高級文憑畢業・失業一年幾・終於有【正職】返？: 1

我叫PETER張，人稱皮蛋醬，今年廿三歲，獨生加單身，上年岩岩畢業係艾大高級文憑，到今個月都未搵到長工做⋯⋯

其實上年5月尾交好哂FINAL YEAR PROJECT，D 同學仔就已經開始搵工。
有D做MARKETING，好好景，講真識講野真係唔同D，講緊而家賺既係3、4萬一個月都有⋯⋯
犀利過讀完大學岩岩出黎做老師果D，真係O撚嘴炒粉。
 
唔講呢D，其實我果科係讀多媒體高級文憑，大部分男同學入左學校做TSS，
諗深一層，如果做TSS為乜讀完高級文憑先入行做？中五都得啦屌，我真係睇唔透諗唔透。

由於我個人既固執，到目前為止我仲未搵到一份長工，呢排靠住PARTTIME倉務員過活。




其實做倉都好好，賺錢之餘，又可以減肥。（對唔住無做野成年，柒都肥哂）
 
倉務話就話PARTTIME，其實每日都係要返9個鐘，只係唔駛返足6日同埋唔駛OT姐，人工每月都有8千幾，算過得去啦。

有閒錢可以課金下PAD，返屋企又可以打下LOL，你都咪話唔梳符。
（其實我講野1999，標題唔知駛唔駛改，或者你當我個人固執，唔當倉務PARTTIME係工。）
 
今日岩岩有個小學同學打俾我，傾近況，真係估唔到我呢D毒撚都會有人搵，唉。

⋯⋯⋯⋯⋯⋯⋯⋯⋯⋯





「喂，PETER哥，近排點阿？」

「UM⋯⋯你係邊個？其實我唔認得你把聲」把聲好熟，但我對佢真係無乜印象。

「我係你小學同學，JAMES，記唔記得我？」

「我記得啦，係咪五年班男班長？」佢講完尖屎我有D印象啦，不過都係唔記得中文名！

「你終於都記得拿？無阿，呢排想吹雞搵堆舊同學出黎飯聚姐，我做搞手阿」





「哦⋯⋯」其實我唔多想出去咁多人食飯既地方，哦住先SOR9LY。BTW人面廣真係唔同D，我記得以前佢把口已經好惦。

「其實未FIRM好架，時間、地點果D我遲下俾你啦」

佢繼續吹
「係呢，講返正題先，你呢排點阿？返緊咩工？」

「我？⋯⋯我做緊PARTTIME阿」一邊答一邊諗點解正題係問我返咩工，唔係搞飯局約人既咩。
BTW我唔想話佢知我做緊倉務員呢D ON9工⋯⋯

「哦！因為呢排我問緊D舊同學約食飯單野阿，咁問到你近況，佢地話好少搵你，剩係俾左你電話我咋」

「原來係咁⋯⋯」





其實最後同JAMES有聯絡，好似係升中一既暑假，果陣興打AOC，我地成班小學雞日打夜打黑森林既，諗返都幾回味。
話時話得閒果陣問下尖屎有無打LOL先⋯⋯（毒撚到我呢

佢繼續問
「有無興趣做FULLTIME先？有份工我諗幾岩你。」

「咩工黎架？」我非常揀擇。

「我係公司既MARKETING MANAGER，我地而家請DESIGNER阿，舊同學話幾年前你讀關於設計架WO，我諗幾岩你。」

「咦！好似唔錯⋯⋯」原來佢又係MARKETING⋯⋯BTW聽到份工都有D興奮！！
唔通我係第一個做返自己讀果科既野？
（可能話全香港都係咁，講講我地科，其實教過PS、AI、AE等等，好多DESIGN工都岩做但無樣精咁解，全班都做其他工種既。）

「係呢，過一、兩日你得唔得閒先，不如我地出黎傾，順便介紹我公司係做D乜PRODUCT。」





「都好⋯⋯」聽FD講MARKETING成日要出去見客，都會請個客仔食飯，雖然我唔係客仔，會唔會有免費飯食呢？

「咁我星期四打俾你啦，6點半你放左PARTTIME未？」

「放左⋯⋯」我倉果度放5點半⋯⋯

「咁好啦到時約你」

「好，到時見」

「88阿PETER」

「8 JAMES」老老豆豆呢幾年D人叫我皮蛋醬多左⋯⋯
聽返PETER有D唔慣，但堅有D滾動，小學同學果然是最好的。BTW好緊張，會唔會我終於做得返讀果範呢？




 
講到呢度先，可能無人睇，唔係日日更新到，有心人士請留意往後發展。