《學校裡面, 只能有一班生還》: 第八十七話：《善良的惡魔》

魔鬼撒旦, 據聖經記載, 他本應是天使長, 可惜因自甘墮落而淪為魔鬼, 最後被世人所唾棄。

    一隻本應有著六翼的天使, 不安份守己, 擅離職守, 本應在人間放置誘惑, 考驗地上的人對信仰的堅定, 可是連最後自己也被迷惑起來, 妄圖可以僭越那個造他出來的人, 便被驅逐出原來的地方。

    變成魔鬼, 惡魔。

    可是一卷卷軸, 又怎可以一刀斷定, 這位人類到底是善, 或是惡? 


    太多的人類, 替著自己的同類下定義, 卻被這使人趑趄的漩渦吸死。可是他們大都未醒覺, 人類有著他們兩者, 才能為人, 亦是人性。而那些容不下異己或封別人為敵對的人類, 就創造了無止境的紛爭, 戰鬥。





    可是他們都不知道, 這一切將會變得無謂。

    可一套戲, 或一個故事, 假如沒有忠角奸角的話, 觀賞程度將會大大降低也是不爭的事實。盼如現實一樣, 人類為了滿足自己的虛榮心, 也在人生的大舞台之上, 為自己, 為別人劃著角色, 地位。


    也就是善與惡。


     天使也可墮落, 但他也曾經忠心過。





   「點解我嗰個會係惡魔卷軸黎....」雪彤慢慢掏出自己的卷軸, 苦笑著。

   「我都唔明自己點解係天使啦...」依亭流著淚, 同樣苦笑地回答。

    「或者我終於明佢個規則寫, 抽到卷軸既規則...絕對既善同惡係啲咩...」雪彤的眼淚, 落到那卷刻著惡魔的卷軸之上。

    「我曾經係初中做過好衰既事...而係姊妹眼中亦發出過唔開心既事...」雪彤含著淚, 欣然微笑著。






     「唔好訓啊! 」依亭抓著雪彤的肩膊, 喊著。

     「為咗所有人, 我既犧牲...係值得....」雪彤唇邊不停滲著血水。

    「依亭...你有冇比Iris搵過? 」突然, 雪彤這樣問著。

    「Iris? 搵過? 」依亭對這突如其來的問題表示不解。

    「祝你地早日...搵到真相....」雪彤問罷 只是淺笑了聲, 微微搖頭後, 便隨著笑靨, 慢慢地合上眼睛。


    「點解....到底呢個遊戲想玩啲咩...」依亭哭著, 並把雪彤收著的天使和惡魔卷軸都掏了出來。

      「又一個...」龍少哀傷地看著前方。





    「呢兩個, 俾你地。」依亭把雪彤的兩卷卷軸, 都滾過去Martin那邊。

    「一個幫人擋劍既好人...」依亭回望著雪彤冰冷的身體, 不由自主地掩臉痛哭。

     「未見過佢咁...呢個就係佢善良既一面喇? 」龍少在Martin這樣問著。


      一個最後替人擋下致命一擊的人, 下場也終歸要死。

      就彷彿向世人透露著一個訊息, 就是善良的下場, 也是代表迎接著死亡。她也不能說是改邪歸正, 因為中肯的說, 其實各人也只是為自己的生命交代, 也就沒有絕對的善惡之分。

     除非一種人, 因一念陷溺, 而做出不必要而傷害他人的行為, 可是在這場遊戲之中, 人人基本上都犯過。

     而在黑暗背後的他們, 也就是不希望「死亡」這兩字臨到他們的頭上。






    「咁你諗住點? 」Martin問著。

    「我都估唔到自己會守護唔到自己人。」依亭拭一拭臉龐的淚水後, 很快變回原來的自己。

    「你地個特權, 係點樣? 」Martin按著還在流血的傷口。

    「我地都可以控水, 佢係可以令到同伴施法零起手, 我就可以將水變成冰咁攻擊。」依亭說著。


    「我控水唔係太有feel, 反而控冰就好上手。」依亭看著他們, 說。

    「唔怪得咁勁...」Martin身上有著一個個大大小小的傷口。

     「咁而家我地要做咩? 」龍少問著。





     「搵返大隊, 順便搵吓仲未出現過既人。」Martin答著。
   
     「你跟唔跟埋黎? 」他問著依亭。


    「唔啦, 聽龍少咁講, 中三應該死剩我同列沚滔。」依亭看著雪彤, 再看著Martin跟龍少。

    「係到分道揚鑣啦。」依亭說罷, 便動身離去。

    「仲有Candy..Iris同進浩...希望佢地撞到大隊...千其唔好俾個黑衣人殺....」Martin憂心忡忡地看著龍少說著。

     「係喎。」依亭在遠處, 忽然回過頭說。






     「廖芊穎嗰卷仲係我到, 如果你班朋友有事, 或者我都可以幫吓手。」她閃過一抹竊笑, 再度消逝於黑暗之中。

      現在還在三卷惡魔, 一卷天使沒有真正的主人。


      還剩下三個人。

      只剩下接近一小時而已。