呃Like 呃出人鬼戀(完): 第二十五晚：溝女未必要靚仔？真愛破邪！

小宜雖然俾老麥推咗落地，但明顯老麥已經手下留情，所以佢好快起番身。

「點解呀！阿澤，點解你要咁對我，咩你真喺咁憎我？」小宜一路㩒住我額頭好辛苦咁講，竟然喊起上嚟。

「小宜你冷靜啲聽我講，依嗰唔喺本來嘅你，你清醒下啦。」我想上前解釋，但喺老麥拉住我。

「我已經咩都無哂啦，媽媽唔要我，家姐又唔醒，我以為你嘅出現喺上天?俾我嘅補賞。原來都喺假嘅，咁我做人仲有咩意思喎。」小宜講完，一個轉身就跑。

「等等......小宜！」我要去追番佢先得，小宜精神有啲錯亂，可能會做傻事架。





「喂喂？宅哥？發生咩事先？叫咗我嚟睇場咁嘅鬧劇，唔講清楚我唔玩架啦。」老麥其實喺驚我追上去有危險就真。

「喺咪兄弟先！喺就救咗人先。我保證一定俾番個可以嚇得死你嘅原因。」我輕輕撥開咗老麥全速去追小宜。

「唔喺咁好玩嗎？我點唔預埋我一份。」老麥原地做咗兩下小跳步，然後馬力全開。

小宜，不斷向前跑，衝過咗幾條石路，然後穿過咗一塊農地，經過小徑，跳過小溪。

表面上小宜好似亂咁跑，但喺佢其實好似俾一條無形嘅絲線一路拉住，一路帶領。





＊＊＊＊＊＊＊＊＊＊＊＊＊＊
道堂內，師太正上香禮拜。

而一個掛喺道壇上嘅銅鈴就不斷咁自行搖晃，發出「叮噹」聲響。

「哦，睇嚟獵物已經上釣啦。嚟啦，過嚟啦，件事已經拖得太耐。」師太雙手負喺背後，眼角凌厲咁睇住個銅鈴。

突然，鈴聲停咗。

師太慌忙上前拎起一睇，竟然喺銅鈴中心果條軸斷咗。師太一怒將個銅鈴掉喺地下。





「可惡。邊個破咗我法！......」師太停一停，再吐咗一句：「叛徒，壞我大事。」

師太急步衝出道堂，繞到內室，一腳就踢開其中一道房門。房內一遍混亂，枱凳都被撞埋一邊，而最令人毛骨悚然嘅喺房中間，正企住一個女形嘅紙扎公仔。

「身外化身，你個叛徒敢喺我面前班門弄斧。」師太怒不可遏，衣袖一揮，十數支長針將個紙扎公仔插到變化型。

師太走回道堂外，向住留守嘅一班東寶集團嘅手下大叫：「你地聽住，老闆要嘅人應該已經嚟到村口，即刻同我去捉人。」

＊＊＊＊＊＊＊＊＊＊＊＊＊＊
終於追到啦。

我同老麥正一前一後將小宜圍住喺一條石橋上面，不過我地兩個都唔敢行得太近。

「小宜，唔好再走啦......我好攰呀。」我雙手㩒住膝頭抖緊氣。





「阿澤，你仲追我做咩喎，你都唔要我啦。」小宜喊到雙眼紅哂，楚楚可鄰。

老麥無插咀，一派睇戲嘅心態。

「小宜呀！你信我啦，我喺想幫妳。」我試圖行埋佢。

「你企喺到呀。我知架，你估我唔知咩，就喺因為家姐仲喺到，你先至要揀，無錯啦！如果家姐唔喺到，咁就唔駛揀。」小宜眼神一變，喺褲到拎番部手機出嚟，仲好大力咁掉咗落地，然後就喺橋邊拎起咗一舊石頭，向住手機機面撼埋去。

小宜依下動作好快，我嘅距離根本制止唔切，不過我無論如果都唔可以俾小雅佢出事。

我嘅身體自然反應咁跨出，雙手伸前，就喺石頭撞到機面之前，及時俾我隻手包住咗部手機，但喺舊石頭仍然狠狠咁撼咗落我隻手背到。

鮮血飛濺。





小宜驚叫一聲，俾啲血嚇嚫，不斷退後......退後......退後......然後腳踏一空，無留意到自己已經踏出咗橋面啦。

有時，緣份依樣嘢，雖然唔喺話嚟就嚟；但喺如果遇啱適當嘅人，適當嘅時侯，加上上天輕輕咁推佢落橋.....

咁就需要有一隻強而有力嘅臂彎，同埋一雙居高臨下嘅眼神。

「喂？妳無嘢丫嗎？唔駛玩到跳橋咁煸情啫。」老麥及時一手將小宜抱住。

小宜第一次咁近咁望住依個人，成個人好似觸電咁，然後感覺到一種與別不同嘅心跳感覺。

「點......點解你咁好打嘅？我第一次遇到撻唔到嘅人咋。」小宜眼定定望實老麥。

「你想學咩？我教好囉。」

大家依刻都無留意到，一支比頭髮仲幼嘅針，慢慢喺小宜嘅後腦退番出嚟，跌咗落橋底。





＊

＊

＊

＊

＊

＊

＊





＊

「唔好意思，打擾你地一陣，可唔可以搵人理下我先呢？」我仍然趴喺地下，流緊血架。