《學校裡面, 只能有一班生還》: 第五十三話：《包抄》

「洗唔洗搵人守住呢個落樓梯位? 」芠芯問著。

    「三樓有小霍同Yetta睇住。」我說著。


    「況且我地人唔多。」Martin一腳踢開四樓男廁門, 並進去察看。

     我們決定地氊式搜索, 每一間房都不可放過, 不然被反包抄就頭痛了。






     「話說, 有冇發覺啲天上槍係仲掛緊機? 」我問著。

    「唔到我地搞, 可能係for投票同飲血嗰個任既姐。」Candy答著。


     「師姐, 你地級仲剩返...」他愈放愈輕聲, 似是害羞著。

     「好多, 至少唔係最多都係第二。」我如實地答著他。






      不知何解, 我對著他, 情感上總有莫名其妙地鬆懈, 雖理智上告訴我知道提防任何人都是首要任務。

     「呀...」我腳忽然踩了個空。


     「有冇事? 」芠芯慌張問著。

    「咮! 唔好分心! 」Martin在前方說著, 我們現正往中四走廊進發。






     「有冇事吖...」浚燊在我旁, 同樣用著緊的語氣問著。

     「應該冇扭親...」我不了解我腿到底確切發生狀況。


      倘若此時敵人來襲... 


   「你慢慢坐低。」浚燊用著有神的眼神看著我, 跟我說道。

   「哦...」我倚著牆邊, 慢慢坐下。


   「唔好郁隻腳....」浚燊蹲下身子, 察看著我的腳踝。





    你不要跟我說你觸發了特權。


   「痛唔痛...」浚燊輕輕按著我腳踝其中一個位, 問著。

    我搖著頭, 示意沒礙。


    如是者, 他就逐個位都按了按, 又嘗試動我的腳踝。

   
    為何我會那麼信任他? 


   「忍住...」他一臉認真地摸著我的腳踝。





   「喀喀。」我感受到一陣刺痛從腳踝傳入我的心扉。


    「係咪好痛? 」他抬起頭, 關切地問著我。

    「嗯...少少啦...」我笑著回應。


     這...這是一個怎麼樣的感覺? 

     從沒有過的信任, 不行, 我知這是糖衣毒藥。


    「你點解會咁幫師姐既? 」我嘗試問著他, 順道套他。





    「因為你地救咗我一命咯, 嘻嘻。」他用著一個屬於小孩子, 那天真無邪的向著我。

     「嗯。」我嘗試重新站立。


    「得啦方包, 呢層連Home E房都搜完, 佢地應該走咗上去中二, 最大可能係圖書館。」Martin跟我說著。

   「唉三班都冇乜人。」芠芯歎道。

   「一係出晒黎做任, 一係就係課室聽天由命...」Candy亦搖著頭說道。


    「不過我地多三個新力軍。」Martin說著。





    「阿昌, 賢浚, 湯宛? 」我問著。

   
    「我觸發咗特權, 醫咗自己。」湯宛說著, 她現在這般完好無缺, 跟我剛才看到她瀕死的樣子, 大相逕庭。

    「係呢? 知唔知阿宏朗晴佢地係邊? 」湯宛問著我。


     阿宏? 朗晴.... 

    「唔知....頭先canteen情況太混亂...」我擠出了一個笑容, 問答著她。


    「今次每個人都要做任, 太過強人所難...」芠芯說著。

   「我地上去啦, 方包你同佢繼續殿後。」Martin跟我說道。


    「嗯, 行啦浚燊。」我微笑, 說道。