[中篇]隱藏係香港地底既秘密──點解要我去發掘？: 山海經

我迷茫地看向他們二人：「有咩問題？即係我啲血冇用啦？」
 
列天欣頹然坐下：「唔好再諗你啲血。寇前，你爸爸識唔識啲研究奇門遁甲既朋友？」
 
堂哥搖了搖頭。列天欣倒抽了一口氣，低下頭來抱著兩膝。直到聽到她抽鼻子的聲音，我才意識到她在哭泣，嚇得趕忙蹲下來環抱著她的肩頭：「到底係咩事？」
 
「我地出唔翻去喇！」她依然低垂著頭，聲音中帶著哭腔：「呢個係八門陣呀！我呀爺翻生都解唔到呀！」她抱著頭放聲大哭。我一時慌得只能不斷輕拍著她肩頭，望向堂哥，見他在皺著眉頭打量著門上的字。現在看清了刻劃在門上的那些文字，更加不知所云，複雜的筆劃加上不知道是什麼字體，我完全看不懂。堂哥回頭瞥了我們一眼：「唔好喊喇，試下解陣仲好過。」
 
列天欣哭叫道：「你識咩丫？憑我地就解到八門陣既話，伏羲激到嘔血都似。」
 




我以求救的眼神看向堂哥。他倒是不理我，自顧自的在房間裡巡了一圈，在每道門前都駐足看了好一陣子，直到把八道門都看了一遍，才走到我們面前。列天欣還在哭泣。好像只有我一個還是胡裡胡塗的樣子。
 
堂哥道：「門上面分別刻住『窫窳』、『狍鴞』、『蠪姪』、『猲狙』、『鬿雀』、『合窳』、『諸懷』同『蠱雕』。」
 
我當然是一個字都聽不明白。堂哥從背囊裡拿紙用我能看懂的字體把這十六個字寫了一遍，道：「呢啲都係《山海經》入面既怪物。」
 
《山海經》我倒有聽說過的，記錄了一大堆古人幻想出來的奇珍異獸，夸父、女媧這些耳熟能詳的神話人物都有被記載在內，還有數不清的奇怪生物。難怪我除了幾個字之外其他字都不認識。我呆呆地盯著那張紙看，搖頭說道：「唔明。」
 
「佢地都有一個共通點，食人。」
 




我先是一愣，然後道：「但……已經過左咁耐，佢地應該都死哂架喇……」
 
堂哥嘆了一口氣：「你唔可以淨係用唯物論黎解釋成個世界。」他轉過身去一邊來回踱步，一邊說道，臉上神色有點煩躁：「佢地唔係生物，只係一種形態，我地稱之為『妖』，就好似我地叫尋日遇到既新娘做『鬼』一樣。佢地係想像既產物，有能力既人可以將佢地係想像入面抽離出黎，成為左現實中既呢種形態。冇錯，《山海經》係一本記錄幻想生物既書，但係呢度其中七道門後面存在既，確實係可以傷害到我地既怪物。」
 
「我地入黎道門呢？果度係咪就係惟一一度冇怪物？我地可以諗方法鑿──」
 
「你咪發夢喇！」列天欣尖聲喊道：「呢個係陣法，唔好再咁天真以為唯物主義可以救到你！呢道八道門，每道門後面都有機會有怪物！」
 
我呆在原處，頓感到天旋地轉，世界觀被徹底顛覆。我怔怔地看著列天欣擦乾了臉上的眼淚，緩緩站起身來，像剛才堂哥那樣子繞著房間走了一圈，又回到我們旁邊，出奇冷靜地說道：「指南針、手錶係咪已經用唔到？」
 




我看向自己的手錶，時分秒針均已經停住。堂哥拿出指南針，卻見指針不斷打著圈圈，停不下來。
 
「即係我地而家係冇可以辨別到方位同時辰。」列天欣輕咬下脣，說道：「比啲時間我，雖然我唔係學奇門遁甲，但係……都有得估下。」她向堂哥要了紙筆，坐在地上開始在紙上畫圖。我和堂哥也坐下來，看著她的動作。她畫了一張八卦圖，然後在每卦上順序寫下「開」、「休」、「生」、「傷」、「杜」、「景」、「驚」和「死」。
 
「呢個係八門陣既概念，八道門，有四道門比較好，但有四道門可以直接送我地上西天，但只有一道門可以真正救到我地。」她指著一個卦：「就係生門。」
 
「即係我地要係呢八道門入面，估到邊個係生門？」
 
「簡單啲黎講，係。」列天欣猶豫了片刻，繼續說道：「不過而家我地冇可以用方位判別到邊一道先係生門，但我可以諗方法算出黎。」她又頓了頓：「我以前算十次，有三次會唔準。要唔要博呢一次？」
 
我和堂哥互覷了一眼，又轉向列天欣。我問道：「我地有冇可能等人發現我地？唔係話有考古隊準備要發掘呢個墓咩？」
 
堂哥接話：「佢地唔會入到黎呢個位面……我地而家，係一個由陣法創造出黎、完全獨立既空間入面。」
 
我沉默了良久，鬼使神差地點點頭：「列天欣，你試下啦。」