《學校裡面, 只能有一班生還》: 第五十五話：《敵陣》
「如果連上面都冇人, 咁就得返圖書館。」我下著樓梯, 說。
Martin決定最後才搜圖書館。
「咮! 」Martin在忽然示意我安靜。
「咪郁! 」
「咪郁! 」Martin跟前方一把女聲重疊著說話。
「薛昊明? 」
「鄧令雪? 」他們再次異口同聲。
「上面冇人? 」令雪問著。
Martin點了點頭。
「圖書館。」令雪把槍口從樓梯瞄至圖書館方向。
「得返入面冇搜。」賢浚轉著手上數把飛鏢, 說道。
「呢到係咪得返我同你, 仲有J東識打交? 」阿昌看著賢浚。
「我諗係, 同埋呢到太多女仔。」賢浚皺著眉說道。
「你當我同令雪師姐係咩? 」敖欣握著斧頭, 笑著說。
「唔好講咁多廢話, 爭取時間, 我地仲係未完成任務, 一陣賢浚佢地做槍頭, 殺入去, 令雪做cover。方包, 阿宛, 睇住啲細。」Martin向著我們後方, 說道。
「嗯。」我跟湯宛回應著。
「浚燊, 記住一陣一有危險就唔好理我地走, 自己走先。」我向著浚燊說著。
浚燊向我點著頭示意。
「要黎啦。」阿昌跟賢浚走到隊伍前方, 說著。
「目標為本, 要做到任務。」Martin說道。
Martin這麼說著, 使我想起他在飯堂來會合我們的畫面。
我的直覺告訴我, 他跟我一樣, 都是在裝蒜 他應該也完成了任務。
「砰! 」阿昌率先踢開了圖書館大門。
「入面冇開燈。」阿昌跟賢浚殺了進去, J東握著鐵喉緊隨。
「全部同我企係到! 」內裡有把聲音傳了出來。
「颼! 」有一個黑影從暗夜竄出。
「嘿。」阿昌反應得及, 並用手上的刀接住了黑影的刀。
「呼呼! 」賢浚亦不遑多讓, 立馬射出飛鏢。
「你地快啲去燈掣到開燈! 」我聽到前方的阿昌這樣呼喝著。
我這時無疑是雞肋般的存在, 為了團隊, 我立時跑了向燈掣處。
「呀...」我被下一秒的景象嚇呆。
「全部人停手! 云佬返黎。」Kelvin在圖書館中間後方, 說著。
「我仲未幫腳毛報仇...」
「呢啲野, 我地遲吓再搞。」Kelvin雙眼打量著我們。
中六生都排成接近一字的陣式, 而在書架上的邊則綁著兩人。
「係中二, 安峻熙同柳景希。」Martin輕語唸道。
「你地搵人質? 好卑鄙啊! 」在我們中間的Jodie大喊。
「夠你地卑鄙? 你地諗住搵我地呢啲師兄師姐幫你地保命! 」豉油在一邊, 憤怒答著。
「仲搞到阿君...阿君佢....」豉油不禁垂頭, 而天娜這名好友則在一旁搭著肩膊以示安慰。
「點解好似多咗咁多人咁...」芠芯在我旁自問道。
「可能入咗東翼班中六過晒黎...」Candy做著腹語答著芠芯。
「唔想呢兩條友死既, 放低武器! 」在Kelvin旁有另一個中六生喝令著我們。
「方包...」芠芯用著擔憂的眼神看著我。
「我知...」我直視著那個人。
「方包, 你都係到啊? 別來無恙嘛? 」眼前人向我說著。
「哦, 幾好哇。」我答著。
OG...
「估唔到, 呢一刻, 我同你變咗敵人。」OG說道。
「你唔變返當初咩我嗰個你? 」我輕佻地問著, 並且發覺全場人都視線都投在我倆身上。
這個OG, 在我上年的校園生活增添了不少意思。
「但係佢殺咗腳毛...」云佬在一旁, 散發著陰沉的氣息。
我順道打量著全場, 我方有賢浚, 阿昌, J東這三個能打加Martin還有浚燊這兩個沒甚戰力的男生, 其後還有Candy, 芠芯, 敖欣, Abbie, Jodie, 阿宛, 還有握槍的令雪跟我, 總共有十二人。
倘若Marco跟晶瑩沒死的話....
而中六生, 驟眼看去則有在中間後方的Kelvin, 在他旁的OG, 腳毛老友云佬, 豉油, 天娜, 這個應該叫Jasper, 還有數個女生, 姓余, 還有叫自己作甚麼乂布的人。
我不太懂跟自己不同級的人。
另外一邊還有數個男生, 我只記得那個叫Billy的中六, 還有其他那些看起來都惡形惡相, 有個好像是去年體育聯會主席。
「咁搭馬呀OG。」我再次打探著OG。
「即使我以前咩你都好, 而家你地都要放低武器。」OG向我笑著說。
「你嬲我? 」我問著。
「收皮啦! 放低晒啲武器! 」一名男生在去年體育聯會主席旁喝著。
「唔係我地就即刻殺咗佢地! 」他手上有刀, 並指著峻熙的側額。
「仲有你地, 唔好諗住可以掉頭走。」那個過氣主席在腰間掏出一枝手槍。
「又點拎返黎架...」我看著這個場面, 不禁嘆了口氣。
「果然比佢地搵到武器...」Martin言談之間亦洩著氣。
此刻的圖書館, 已經跟黑道撕殺沒兩樣。照平常, 圖書館老師還有她的助理定必會制止圖書館內的一切異常行為。很懷念那個嚴厲又煩氣的圖書館老師, 希望她沒事吧。
「八婆! 你呀...放低...放低枝槍啦! 」那個Billy向著令雪說著。
令雪聽罷, 也徐徐地卸下槍。
「Billy, 你唔好講野, 你講野咁唔掂, 你去綁住佢地。」過氣主席這樣跟Billy說著。
「係既權哥...」Billy拾起地上的索帶。
原來叫阿權, 我真的是才疏學淺。
「咪住! 我地畀你地綁住! 做唔到任會死! 」久未開腔的J東喊著。
「而家唔到你地討價還價! 」在另一旁其中一個姓余的女生這樣喝著。
「我唔想係到就咁死...」芠芯又展現著她的淚眶。
我就說暫時不怕被他們牽制行動, 我看著圖書館的時鐘, 只剩下大概二十分鐘左右... 他們性命岌岌可危。
只見賢浚, 阿昌等人都放下了刀鏢。
一是現在被阿權射死, 再不是就待限時屆滿死。
「砰....」正當Billy想走過來綁住我們之時, 忽然在我們兩派中間位置, 閃起了火花。
「唔好亂黎, Billy退返後! 」我只聽到阿權這麼說。
「不如走。」阿昌這樣說。
「我唔係咁睇, 呢到可以攞正牌殺佢地。」賢浚答著。
閃光爆發後, 無數的煙霧在圖書館四面八方襲向全場。
「係你地? 」Martin大喊。
「唔係我地做, 咳...」只聽到Kelvin這麼答。
「咳...」Billy還在接近原處的位置撥著煙霧。
「返過黎啊Billy! 」阿權喊道。
這次又是一個怎麼樣的狀況, 怎麼又有閃光彈還有煙霧彈...
「咇。」在我旁發出了這樣的一聲。
「嗝...」在濃霧白煙之中, 我依稀能看到Billy倒下。
「返黎啊! 我睇唔到你啊! 」阿權依舊聲嘶力竭地喊著。
在迷霧之中, 徒添多一份濃霧, 真的很擾人。
令雪扛著狙擊槍, 拿下了Billy的人頭。