高級文憑畢業・失業一年幾・終於有【正職】返？: 2

是咁的，琴晚接完舊同學電話之後，今日仲係好興奮，我仲四圍同人講可能轉工。

阿～係，講返，其實我係做葵涌貨櫃碼頭既倉，住都好近，就係葵芳地鐵附近。
同PARTIME D倉大佬算係幾熟，而且都幾識得照顧我呢D雖然有少少肉地又唔係好大力既人，
所以我第一時間同佢地講可能就黎辭職唔做。
 
「強哥，UM⋯⋯我⋯可能就黎唔做呢度⋯有第二份工，同你講聲。」

當一度地方既人對我好好，我其實唔係咁想離開，所以有D吞吞吐吐，我係咪好感性⋯⋯





「咁突然既？得啦你同我講聲，再同寫字樓果邊講就得喇。」
佢係呢度阿頭，四十幾歲。全名唔知咩，講真，出社會之後，大家都唔多理你乜叉野全名。
 
隔黎阿傑聽到我同強哥傾計內容，插嘴
「轉邊行阿？」

「設計⋯⋯」
我想講DESIGN，其實佢地英文麻麻，所以用返中文。
 
「我屌你老母，估撚到你有料架啦」阿傑好大聲好激動。





佢應該係大我一、兩年，識得渣剷車，算係呢度除左強哥之外，又話到事既人。
不過佢玩開神魔之塔，有時會比佢串我隻PAD。
 
佢繼續講
「平時見你唔聲唔聲，剩係玩埋D架仔GAME，以為你好撚毒添。失覺哂，以後要叫你做皮蛋哥，有咩好路數記得預埋我阿。」
佢好串⋯⋯
 
「PETER仔手字一向都靚，我睇好你。」
強哥真係好識講人話⋯⋯




對唔住，我份人比較崇日畫風⋯⋯佢有叫我玩神魔架，但我課金左落PAD，無謂轉GAME喇，所以可能咁樣得罪左神魔。
BTW其實河水不犯井水唔好下下串住哂，好彩強哥解圍。但其實除左呢樣野之外，阿傑好好人的⋯⋯
 
講真現實大部分人都係玩神魔⋯⋯（OH SO9SAD 對唔住
隔黎D暑期工MK仔唔多出聲繼續邊食杯麵，邊打神魔。

BTW 唔好問我點解MK會委屈到入黎倉。不過佢地做野真係又慢又成日蛇王，日日拎手機出黎。
通常加班都係強哥同阿傑⋯⋯