[中篇]隱藏係香港地底既秘密──點解要我去發掘？: 新娘出現

我坐在地上一愣，還道他在說笑，見他臉色凝重不似在說笑，不由得大驚失色：「點解要打開？」
 
堂哥撫摸著石棺表面的雕刻：「你睇下，呢啲袐籙一路雕到去棺材蓋既側邊，邊緣位既字淨係雕左一半，另一半雕左係棺材蓋既底部。設計者要我地打開個蓋先睇得哂。」
 
「佢點解要咁做？會唔會棺材入面有危險既野？」我心裡不安，微仰起頭來打量這副棺材。色彩單調黑沉，我看不出是什麼石質。表面除了那些袐籙外還有些簡單的花紋，棺材蓋看起來大概有四吋來厚，是一整塊的石板，沉實非常。這讓我覺得有點奇怪：「同埋……以前見既棺材都係木造，點解呢口係石造既？」
 
「通常用石棺，如果唔係中國西南部少數民族，就可能係因為棺內有凶煞。」堂哥神色自若，好似毫不在意：「死者多數係含冤而死，可能係因冤獄而死，後來重查清白而改葬，又可能係比人無緣無故捉左黎做虛塚既替身。」
 
我怎麼總感覺堂哥在故意嚇唬我……
 




眼見他就要去推那棺材蓋，我連忙阻止他：「咪住先，如果入面真係有你講既凶煞咁點算？」
 
堂哥無動於衷：「打走佢。」
 
「……乜道士唔係唸咒語同貼符架咩？」
 
「噗哈哈哈哈哈哈！」列天欣在一旁放聲大笑，笑得捧著小腹彎下了腰：「你真係以為道士無論做咩都係攞住把桃花劍亂咁揮，唸啲驅鬼咒就趕得走啲鬼架？你真係好鬼傻！唉，我就快笑死喇……」她抓住我肩膀當支撐慢慢直起身子，另一手還是揉著小腹：「真係笑到肚痛，我以為你唔係好識姐，點知你完全真係一啲都唔知。乜你屋企人從來都教過你咩？」
 
「我又唔係嫡系既子孫，乜都唔知好出奇咩……」我忿然說道。
 




「隻鬼真係衝到你面前，你都係即刻搵野攻擊架啦，點會仲慢吞吞讀咒語呀，係都等制服隻野先啦。桃木劍就可能有用既，但對付凶煞就冇乜用喇。」列天欣此時已挪到堂哥旁邊，就要幫手推那棺材蓋。我見他們好像對解決凶煞頗有信心的模樣，也硬著頭皮站到對面去拉那棺材蓋。一推一拉，立時出現了一條大縫。堂哥忽然咦了一聲用手電筒向棺材裡頭照去，大家立時停下動作。我見列天欣頓時臉色發白，忍不住探頭一看，赫然見到在棺材裡，有一雙森白的腳骨。
 
我看得頭皮發麻，踉蹌退後幾步撞上了牆壁。
 
堂哥喃喃說道：「真係好毒辣。」
 
「咩……咩意思？」
 
「我終於明白點解一路上個新娘既丫環係咁騷擾我地，」堂哥沉吟半晌，目光仍然鎖在棺材裡頭的腳骨上：「呢副骸骨，就係果個新娘既。」
 




我回想起那隻手捉住腳踝的恐怖觸感，登時兩腳發軟快支撐不住自己：「咁我地點算好……佢會唔會入黎架？」
 
「個丫環都係想我地放翻佢既主人出黎，佢就算入黎，都唔會向我地落手，更何況佢根本唔係我地三個既對手。」
 
「你點敢肯定？頭先……頭先佢先捉住我隻腳喎！」
 
堂哥指了指自己：「我身上有桃木既氣味，個丫環自然以為我地係黎打散佢同佢主人既魂魄，而你又係我地入面最弱果個，咪試探下你。你可以放心，就算佢而家出現，我都有辨法解決。」
 
「咁、咁、咁你頭先講咩好毒辣……」我突然想起他那句喃喃自語。
 
「果位新娘既魂魄封係石棺入面咁耐，應該都因積怨而變成左凶煞。」堂哥揉了揉額頭：「你地翻去頭先個右耳室先，我自己搞得掂。」
 
我猶豫片刻，就想回到通道裡去，但手電筒照去剛才進來的地方，立時又是一身冷汗。
 
那面石壁竟然變成完好無缺，那個大洞已經不見了。




 
列天欣失聲驚呼：「鬼打牆！」
 
就在這時，不知從何處響起了幽幽的絲竹聲，似有還無，哽咽一般斷斷續續地演奏著。我聽得出是慶婚嫁的樂曲，但曲調卻異常幽怨。我渾身發毛，忽然感到手中溫軟，卻是列天欣擠到了我身邊，捉住了我的手。她手心也冒著汗，顯然她也沒有遇到過這樣的情況。我們三個之中只有堂哥最為冷靜，從腰間抽出了一柄短刀，似乎在準備作戰。我和列天欣見他拿出武器，更是害怕。這主室原來就格外陰涼，現在更是森寒得讓我感到如墮冰窖。我感到我上下兩排牙齒顫得在格格相撃，不知道是因為害怕還是因為感到寒冷。
 
隨著那絲竹聲從遠方慢慢向我們靠近，我的心臟也愈跳愈快，幾乎要從口中跳出來。然後──音樂消失了。
 
我呆了片刻，還道是危機解除了。就在我準備長長地舒一口氣時，四周忽而爆出了極響亮的嗩吶聲，伴隨著琴蕭笙竹的狂奏，刮得我耳膜發痛。
 
一道人影隱隱綽綽地在石壁附近出現。