《學校裡面, 只能有一班生還》: 第八十八話：《禍焰》
「要快啲搵到佢地先得...」路上, Candy趔趄不前, 就是很怕前方有未知的危險和恐怖事情。
「仲剩返一個鐘頭, 仲係搵唔到天使就仆街...」顯然, 她手上那卷是惡魔卷軸。
「呢到...我認得出, 張按摩椅...有個老師置係到...然後呢到...應該有幾部電腦....」Candy像能認出未面目全非前的教員室, 到底是甚麼模樣。
突然, 在前方的牆忽然慢慢敞開。
Candy很有意識地, 迅即找了一個木架背後, 並窺視著牆背後那個身影。
下一刻進入Candy視線的, 是Iris。
「係咪有人係到啊? 我頭先聽到好似有人講野...」只見Iris戰戰兢兢地左顧右盼, 細語問著。
Candy也慢慢地從木架旁步出來, 並且報以一個微笑。
「你有冇見過其他人?」Candy開了話匣子, 問著Iris。
「冇...我一直行...路上一個識得既人都見唔到...直到而家見到你。」Iris嫣然笑著, 而她的趣緻的蘋果髮型亦同時微微晃動。
「唉, 剩返一個鐘, 一齊行啦。」Candy說著, 並打算離開房間。
在路上, 兩位女生除了不停長嗟短歎之外, 也就是沒有其他東西可幹。
「話說你有冇拎槍? 」忽然Iris這樣問著。
「呢到有武器? 」Candy反問。
「有, 仲有好多雜野, 咩鐵扇, 鐵通, 繃帶, 膠布, 仲有一啲膠盒裝著啲唔知白粉定毒藥....」Iris如數家珍般把她在途中看過的擺設都一一講述。
「冇你見過咁多。」Candy看著Iris, 說著。
你不是想套我有沒有武器在手是吧? 猜你下一步一定問我手持甚麼卷軸。Candy打量著Iris, 一邊盤算著。
「係呢? 你咩卷軸? 」Iris果然是這樣問著。
Candy淺地笑了笑, 看著Iris。
「晏啲話你知。」Candy跟她吐了一個小舌。
她也自知自己是一個多顧慮, 多疑的女生。可能是因為經歷過以前, 還有今天Panda的衝擊, 總之一定要讓自己活下去。
「咁好啦。」Iris也莞爾地笑了笑。
「哇! 前面做咩咁光。」Candy忽爾看著前方轉角的位置, 的確光得異常。
「唔係光...」Iris已經慌得退後了兩步。
「係火...」Candy聽到Iris這樣說, 心裡不禁一凜。
「進浩? 」Candy馬上閃過這位小孩的名字。
果然, 一個黑影已經投射在牆壁之上, 並且愈放愈大。
「進浩? 你搞咩呀? 你想燒死我地? 」Candy跟Iris已經退到一個較為安全的距離。
在他的眼神, 同樣只是透出絲絲的冰冷, 跟直接燒死Panda還有阿君時的眼神是一樣的。
「篷! 」在Candy大概隔大約三米的地上, 忽然迸出一個火球。
「哇! 走啊Iris! 」Candy已經連忙拔腿就跑, Iris亦馬上緊隨其後。
「進浩佢搞咩, 唔係同你地係friend? 」Iris邊跑, 邊喊問著Candy。
「佢一直都咁怪架啦, 不苟言笑咁款, 點知佢啊? 」Candy半喘著氣答著。
「砰! 」一聲猛烈的爆破聲響過耳邊。
「哎啊....」霎時, Iris已經在Candy腳前, 是摔倒在她腳前。
「篷啊。」進浩在走廊遠處, 把弄著他弄出來的火球。
「我個背脊...」只見Iris背面, 有著幾處小火苗, 應是被月進浩拋過來的火球擊中。
「你有冇人性架? 」Candy邊扶著Iris, 邊大聲喝罵著這個充滿稚氣, 卻不發一言的小孩。
「火剋木。」忽然, 進浩用著他那個面不改容的模樣, 冷冷地吐出這句。
「我頂你! 」Candy只能聲嘶力竭地罵著這句髒話。
兩句話, 不知何解在某程度上也很相映成趣。
「砰! 」突然, 一聲震憾人心的響聲, 再次傳至大家的耳中。
「食屎狗! 」憤然握著手槍的Candy, 狠狠地罵著。
槍管上, 傳來漫漫的屑煙, 以及火藥味。
「點解...」進浩按著自己的小腹, 摔倒在牆角邊, 同時他放的火體也同時減弱, 面臨殆盡之勢。
「點解....我會係到....」他忽然這樣說著。
「妖仲係到扮晒野, Iris...」Candy回看著Iris, 趕緊為她背部散熱, 並撲熄僅餘的火苗。
「好痛...」Iris面形扭曲, 表情痛苦。
「原來你有槍...」她向著Candy苦笑著。
只是為了保護自己, 也逼於無奈要騙別人。如是者, 這個社會便充斥著無數的欺騙, 以及不信任。
「你再係咁醃住咁唔得...唔好介意, 大家都係女仔。」Candy說罷, 便...
便為Iris脫下她的衣裳。
「你個死人扣...」Candy為她脫下那個很難脫的扣子。
「哇...唔算太嚴重, 但係好紅...腫Q晒...仲有少少爛肉....」Candy摀著嘴巴, 皺著眉說著。
「好彩唔係燒親塊面....」Iris伏在地板上, 虛弱地說著。
果然, 女為悅己者容, 即使是身受重傷, 也會先關注好自己的臉容有沒有受損。
「進浩佢...佢有冇事...」Iris問著。
「你連自己都顧唔掂就唔好理人住先啦。我射到佢個肚, 應該未死得住既。」Candy用著Iris的衣服當扇子, 並大力地撥著, 為她散著熱。
Iris現在赤裸的上半身, 雪白的胴體, 假如等一下子大隊經過, 或是給Martin他們看到, 場面也將會是十分尷尬。