街喇仆街喇...
我個細妹仲讀梗中學...
我仲要供佢上大學架！
我唔可以無左份工...
我唔可以無收入架！
點撚算...
點撚算呀巴打！！！
喺我仲頭痛緊點樣可以保住飯碗之時...
「飛揚，我想...出出去...可以嘛？」Emma行左喺我張檯前面...
『哦...好好...隨便...』我唔知唔咁答仲可以點答...
“咔”Emma開門離開Office...
死喇...
會唔會Emma知道我𥄫佢所以唔開心呢？
係唔係覺得有個變態佬一齊工作覺得周身唔自在所以想出去呢？
死喇死喇...
越諗越唔對路...
唉...
今次死硬...
要怪就怪我幾日都無打過丁，一見到靚女就不自覺走去𥄫...
仲要聯想D衰野...
唉...
睇黎我都係同大部份既男人都係一樣呢...
對住部又Hang左既電腦，自己個腦又Hang埋...
真係無心機工作...
過左半個鐘之後...
*叮噹*門鐘響起...
我探頭望一望，見到Emma帶住微笑隔住玻璃門向我揮揮手。
我立即飛撲出去！
“咔”
『Emma你返黎喇。』我非常之擔心唔知Emma會用咩態度回應我...
但係望一望Emma...
點解好似...
怪怪地？
Emma既身高...
好似矮左一截咁既？
「係丫～唔好意思，我無啦啦話要出一出去就出左成半個鐘～我下次唔會架喇～」Emma向我點一點頭，行返埋位。
我見到Emma雙手拎住個紙袋...
再望落D...
Emma對腳...
咦？！
點解Emma對三吋高既純白色高踭涼鞋變左平到貼地既花花布料婆仔鞋架？！
Emma坐返埋位之後，繼續望住個27吋大Mon...
我亦坐返埋位喺道諗...
死喇...
係唔係因為Emma覺得我𥄫佢腳趾好變態，專登走落去買返對包實腳趾既婆仔鞋呢？
但其實我對婆仔鞋更情有獨鍾架喎...
屌！到左生死關頭仲諗埋D變態野？！
但以Emma俾我既反應，又唔似對我有反感喎...
係姐...
唔俾佢面一個樣，心又係另一個樣架咩？
點好呢？
點算呢？
點先可以試探下佢心裏面點諗呢？
我鬼鬼祟祟再偷偷地望一望Emma...
Emma好輕鬆咁望住個Mon，無乜唔自然既感覺！
唔好以為咁樣係一件好事...
咁先大件事！
唔好話一個入世未深既少女，就算係一個成熟既男人，岩岩去到一個新環境工作，邊會咁自然架！
一定周身唔自在先係架嘛！
唔多唔少都會有D緊張...
但眼前呢個Emma...
面上並無半點緊張既神色...
再落下望一望佢對腳...
都係伸到長一長，搖下...擺下...
仆你個街到左呢個時候仲要𥄫人對腳！
但係唔𥄫都𥄫左喇...
唔差在𥄫多一陣喇...
花花既婆仔鞋...
對腳就連一D青根都無...
唔駛著絲襪都可以咁靚...
真係無得輸...
返工無機會𥄫Ashlynn對腳，𥄫下Emma頂下癮都唔錯呀...
𥄫𥄫下我不自覺將隻手放左落已經硬到隊起左條褲既JJ道...
又好不自覺咁搓左兩下...
如果可以俾Emma對腳夾住黎丁...
屌！
公司黎架！
要變態就返屋企啦！