《港男FF妄誌》: [Day 1－平凡港男] PART 3
買左個昆水二人套餐之後，入到戲院，好多都係一男一女，一雙一對黎睇戲。
愛情片呀嘛～
唔通兩個麻甩佬一齊睇咩？
如果係你就驚喇～
雖然我唔係歧視同性戀，但我自己就真係接受唔到囉～
坐喺張凳道，我同Ashlynn中間既阻礙，一早就俾上一手拎起左。
不過Ashlynn好似無乜意慾想貼近我...
唉...算啦～
都搞過咁多年，搞少陣都無所謂既...
不過就可能要悶足兩個幾鐘囉...
我無睇過呢套戲既預告片，又無睇影評，就係知好似話故事老套，但有D驚喜咁啦。
至於有咩驚喜？
睇過先知喇...
套戲播左半個鐘左右，我開始悶到有D眼瞓...
正當我對眼半開半合之際...
面前既影像開始有D刺激...
我見到大銀幕裏面...
男主角同女主角...
開始喺張床上面互摷起黎！
我精神為之一振！
唔係咁驚喜呀化？
個女主角...
唔駛咁好身材呀化？
波就唔係好大，勝在夠圓...
好瘦...
對腳好長...
成個Body有Ashlynn咁正！
不過老實講句，Ashlynn既皮膚更白。
要講正，Ashlynn真係更正！
好耐都無睇過Ashlynn全相...
而家可以睇到個類似Ashlynn既Body...滿足下都好呀...
我一路睇，就路回想返同Ashlynn既激戰。
不知不覺JJ又開始硬起黎...
就喺呢個微軟半硬既情況下...
Ashlynn挨左埋我膊頭，呢個唔係重點！
重點係佢隻手輕輕咁放左喺我條J上面！
你地唔好以為Ashlynn有咁好死知我想要就幫我打丁。
錯晒！
你估我唔知你籠野呀？
你係因為見到有D咁刺激既畫面，睇下我會唔會生理反應咋嘛！
呢招毒呀！
明明就有反應但要夾硬唔俾JJ扯起會好傷身...
但如果硬多少少既話，Ashlynn就會話我對其他女性身體有反應...
所以話青蛇口中信，黃蜂尾後針，兩者皆不毒，最毒婦人心呀！
好彩你精我都唔笨！
我一手就摸落Ashlynn大髀上面，掃下掃下。
幼嫩既肌膚加上視覺既刺激令我既淫慾爆晒出黎！
我一路掃，條J就越硬！
再掃多兩掃，條J硬到變完全體！
喺呢個時候，Ashlynn用力鍊左一鍊：「你扯晒旗喎！個女主角好正咩？」
我一早就預左你咁問架喇～『梗係唔係啦～係你條腿太正，我掃到扯晒旗咋～』
「講大話！你未摸之前就已經硬硬地啦！」Ashlynn再用力鍊左一鍊！
呢一鍊鍊到我有D痛...
差D就叫左出黎...
『你咁都唔信我？你睇下隔離D情侶，個個都打晒茄輪喇～』我望一望四周...
黑漆漆既戲院裏面聽到唔少“吱吱”聲。
仲有D由男人發出既“嗄嗄”聲。
有D女仔直頭忍唔住“呀～”叫埋出黎！
而家D人真係好Open...
黑麻麻就當正無人喺道，又摷又搓...
下次真係要帶埋夜視鏡入場！
「好，就信你一次啦。」Ashlynn輕輕錫左我一啖，手又輕輕幫我Chok左幾下。
喺公共場所，我就真係唔係幾鍾意做呢D野。
不過成個場D情侶都喺道卿卿我我，我無理由唔融入其中架～
我繼續摸Ashlynn幼嫩既大髀。
但Ashlynn已經停晒手無再幫我Chok...
只係將隻手放喺我條J上面，感受我既粗，我既硬。
都好既～
如果Ashlynn繼續幫我Chok落去既話，我怕真係射到一褲都係...
「你真係好鍾意摸我對腳架喎～搞親都要舔晒我成隻腳先搞～而家又不停咁摸人大髀～」睇黎Ashlynn俾我摸到有D發情。
下面可能已經濕埋都唔定。
始終相處得耐，好了解對方既需要。
『咁摸上面喇～再唔係...摸下面喇好唔好？』我貼近Ashlynn耳邊嘗試挑逗下佢。
「唔得！公共地方黎架！只係摸大髀好喇！」睇黎Ashlynn唔受挑...
有時真係唔係好明女人諗乜...
女人唔需要架咩？
D專欄作家唔係咁講架喎！
佢地話D女人仲淫過D男人！
要起上黎真係可以吸到你入醫院...
咁幾時係女人要起上黎既時候呢？
我真係捉摸唔到...
我只係知道而家既我摸Ashlynn大髀摸到好想用條J直接磨佢大髀...
成套戲兩個幾鐘，我對眼就係咁望住女主角個Body，隻手就喺Ashlynn既大髀上遊走～
步出戲院後，都差唔多黃昏。
『今晚想食D乜丫？』我行喺Ashlynn後面問。
「下？今晚唔同你食喇～」Ashlynn連頭都無回繼續向前行。
『下？點解既？』我不禁有一絲絲既笑意～
「我約左Amy上我屋企煮飯仔～謝絕男人～」Ashlynn行左上扶手電梯，又可以𥄫下佢對雪白美腿～
『真係架？咁咪得返我一個人食囉？我會好掛住你架～』發達！自由時間～
「妖你去死啦！扮咩野呀？你咪又係去搵你D Friends！你都唔知幾想！」Ashlynn轉一轉身，條裙飛一飛起。
隱約仲見到Ashlynn既白色底褲邊～
『既然你咁講，我只好去搵佢地啦...』真係好耐都無同過班Friends食飯！
「繼續扮野啦～繼續扮野啦你！」Ashlynn再轉一轉身，雙手放左喺屁股道。
有時候唔係話唔想陪女朋友，而係真係要同朋友聯繫下先得。
未結婚都已少搵Friends既話，結左婚就真係唔駛搵。
不過，女朋友就係唔鍾意男朋友身邊既朋友！
不論男女都係唔鍾意。
我會認為因為女朋友係一種霸道既生物，任何時候都要將你全個人連肉體連心靈連思想都要霸晒！
咁先有安全感...
其實咩叫安全感呢？
某某天后級作家曾經講過類似既說話：「男人得到女人既肉體之後就唔再珍惜你。」
我一直都有深思呢個問題。
以我有限既智慧解讀出黎，係唔係即係話男人喺未射之前會好珍惜你，射左之後就唔珍惜你？
咁男人射完就唔會再射既？
睇醫生啦去！
定係話男人喺你身上射完一次之後就唔會再射俾你？
呢個有幾會喎！
高登成日都話：「俾個連詩雅你日砌夜砌都會砌到厭啦～」
咁即係咩叫安全感？
男人既精液？
即係話控制住男朋友喺射與唔射之間就最有安全感喇？
哦～
我而家知點解避孕套又叫安全套喇～
因為可以留起男人既精液，咁女人就好有安全感喇～
變態！
算啦～
我既思維永永遠遠都追唔到嗰D為市場已出書既神級專欄作家～
我都係得閒打下丁算啦～
送Ashlynn到屋企樓下之後：『我會掛住你架BB～』
「妖！你去死啦！」Ashlynn入左門後連望都無望返轉頭就入左升降機。
目送完Ashlynn之後...
『我自由了！』
“跑完山！今晚可以一齊食飯！你地喺邊？”
*噹* “肉榮：我地都岩岩踩完車 而家去緊大排檔 樓上等”
“OK！”
正！
終於可以同班Friends食下飯，吹下水～
好耐都未試過喇～
坐喺58M上面，有時我都會喺道諗，其實生活係為左乜架呢？
為求有工開、有飯食、有野扑...
但點解好似差梗D野咁架呢？
有工開，但開到無收工咁制...
有班Friends，但成日都唔可以一齊食飯...
有又靚又索既女朋友，但已經好耐都無搞過...
唔好話搞，連幫我打個丁都唔肯...
你話係唔係無奈？
唉...
人地話生活其實係好簡單，但我就連咁簡單既生活都過唔到...
係我要求太高？
定呢個世界變左呢？
我都唔知道...
我就係知道有日過日、有月過月、有年過年...
望住條整左十九幾世都仲未整好既爛鬼屯門公路...
你老味幾時先整好呀？
真係到左我個孫嗰一代都仲未用撚到呀！
前面又做乜撞車呀？
點揸車架？
明知條路整緊就小心D揸啦！
又塞又塞塞塞塞！
返工已經日日塞！
放假都要塞！
火又出唔到，車又要塞！
成個人都谷住谷住喇！
塞左半個鐘頭車，終於黎到目的地。
「喂～終於黎喇～」一上到樓，肉榮已經揮晒手歡迎我。
『係呀，Sorry～咁遲先黎到，岩岩屯門公路又塞車！』我坐喺肉榮身邊，拍一拍佢膊頭。
「佢唔係話你咁遲先黎～佢係話成個月無見，終於可以出黎同我地食飯～」坐喺對面既文武指一指住我。
『無計啦...要跑山呀嘛...』我搞下D杯杯碗碗，唔係好敢正視佢地。
「屌你老味跑條撚咩！飛撚左佢啦！黎！而家飲返杯啤酒！食飽飯之後，我帶你上去走返轉！」坐喺我另一邊既艦爺都忍唔住開口。
『唔喇唔喇～聽日仲要返工，飲可樂得喇...』我真心無諗過要同Ashlynn分手，更加唔會上大陸玩。
「佢條女成個連詩雅咁既樣架喎～」高佬說出了重點，但都仲未夠！
『記住！Ashlynn比連詩雅更白！』呢個先係重點～
「屌你老味！」艦爺飲兩啖啤酒，「連詩雅喎？上面乜西都有！想屌乜就有乜！」
『有無唔臭丫？』一講到西就諗起臭。
「邊有西唔臭架？屌鳩你！」艦爺答得好順口。
『臭你又舐？』
「你鍾唔鍾意食臭豆腐呀？」
『好鍾意食！』我最鍾意食臭豆腐～
好食既臭豆腐外脆內軟！
入口即溶！
真係諗起都想整返件！
「臭唔臭呀？」
『臭。』
「你唔只舐添啦！你直頭吞得落肚添啦！真係屌鳩你！」艦爺飲兩啖啤酒。
我...無野好講...
艦爺喺我地成班Friends之中年紀最大，見既野最多既人。
雖然艦爺言行舉止都好似爛佬一名，但佢講既野好多都係至理名言。
「算啦～佢連骨都唔揼，唔好迫佢喇～」坐喺艦爺隔離既泰利仔幫我打完場。
無錯，我係連骨都唔會上去揼既人。
而更正確D黎講，我係連大陸都唔會返！
其實，我真係好憎大陸！
點解我會咁憎大陸？
事原我就要講返細細個既經歷...
是咁的...
大約喺我六、七歲左右，我父母就話帶我去北京玩。
當時既北京正值經歷完一場革命後六、七年，市面仲係人心惶惶！
嗰場革命既詳情就唔好講喇，免得被失蹤。
只可以話...革命係失敗左既。
我仲好記得當我地去到天安門之時，個導遊哥哥話喺道千萬唔好手指指！
唔好四圍望！
成個廣場都有好多便衣探員喺道監視！
一見你有咩唔正常行為，就立刻捉你走架喇！
當其時我真係驚到只係識得企定定，頭耷耷，幾驚就咁返唔到黎香港！
自嗰次之後，我真係唔敢再返大陸...
直頭提起都驚！
講返轉頭，一班男人食飯通常會講D乜？
「飛撚左佢啦！」
「咁你都忍得到？真係屎都食得落！」
「講講下我老婆...真係想同佢離婚！」
「你岩岩結婚半年咋喎！咁快就忍唔住？」
「屌！講呢D～結婚之前就想飛左佢架喇！」
「所以用結婚黎轉變關係？」
「無撚柒有錯！」
「我都係咁喎！唔係我都唔求婚啦屌！」
「結乜撚野婚丫？！結婚結婚，結完咪又係分！屌你老味！跟我上去叫雞！Follow me！我知道路！」
無錯，成晚都係數臭D女人...
同埋鳩噏。
真係有陣時，你都唔可以怪D女人唔鍾意自己男人身邊班豬朋狗友！
你話如果俾Ashlynn聽到呢D咁既對話內容，佢會點？
唔好話Ashlynn，就連我自己呀，都忍唔到啦～
唔係話自己個女人走晒樣，就話自己個女人唔體貼。
呢D說話硬係要喺D女人唔喺道先敢講！
喺女人面前？
咪又係死晒狗！
男人就係咁～
又要威，又要帶頭盔！
吹左成晚水...
『好喇，我要返去喇。下星期見喇。』揮揮手，道過別...
「你下星期出到黎先好講！」
係時候回家...
十一點幾既屯門，其實都幾靜。
以前會多D MK仔MK妹喺條街道四圍度。
而家？
好似唔多覺。
我仲記得以前做仔嗰陣時，大會堂出面好熱鬧。
柏麗機舖收兩點。
兩點後就有班年輕人喺道打躉。
有D板仔踩下板。
有D MK妹坐喺道等仔聊。
嘻嘻哈哈又一晚。
而家？
柏麗機舖都執埋笠。
自己又夜小小返屋企都怕唔夠瞓。
其實，我有邊日夠瞓？
年少既時候，精力硬係特別多。
過左幾年返工既日子後，咩力都無晒。
假如話吸煙會危害健康，我會話返工會縮短壽命。
“咔...依...”輕輕力打開屋企門，怕嘈到屋企人。
兩老一早就瞓左...
呢個年紀仲要返十二個鐘係攰D架喇...
而細妹...都瞓著左。
我燈都唔敢開，免得整醒佢地。
屋企細係咁，無一間似樣D既房。
只要隨便開一盞燈，燈光會穿透全間屋...
望住瞓喺下格床既細妹，好似瞓得好冧。
我呢個十六歲既細妹叫飛舞，英文名叫Wing，足足細過我差唔多十年。
阿Wing絕對唔係同父異母或者同母異父既細妹。
我地兩個真係親兄妹。
老媽子話阿Wing係一個意外...
不過！雖然係一個意外，但我地全家人都好錫阿Wing！
雖然我地屋企好窮，但我地唔會覺得阿Wing係負累！
我地都會將最好既野俾阿Wing！
而阿Wing都好生性～
阿Wing由細到而家年年都係全級第一～
細細個就拎獎學金幫補屋企～
又唔會出夜街～
又會做家務～
人地話要生於一個窮既家，小朋友先會生性。
阿Wing係唔係就係一個好例子？
TO BE CONTINUED