《學校裡面, 只能有一班生還》: 第八十四話：《最強的人》

「你條木咀。」她看著前方那個殺氣騰騰的人。

    「終於都比我搵到你。」韋海晴看著前方這個黑衣人, 悻然說著。

     黑衣人掩著面, 看著前方那個美得傾國傾城的女子。


     「慳啲啦云佬, 柒少陣啦當幫忙啦, 以為遮住塊面認唔到你? 」韋海晴用著她那一貫的貧嘴, 毫不留情地忖著云佬。

    「想點? 」云佬憤然卸下面套, 盯著韋海晴。





    「suppose我應該只係得呢兩個連臂盾, 係咪係呢到殺得越多人, 啲能力會越強架? 」韋海晴吐了一個小舌, 看著云佬。

     「你想講咩? 」云佬問著。


     「我直覺同我講有條蛋散係呢到。」韋海晴說罷, 便架著雙盾, 作進攻狀。

     「頂...」云佬彷彿失去了剛才的迅捷, 只是緩緩地看著韋海晴。





      云佬盤算到, 幸而這個韋海晴沒看過他殺陳希宜, 追擊其他人還有斬殺方包等人的情況, 應該還沒知他到底有多少斤兩。

     還有, 他那些土之特權, 可以召喚砂之分身, 跟用沙石控制人心智的秘術。


    只要韋海晴稍一疏忽, 便可反為利用她。

   「喝! 」云佬二話不說, 便帶著刀向著韋海晴衝去。

   「嘿。」韋海晴也沒有怠慢, 熟練地用著連臂盾進行檔格, 並同時濺發出陣陣綠光和黃光。






    「吼! 」在一條昏暗的走廊間, 有兩個人在激烈地鬥拼著。

     韋海晴一防一攻, 進退有致。

    「噹! 」云佬用了一劍擋了韋海晴的盾擊後, 便再次退到安全位置。
   
    「嘿, 你太大意。」云佬稍稍喘著氣, 卻用著嘲諷的口吻跟韋海晴說著。

    「嗯? 」韋海晴也不遑多讓, 用著欠揍的表情盯回云佬。


    「女人打得交少, 係蝕少少。我睇得出, 你基本上已經冇晒底牌。」云佬垂下頭, 發出陰森的笑聲。





    「所以...我唔會同你打埋身肉搏...嘿嘿....」云佬繼續笑著。


     霎時, 無數沙石柱從韋海晴腳邊破土而出。

     「你玩完。」云佬笑著說。

    「你將會完完整整地吞返成句說話。」韋海晴用著比他更兇狠的眼神, 看著云佬。

    「嗯? 仲想靠嚇? 」云佬忖著。
   
     「唔撚該晒。」只見韋海晴身上散著綠光。


     「點解會咁架...冇理由...」云佬小心翼翼地退著後。





      讓他如此驚訝的原因是, 本來理應是沙石的攻擊, 慢慢從泥黃色...

      變成翠綠色! 

     「本來唔想咁快gg你。」只見已經由沙石化成綠葉柱的物體, 從韋海晴身邊橫過, 並迅速襲向云佬。


     「點會咁架....」云佬被葉子們纏住。

     「其實, 我覺得我應該只得呢對連臂盾, 唔係一切都好唔對路。」韋海晴撫摸她纖纖玉手上的連臂盾, 柔轉說著。

    「云佬 我冇估錯的話, B班既人應該只會得到防禦型既特權, 對吧? 」韋海晴走到云佬前面, 盯著他問。






    「嘿, 點解你唔早啲死。」云佬嘀咕道。

    「R班既係會係攻擊型, G班既係會治療型。」韋海晴側著臉, 打量著被苦苦纏著的云佬。

    「W班...就要睇, 好似方包嗰啲會得到一個點既能力先可作判斷。」韋海晴斜笑著跟云佬說道。

    「你...好可怕...一個女人仔...點解可以知道...」他還在拼命地掙扎著。

    「社名, 五行屬性, 環環相扣, 屬性同元素不可混為一談。所以社有社既象徵, 班有班既意思。」韋海晴握著云佬的下巴, 刻意靠近著。

   
    「呢間學校, 根本由一開始, 就注定有呢一日。 」韋海晴冷不防地, 吐出了這句話。

    「你想點? 」云佬沒有被懾倒, 還在反問著。





   「講! 嗰個人到底係邊到? 」韋海晴忽然換了一個語氣, 怒視著云佬。

   「邊個呀? 」云佬沙著聲, 看著韋海晴。

   「嗰個唯一既生還者, 死剩種! 」韋海晴語帶堅定地說著。


    「我唔知...嘿。」云佬笑著。

     忽然, 纏在云佬身上的枝葉變回沙石, 並且慢慢地流回地面上。


    「你...」云佬驚訝地看著韋海晴。
 
    「走啦, 我唔想搞大佢。」韋海晴淡然地跟云佬, 這樣說著。

    「點解? 」云佬稍稍拭拂身上的髒物, 緩緩站起身子。

    「你以為自己控到嗰兩個人, 可惜你計漏咗樣野。」韋海晴用著詭異的語氣, 向著云佬說。

    「咩意思? 」云佬斜睨著她。


    「仲有個半鐘。」韋海晴察看著手機。

    「唔好諗住同我鬥, 你會死得好慘。」韋海晴灑脫地拋下這句後, 便轉身而去。