高級文憑畢業・失業一年幾・終於有【正職】返？: 3

無錯，係職場入面最值得關注既係果班懶懶閒HEA住做，每個月等出糧，而年齡介乎90年出世既人。
雖然我都係90後，但我由於太介意人地點睇自己，每件事，我都會做到完美先肯收自己貨。
「工作時工作・休息時休息」係我俾自己工作既要求。
 
講到呢度，終於黎到約小學同學出黎傾既一日啦。
 
5點半，準時放工！呢份PARTTIME帶俾我既係──每日都咁準時！
琴晚尖屎話我OK果陣叫我WHATSAPP俾佢，我WHATSAPP問佢邊度先。

「HELLO JAMES 我放左工啦」





「你邊頭放工」

「UM⋯葵芳附近」唔可以講我做緊倉，好柒，唉屌。

「咁我搭地鐵入黎啦」

「會唔會麻煩到你阿」

「唔會！我二、三點放左工啦！我係深水埗黃金睇緊電腦野 入黎好快姐」




原來MARKETING可以咁早收工既。

「好早！」

「你果頭有D咩野食阿？搵個地方食野慢慢傾」

「其實我好少留意食⋯⋯你決定？」典型毒撚毒係屋企無乜見識真係唔奇，唔好介意。

「咁地鐵D出口等啦」





「OK」雖然我住附近，但我覺得D路佢仲熟過我。
 
平時我放工就咁返屋企就沖涼，今日為左見舊同學，我準備左多件衫換，費事人地知我做倉啦，換完衫又一條好漢係咪先！
 
差唔多6點半，尖屎終於打黎啦，睇黎佢到左⋯⋯
我仲係新都會廣場HEA左陣鳩行。
 
「喂PETER哥係邊？我到左。」

「黎緊！好快。」我一路行一路趕去D出口。

「好，照舊D出口見。」

「OK！」