《學校裡面, 只能有一班生還》: 第一百零八話：《篡改》
「點解會咁...」我一回到4B課室, 就只聽見芠芯這樣驚訝地看著投映幕。
Martin用著4B課室的電腦, 而他亦臉有難色。
「Candy呢? 」敖欣坐在桌子上, 問著。
「樓下出咗事。」我這樣跟他們說著。
「又黎一單? 」Martin這樣跟我說道, 顯然現時在電腦發生的問題也不容少覻。
「樓下Cory同佢老友龍友殺咗中六Kelvin, Candy應該目擊到個過程。」我匯報著。
「咁Candy呢? 」芠芯緊張地問著。
「佢情緒唔太穩定, 我叫佢返上黎佢話俾佢自己冷靜吓。」我答著。
「班中六一定會過去北翼。」阿宛也來到4B, 在課室一邊說著。
「你地發現到咩線索? 」我問著。
Martin是班內, 不是...是不止班內, 他幾乎是全校電腦技術沒第一也必是第二的人。
他在中一的時候已經可以在午飯時間, 趁著沒老師當值的時候登入guest, 在中二之後更可以登入學校admin的內聯網帳戶。
「中五...」Martin按著一個又一個的文件匣。
「5B同5W, 呢兩班有俾人竄改過既記錄...而經我局部迴遡過之後...」Martin按著滑鼠。
「5W有部份人, 亦即係當年4W, 已經係一年前, 俾人逐個逐個取消學籍。」Martin語氣略帶顫抖。
「好明顯呢part係加密檔, 亦都有俾人delete過, 不過出現過係電腦既野, 我就有辦法搵得返出黎。」他按著。
「重點? 」我看著投映幕, 表示疑惑。
「亦即係話, suppose 當年4W既人, 係一年前, 已經唔存在係學校。」Martin這樣說著。
「吓? 咁快萬聖節架啦? 而家先五月咋喎。」敖欣戲謔地說著。
「唔係, 但係明明5W...係半年前先失蹤, 一年前同半年前中間個Gap, 我亦都有見過5W既人。」景希握著下巴, 認真地說著。
「有冇證據佢地係呢段期間係真係存在過? 」Martin忽然拋出這樣的問題。
眾人都懷著不安的眼神, 看著Martin。
「但係明明...但係明明同我好friend嗰個師兄...佢係5W...直至半年前先唔見....」龍少在一邊, 慌著地說著。
Martin半抿著雙眼, 看著電腦屏幕。
「主持人監察緊我地一舉一動架喎, 我地咁諗法...係咪真係冇問題....」那個矮冬瓜Cedric這樣說著。
「我相信佢係有專業操守既主持人。」Martin這樣答著。
「然後, 係半年前, 5B班既學籍記錄亦一樣被取消。」他說著。
「如果只係單純既失蹤, 學校冇可能係未搞清楚件事之前就cancel佢地學籍。另外, 根據Candy, 芠芯, 仲有方包你地既講法, 呢兩班既人...」Martin陰沉地說著。
眾人都屏息靜氣, 凝視著Martin, 現場只彌漫著一股緊張不安的氣氛。
「佢地已經係死晒, 而5W呢一班...」Martin說著。
「更加係一年前, 就已經死晒。」他作出這樣的結論。
「咁我地...咪啫係撞野? 」阿宛皺著眉頭, 說著。
「但咁樣既推論, 會唔會武斷咗少少? 」我略帶猶豫地作出質疑。
怎會有這個說法, 這樣的話不就是否定了一年至半年前之間的5W學生, 是我們集體幻覺還是集體竭斯底里眼花?
「我的確冇見過5W同5B既同學有交流, 呢樣係真。」阿宛忽然這樣說著。
「如果係咁, 5B既人應該係見唔到5W既人, 有冇人否定呢個假設? 」Martin把頭都別過來我這邊, 像是問著我般。
這麼說來, 5B的人又好像沒跟5W的人有著甚麼交流。
我向著Martin搖著頭, 示意沒有否定。
「最奇怪既係, 兩班既集體失蹤, 冇造成社會輿論。」Martin說著。
「有地方出錯。」景希看著Martin說 。
「最大既破綻係, 我地對呢兩班既記憶, 都唔清晰。」景希忽然這樣說著。
我們彼此互望著, 又好像言之有理。
「龍少, 你記唔記得同你好熟個師兄叫咩名? 」景希問著。
龍少也只是慢慢地搖著頭。
「咁啫係話, 至少我地可以推斷, 佢地個計劃由一年前起已經係呢間學校實行。」Martin說著。
Martin此言一出, 眾人臉上也皺著眉頭, 露著一副不安的模樣。
說來也是, 安峻熙呢? 差點忘記了他。
只見他在課室後方, 正安穩地睡著。
我逕自走到後方, 阿宛也在那, 而前方的人則繼續跟Martin討論分析。
「衛主席呢? 係咪真係入咗去之後就再冇見過佢? 」阿宛憂心忡忡地問著。
我微微地點點頭, 再察看著正在臥著兩張連在一起的椅, 熟睡的小孩。
雖然正確來說, 平常同學們形容我作大叔控是比較貼切, 但正太...我也是一個女生, 在這個關頭我可能會表現得像一個正太控, 我也不會否認。
可沒差 小朋友...純真的小孩子要玩這個慘絕人寰的遊戲, 實在太殘忍...
浚燊...你還好嗎?