《學校裡面, 只能有一班生還》: 第一百零七話：《殉道》
有人心中的道為某些宗教, 而亦有人心中的道只是自己, 或是所相信的信念。
「停手...」Candy跪在地上, 垂下頭, 只是一直慟哭著。
「講一句對唔住, 真係咁難? 」Cory看著Kelvin, 露著一個兇惡而疑惑的表情。
「你死咗條心佢啦...」Kelvin已接近氣絕之勢, 怒視著Cory。
Cory左右踱著步, 用不同角度瞧著Kelvin。
「差唔多啦。」龍姐在Cory身後說著。
「我求吓你....放過佢啦...佢都...佢都只係記咗你一張warning啫....」Candy痛哭流涕, 向著Cory求情。
「聽講佢地班中六殺咗你地好多人喎, 你咁樣都可以饒恕佢? 」Cory對著Candy, 怒問著。
「唔可以拖太耐。」龍姐在一邊, 冷冷說著。
「嘿, 你好咁樣幾似俾人釘十架。」Cory用著亢奮的語氣, 跟著Kelvin說。
「再釘撚埋你隻腳! 」只見Cory控著兩根冰錐, 再度刺進Kelvin的腳掌位置。
「啊...唔好哇...」Candy喊得聲嘶力竭, 也彷彿哭得十足一個淚人。
無數過往相處的片段, 看新加坡魚尾獅, 還有過往大家互相稱對方為家人, 眾人會一起為交流團的人慶生, 或是重聚, 火鍋, 雞煲....
「Iris已經死咗...我唔想再有...我唔想再有好朋友死係我面前...求吓你....」此時, Candy用著跪走的方式, 來到Cory面前。
「你做乜春啊? 」Cory看著緊緊抓著她雙腿的Candy。
「求吓你唔好殺佢....」Candy邊哭邊哀求著。
「屌! 」只見Cory一腳踹走了Candy, 並再跺上一腿。
「唔好啊...佢女仔黎架咋...佢仲未觸發到特權...捱唔住架....」Kelvin掛在冰面前, 為Candy求著。
「你真係唔講對唔住啊嘛? 」Cory忽然伸出一把冰劍, 剛好去到Candy頸前停下。
「講唔講? 」Cory大聲喝著。
「太耐...Cory...」龍姐在一邊看著手機屏幕, 提醍著Cory。
「做人唔可以咁貪心...」Kelvin發出一聲冷笑。
「好。」Cory忽然一個拂手, 把Kelvin頸以下的部份都以冰封住。
「唔好啊...」Candy繼續在旁邊哀求。
「插! 」一聲肌肉撕裂的聲音。
「啊! 」Candy一聲的尖叫。
只見Kelvin前額已插上一根冰錐, 鮮血伴著腦漿, 從傷口緩緩淌下。
「Kelvin....Kelvin...」Candy搖著頭, 眼淚已沾涇整個臉龐。
「點解你連一句咁簡單既對唔住...」Candy邊哭, 邊疑惑地問著。
「走! 」龍姐對著Cory說著, 而Cory也知趣地隨著龍姐下著樓梯, 向著飯堂區域進發。
「發生乜事...」波波在樓梯上方, 看到這幕尾場。
「豉油...」波波把豉油含著的冰塊取出。
「支援...支援....」豉油痛苦地說著。
在另一邊廂...
「要快啲...」龍姐說著。
「放心。」Cory看著還在飯堂不知道發生何時的中六。
「喝! 」忽然, 在飯堂的柱上都結著冰刺。
「喂! 你做乜啊? 」飯堂裡有人叫嚷。
「嘿。」她倆以極快的速度跑回北翼。
「喂! 班藍色...」身型較為「波」的波波, 在樓梯間上氣不接下氣, 向著同儕呼喊著。
「閉! 」在飯堂的中六生, 也馬上動身。
鏡頭回到大堂之上。
「Candy...」我看到這幕, 也愣了好一陣子, 不是說好會有良好的秩序的嗎?
這些冰...一定是那個Cory...
「Candy, 發生乜事...」Martin由於發現了一些線索, 所以想喚我去把同伴聚來...可現在....
「班中三...班中三...殺咗Kelvin...我咩都做唔到....」只見Candy狠狠地一拳揍向地面。
「我咩都做唔到! 」我聽得出Candy心中的憤恨, 那種百般的無奈。
「個騰嘉晴...同個龍姐...殺咗Kelvin...而家走返落樓下...」Candy不停揍打著地面。
3W有個姓龍的?
「我真係好廢, 特權又冇, 乜都冇。」Candy用著戲謔的口吻自責著。
他們這樣幹的目的, 就只有一個。
就是破壞中六訂下的規矩和秩序, 重新把學校由現在的風平浪靜, 變成血腥戰場。
若言我沒估計錯誤, 那北翼應當正在上演一場殲滅戰。
「Martin有野要搵我地, 不如我地...」正當我想攜著Candy的手, 跟她一起動身時, 她竟...她竟一手甩開我。
「Candy...」我看著她還有跪著的背影, 也大概能想像到當時她到底有多衝擊。
「你上返去啦, 唔洗理我...」Candy沒有別過身子, 只是垂著頭, 冷冷說著。
我看著大堂現在的光景, 冰痕處處, 欄杆扶手等等的地方都結著不同程度的冰。
「你休息完就上黎啦...一勢色唔對就要走。」我這樣跟Candy說著。
我看著被狠狠釘在冰面上的Kelvin, 雖然明知他曾經對我們幹過很壞的事...又脅持過景希跟峻熙, 可到現在這一刻.. .
又來一波心理交戰, 人總是超級矛盾。說他壞, 到他死時又會同情他。
我上著樓梯, 回頭看著還在跪著的Candy... 再看著那個前任領袖生長Kelvin, 被釘得像十架一樣....
我只是知道, 我要把這兒的事都匯報給Martin知道才行。