《學校裡面, 只能有一班生還》: 第一百零九話：《殘忍的真相》

 「方包? 」阿宛擔心地看著我。

   「我冇事...」我微笑答著她。
   
   「唔係...不過...」阿宛結巴地說著一堆話。

   「做咩阿宛, 咁怪既你? 」我開著玩笑地問著她。


    我注視著阿宛那個表情... 





    再看著同場的人...

   「你冇事嘛...」我想起阿鏗, 扶著我的那個樣子。

    他們都掛著...一副...一副有口難言的樣子...可是... 

    「阿宛, 你聽唔聽到我講野? 」我嘗試跟阿宛感應著。






     就跟控制Josh時一樣, 只見她沒特別反應。

     難道真的要碰上危急關頭...

    此時, 我想起小霍治療Yetta的時候, 手上蓋著一塊葉子。

    難道? 要有媒介。

    「阿宛, 你聽唔聽到我講野? 」我按著課桌, 那張用木造的桌子。





    忽然, 阿宛像真的接收到般看著我, 點著頭。

    「其實頭先嗰三粒鐘, 係咪發生過啲咩事? 你地個個人都有難言之隱咁既樣。」我看著她, 這樣感應著。


    她點著頭。

    此刻, 到我慌了, 有甚麼我們是不知道。

   「你試吓將隻手同我一樣放係張枱到, 試吓同唔同到我講野? 」我這樣跟她感應著。

   「嗯...」她成功跟我感應連接上。

   「發生乜事? 」我問著。






   「你知唔知我地得返咁少人既真正原因係咩? 」阿宛的表情轉為憂傷。

   「你講啦。」我看著她。

   「頭先你入去之前, 其實仲有好多人, 就算Panda殺既人其實始終有限。其實, 係班中六管理到呢到之前, 佢地有屠過城。」阿宛忽然這麼說著。

    我聽到這裡, 不禁愣了一愣。

    為何我沒想到, 一個政權建立之先, 定必會有一遭慘痛的戰爭, 鎮壓和屠殺? 

   「詳細? 」我皺著眉頭, 問著。

    應該是土之特權太強是吧? 可他明明就這麼人少...






   「佢地一大堆...攞住啲機關槍見人就殺, 但我地匿埋佢地就唔會專登搵我地出黎...」阿宛感應著。

   「佢地唔係用特權, 反而佢地係攞機關槍...好似洗城咁...你地唔係到....我地根本手無寸鐵...」阿宛雖然口不作話, 可眼眶開始泛著淚光。

   「佢地仲話, 佢地只係黎想接管我地, 唔係趕絕我地, 所以就係咁易射死啲人先, 但係...」阿宛看著我, 像有難言之隱。

   「佢地話唔可以比你地知佢地有屠過城...而佢地係有方法知...」她像是鼓起了畢生最大的勇氣, 來跟我道清真相。

    「知唔知佢地係咪屠晒全校? 」我感應問著。

    「聽講冇屠北翼, 似係話佢地比較強勢...」
 

     太可惡...





    「唔好同返佢地講...我驚...」阿宛看著我, 哀求著。

    「唔發生都發生咗, 講唔講, 知同唔知其實都冇大分別...」我感應答著。

    甚麼秩不秩序, 都是假的。

    那班中六, 真後悔沒有先清除他們, 他們真的沒人性。怪不得主建築這麼少人, 而中三他們看上土像較多人般。

    可我直覺告訴我, 真相不止如此, 他們策劃的肯定不是這麼簡單。