《學校裡面, 只能有一班生還》: 第八十三話：《記號》
(真正的生死名單)
1. 衛主席
2. Candy
3. 芠芯 (集合)
4. Martin (集合, 現離隊)
5. 敖欣 (集合)
6. 景希 (集合)
7. 龍少
8. Iris
9. Puma (已死亡)
10. 依亭
11. 雪彤
12. Joanne (已死亡)
13. Gary (已死亡)
14. Connie (已死亡)
15. 進浩
16. 列沚滔 (集合)
17. Josh (已死亡)
18. Ivan (已死亡)
19. 樂丹 (已死亡)
20. 陳希宜 (已死亡)
21. Ricky (已死亡)
22. 廖芊穎 (已死亡)
23. 譚卓桐 (已死亡)
24. 方包 (集合)
人數死了差不多一半。
「又返黎呢到。」Martin歎著氣, 看著牆上劃著的印記。
Martin在離隊後, 為了辨別方向, 就用剛才打鬥擦損的血在牆上劃著血跡作記號。
這樣做, 不就會吸引敵人嗎?
大家似乎忘記了, Martin此時當務之急就是要吸引敵人, 可他剛才跟方包他們也有了共識, 就是不想濫殺好人。
故此, 自動上門找碴的那些, Martin也就可以心安理得地...
解決他們。
「希望衛主席同Candy佢地冇事。」Martin心裡暗自唸著。
「踏...踏...」突然, 在暗黑的走廊前方, 忽然傳來數下腳步聲。
Martin馬上逕自找了一個牆角, 並微微探出頭子來看, 到底是來者何人。
「咁快有人搵到上黎? 」他想著。
「Martin哥哥係咪你吖? 」忽然, 一把清脆稚嫩的聲音在前方響起。
「龍少? 」Martin確定在前方出現的人是龍少後, 便緩緩地走了出來。
「終於搵到你喇...你...」龍少雙手抵著大腿, 上氣不接下氣地跟Martin說著。
「做咩? 」Martin走到龍少身前, 問著。
「你...你係咩卷軸呀? 」龍少用著他明亮的雙目, 凝望著Martin。
「吓? 我做乜要同你講? 」而Martin則只是帶著一聲苦笑, 回答著。
「我係人類...衛主席...衛主席叫我比你地...如果你地有人唔夠。」龍少從他的口袋, 手袖間掏出一卷卷的卷軸。
同時, 看到這幕的Martin就只有瞠目望著的份兒, 詫異著到底龍少怎樣弄來這麼多卷軸。
「點拎返黎? 」Martin結著巴問著。
「我同衛主席入咗一個智慧之間, 除咗我同佢之外, 其他人都死晒, 我地兩個就攞晒佢地啲卷軸喇。」龍少淡然地答道。
「好啦...你可唔可以比卷惡魔既我。」Martin打量著龍少手上的三卷卷軸。
「有咩人死咗? 」Martin一手接過龍少遞來的惡魔卷軸, 問著。
「有個叫Ivan既, 仲有好似叫Gary成個阿叔咁既...仲有兩個姐姐...好似叫Connie同Joanne。」龍少雙眼朝著天花, 思考著到底誰搭誰。
「死咗四個中三? 」Martin皺著眉頭, 自問道, 而龍少則微微點頭。
「咁...咁衛主席去咗邊? 佢又放心俾你自己一個行? 」Martin繼續問著。
「行行吓, 佢忽然同我講話有啲野做...然後就分開行...交低剩低既卷軸比我, 就咁行開咗喇...」龍少解釋著。
「對唔住, 因為時間關係。」突然, 從另一條走廊傳來一把聲音。
「咭咭咭...」在遠方的牆上, 忽然結著冰, 而冰軌也向著他們方向襲來。
「走! 」Martin馬上意識到不妙, 馬上抓著龍少向著反方向跑。
「做咩要走...」龍少一邊跑一邊問。
「我冇可能應付戰鬥之餘, 仲要分身睇住你。」Martin回過頭, 只見冰軌愈見接近。
將殺到他們背後...
三秒... 兩秒...
一秒!
「冇辦法啦! 」Martin雙手透著綠光, 並發著能量彈炸毀了殺至他們背後的冰刺。
「冰...係咩特權...」龍少喘著氣, 問著Martin。
「水。」倏地, 他們黑影的前方, 一把女聲這樣答著。
在爆炸產生的濃霧掩障之外, 他們只能在漫漫屑煙隱約看見兩個身影。
「依亭...雪彤....」Martin看著前方人, 說著。
她倆散發著的殺氣透露, 她們現在絕非善類。
「龍少, 你有冇觸發到特權? 」Martin冷冷地問著龍少。
「冇特別...」龍少彷徨地看著Martin。
「依亭你唔係拎咗卷軸? 做咩做要搞我地呀? 」Martin稍微抖擻一下精神, 用著一貫銳利的眼神, 盯著前方兩人。
「係啊, 佢有, 而佢係樂丹身上攞到既, 亦到俾咗我, 我地兩個係夠晒數架。」雪彤一臉洋洋得意地答著。
「咁點解? 」Martin問。
「越死得多人越化算, 就係咁簡單。」雪彤答著。
「姐係要開片啦。」只見Martin雙手已經蓄滿綠光, 一個整裝待發的架勢。
「炸! 」突然, 在Martin身上冒著一片比他身體還大的雪結晶。
「轟! 」Martin被這突如奇來的攻勢, 給重重摔在牆上。
「點解...可以咁強...」Martin按著肩膊, 再看著前方露齒獰笑的兩位女生。
「龍少...走啊....」Martin用著僅餘的力氣喊著。
「叉叉叉....框框...」話剛未落, 在Martin頭上忽然有冰晶體極速形成, 再以不消兩秒的時間砸到他身上。
「啊...」Martin頓時頭破血流。
「佢地...身上面冇藍光架...」龍少也退到牆邊, 抖顫地說著。
「你地死期已到, 好快你地啲同伴亦一樣。」依亭雙眼閃過邪惡的眼神, 盯上這兩條毫無反抗的獵物。