《學校裡面, 只能有一班生還》: 第八十六話：《級主席的最後囑咐》

計算精的人都應該知道, 現在的環境是如何。

1.    韋海晴 (惡魔, 取得天使)
2.    Candy (未明)
3.    芠芯 (惡魔, 取得天使)
4.    Martin (天使, 未完成)
5.    敖欣 (惡魔, 取得天使)
6.    景希 (人類)
7.    龍少 (人類)
8.    Iris  (未明)




9.    Puma (天使, 已死亡)
10.    依亭 (天使, 取得惡魔)
11.    雪彤 (惡魔, 取得天使)
12.    Joanne (天使, 已死亡)
13.    Gary (由人類變成惡魔, 已死亡)
14.    Connie (人類, 已死亡)
15.    進浩 (未明)
16.    列沚滔 (由人類變成惡魔, 取得天使 )
17.    Josh (惡魔, 已死亡)
18.    Ivan (惡魔, 已死亡)




19.    樂丹 (天使, 已死亡)
20.    陳希宜 (天使, 已死亡)
21.    Ricky (天使, 已死亡)
22.    廖芊穎 (惡魔, 已死亡)
23.    譚卓桐 (惡魔, 已死亡)
24.    方包 (人類)
  

      假若雪彤真的不幸失救, 那她手上的兩卷卷軸也可以釋放出來, 分別是一卷天使及一卷惡魔。





      現在有三個人從頭到現時都還沒上水, 分別就是Candy, Iris, 跟月進浩。

      有十一個人已經死亡, 先計上雪彤的話就會有十二個, 剛好一半。

      韋海晴取走了Joanne, 芠芯取走了Puma, Martin則應是拿到Ivan或是Gary的, 就先當是Ivan。而敖欣同樣拿到Ricky, 依亭則取到譚卓桐的, 還有額外得廖芊穎的惡魔, 雪彤手上有她自己還有樂丹, 列沚滔手上有自己的惡魔, 還有陳希宜的天使, Josh自己的惡魔還沒處理掉。


      有兩卷惡魔空了出來, 再加上不知道是Ivan還是Gary的那卷惡魔, 總共是有三卷惡魔乏人問津。

     可是, 並沒有天使卷軸是備用的, 即使雪彤不幸失救也只是會多一卷惡魔和一卷天使。

     三個未明人士, 隨便多兩個惡魔, 也已經會分不勻。


     可現實, 就是殘酷, 也是十分現實的。





     「點解你要幫佢擋...明明....」依亭失去了以往的邪氣, 換成為一片良善的模樣, 焦急地為雪彤想辦法急救。

     「屌你地! 你地有冇人識醫人, 好似Coman嗰啲咁! 」依亭像一個瘋婦般咆哮地問著在牆邊呆坐的兩人。

     「我剩係識放炮, 龍少嗰個你頭先都見識過。」Martin一臉無奈地回應。


     「唔會架...我同你出去, 出去搵Coman, 佢識醫人, 列沚滔隻腳俾Panda打到爛晒都醫得好, 我同你出去。」行動派的依亭說罷, 便馬上作勢想抱起雪彤起行。
  
    「唔好晒心機...仲有成個幾鐘...冇可能架啦, 你放返低我啦...」一臉蒼白的雪彤, 氣若游絲的說道。

    「唔准講呢啲! 」依亭喊著。

    「依亭...」走廊的殘光, 映映攘攘在眾人的面孔之上。





    「我幫佢擋係因為...我信佢地可以幫到間學校....」雪彤眼淚已徐徐掉落, 隨走廊吹來的風, 輕輕地掉在依亭的懷裡。

     「你都信架...唔係咩? 」雪彤淺淺地笑了笑。


     「但係我地四人幫...唔可以再少人...海惠佢已經俾個方包...唔可以再少人...唔可以再少人! 級會冇咗你點算, 下年sports day點算? 我地點攞啦啦隊獎? 」依亭同樣忍不住淚水, 眼眶缺堤。

     「下年sports day? 」雪彤笑了笑。

     「你記住要有命出去...如果Gary仲未死...就叫佢坐下年評議會主席...同埋啦啦隊擔當既位置啦....」雪彤猶如交代著遺言般, 吩咐著依亭。畢竟她們其實在四人幫的角色地位都是平起平坐。

     可是她倆都不知道Gary已死...






    「Gary叔叔佢...」龍少忽然開著腔。

     依亭跟雪彤也緊張地瞧向龍少, 等待著他的下一句。

    「已經死咗...」龍少看到這樣, 也靦腆地吐出這句, 還闡述著剛才那個智慧之間的傷亡狀況。

    「點會咁架...」雪彤強抿著眼睛, 把眼淚都流了出來。

    「條傻仔竟然行先過我。」雪彤苦笑著說。


    「咁邊個坐我個位...不過都唔知我地級啲人邊啲死咗邊啲未...哈...」雪彤虛弱地說著, 她的腹還不停地淌著血。

     「Gary...死傻仔...Jasmine好快黎陪你啦....」雪彤凝望著天花, 像向著天國的某某說著話。





      而依亭則只是安份守己地陪著自己摰友的最後一刻。

     「佢地可以點帶我地逃離遊戲? 」依亭問。


     「衛主席, Martin...方包佢地都唔係流架...個衛主席...」雪彤吐出一些血水。

     「佢應該知龍少...佢估到有人俾人控制, 亦應該估到龍少可以救到人....」雪彤說著。

     「有冇咁勁啊...」Martin在一旁思考著。沒錯, 的確衛主席無故跟龍少分道揚鑣是很可疑, 可倘若是為了救人, 他大可以跟龍少一同前來。


     照道理, 他應該去進行一些危險的事情, 所以多帶一個人不方便, 可他也不知為何察覺到我們有危險, 故此就命龍少向著這方向來。

    那到底他是如何知道龍少有這種能力? 而龍少剛才身上浮現著的那些文字又是? 

    Martin的腦筋, 再次快速運轉著。