《學校裡面, 只能有一班生還》: 第五十二話：《會合》
「去睇其他課室, 冇時間! 」Martin在門邊嚴肅地說道。
「行! 」我說道。
「呀....」在我們之間的中一男生, 欲開腔說話。
「嗯? 」我問道。
「我可唔可以...跟埋一齊...」他炯炯有神的雙目, 跟Martin的很相像。
我看著Martin。
「當然可以, 我最鐘意同啲醒目仔一齊行動。」Martin輕笑了一下, 便出了課室。
「行啦, 係呢? 你叫咩名, 師姐係學校唔係識太多人, 嘻。」我微微蹲下說著。
「莊浚燊, 叫我浚燊得架啦。」他向我弄了一個微笑, 答著。
如是者, 我們就繼續沿著中一走廊進發, 由前方Martin, Candy領路, 我跟浚燊則殿後。
「你好似係1W? 」我問著他。
「嗯, 但係我啱啱係入面出黎就畀佢脅持咗, 入面得幾個同學, 冇野睇。」浚燊答著我。
「咁去1B。」Martin說著。
「唉, 點解間學校搞成咁...」浚燊用著他那幼氣的模樣, 哀然唸道。
「你仲咁細, 唔應該要你地咁辛苦。」我答著他。
「係呢師姐, 話說你做咗今次個任務未? 」他問著。
「嗯...梗係未啦, 做咗我就唔洗咁奔波啦。」我強行擠出一個笑容給他, 不能漏掉我已經幹掉人這個口風。
「我做咗...有一個女仔臨死之前...」他說著。
「咁啫係唔洗搵比你啦。」在前方的Candy忽然搭著話。
「唔洗唔洗, 有人留返比你地師兄師姐就得架啦。」他純真地向我笑了笑。
這個中一, 天真得有點過份。
我時不時都會摸摸我袖間上的刀子, 如果他是裝傻賣純的話, 我也未至於輪到下風。
看那個浚燊的身形, 即使他是男生, 我也應該跟他有得鬥。
那些都只是我的最壞打算而已, 由剛才他明白Martin打的手勢已看出, 他不是腦裝草的中一。
「砰! 」忽然前方傳來槍聲, 不是普通的槍聲, 而是「咇」一聲類似狙擊槍的聲音。
「令雪? 」Martin驚訝地說。
「Martin? 」令雪握著槍, 同樣露出訝異之色。
「冇, 頭先出咗啲突發情況, 我地係入面聽到腳步聲, 所以我射一發係面牆到姐, 而家冇野。」令雪收起她那枝狙擊槍
「嗯, 明白。」Martin說著。
「如果你地想索吓料, 我唔介意你地入黎。」令雪臉上露出絲毫哀傷。
「前面嗰個師姐做咩? 佢好似同我地級嗰個敖欣好熟。」浚燊拉拉我的手袖, 問著我。
「唔好掹! 」我喝著他, 下一秒我就知道我用了一個很重的語氣。
「對唔住...」他那雙有神的眼睛一臉誠懇地看著我, 再加上他那句「對唔住」, 我可是受不住。
「唔緊要...」我邊隨隊進了課室, 邊回答著。
「乜事...晶瑩同Marco...點解....」我看見芠芯說罷, 雙眶自動地泛著淚。
我同樣地感到疑惑。
首先, 他們明明都是在飯堂裡面, 何時悄悄走了上來。另外, 為何會死掉?
「發生乜事? 」Martin一本正經地問著。
令雪就把她所知的都一五一十告訴給我們知。
「晶瑩同個死肥仔都觸發到特權...」我說道, 並嘗試重新整理著資料。
依令雪這麼說, 晶瑩是在接近歇斯底里的情況下觸發到特權, 跟在飯堂躲避的人, 例如小霍等人如出一轍。
但為何那位「箭頭人」只是殺掉死肥仔跟晶瑩?
「個肥仔係咪講過話佢每殺一個人, 就feel到自己嗰股力量越強大? 」Martin問著令雪, 而令雪亦點著頭示意。
「咁嗰個刺客, 應該都會知呢一點, 但係殺既人同觸發咗特權與否就暫時未有必然關係。」Martin握著下巴, 露出思考的樣子。
「嗯, 班中六...」Martin亦把剛才的事告訴過令雪。
「佢地上咗四樓, 除咗落返去就走唔甩。」令雪笑著說。
「哈...」Candy忽然狡黠地笑了一聲。
「做乜? 」令雪問著。
「冇, 見到女神你拎住枝狙擊槍, 好鬼pro, 好鬼似嗰隻凱特。」Candy笑著說。
「你又有玩? 」我興奮地問著Candy。
凱特琳是英雄聯盟裡面其中一個英雄, 是一名拿類似獵槍的女人。
平常人都只是稱呼她為「凱特」, 或是英文名。
「兵分兩路啦, 敖欣, 你地黎唔黎? 」令雪揮著手問著。
「當然, 佢地咁衰。」敖欣答道。
「你帶你嗰隊係後樓梯包上去, 我就係返正樓梯搜啦。」Martin說道。
「記住, 做任務要緊, 我地全部都未做。」他補充著。
「嗯, 今次, 應該都死幾多人吓, 希望有天使特權派啦。」令雪語帶成熟地說, 並提著槍。