《學校裡面, 只能有一班生還》: 第五十四話：《狙擊》

 「Jodie? 」敖欣等人從後樓梯來到五樓, 經過了2R課室。
  
     「好驚...唔想殺人...」Jodie坐在2R近門口處, 顫抖說著。


      「你見到班中六? 」令雪皺著眉, 問著。

      「嗯...佢地行咗去嗰邊...」Jodie指著往正樓梯的方向。

 




      「嗰邊一係再上一層, 再唔係就屈入去圖書館...」令雪自語著。


      「不如你都跟埋黎。」令雪一個招手, 朝著Jodie。

      「好啦... 其他同學呢? 」Jodie別過身子, 向著課室大喊。


       沒有人回應著她。






    「算啦, 佢地都自我放棄晒。」Abbie嫣然笑著說。

    「嗯, 行啦。」令雪等人繼續小心地沿著五樓走廊推進。

     
     令雪他們每經過一個課室或是房間, 也會進去搜索一番, 可除了數個坐以待斃的中二之外, 就沒有可疑人士或是目標物。

   「我地搜埋4R就會入圖書館, 之後就會上六樓, 大家小心。」令雪用著她那個師姐幽幽散發出來的女神氣場, 跟著她的師弟妹說著。






    「咦? 」令雪扛著槍, 在4R門口說道。

    「J東? 你做咩唔出城? 」令雪邊笑著, 邊問。


   「點解會係你入黎。」J東擺著一副不爽的樣子。

   「前塵已過, 你唔出黎斬班form six, 就係咁歹。」令雪說道。


  「J東師兄, 4R得返你一個? 」敖欣插嘴問道。

  「唔清楚。」他答著。






   「跟我地一齊行。」令雪招著手, 微笑道。

    「你同J東師兄...」在他們踏出課室之際, 敖欣在令雪耳邊做著腹語, 輕語問道。

   
   「傻妹, 舊時啲野, 我都唔記得喇。」令雪笑著。

    他們搜過圖書館旁的數個特別房間後, 五樓走廊, 搜過中二跟4R後, 就只剩下圖書館。


    這間學校的圖書館, 當然沒有外國或是一些傳統名校般偌大, 可如果供人匿藏, 也足夠有餘。

    「如果佢地係上面...」Abbie忽然說著這句。





   「死, 大意咗! 」令雪他們的位置在往上樓梯跟圖書館中間的短走廊, 敵人一從上面下來就注定GG。


   「係呢...方包師姐佢地呢? 」敖欣同樣這樣問著。

    此時, 從上方樓梯忽然傳來一連串密集的腳步聲。


    令雪等人亦不敢鬆懈, 而令雪本人亦扛著槍, 瞄準著樓梯方向。

    十足「凱特琳」開大絕時的姿勢, 差別只是沒有一個指定目標而已。


    狙擊... 






   一個狙擊手...