呃Like 呃出人鬼戀(完): 第二晚：「新」機下海梗係要揚！後果自負？

我都好耐無回WhatApps 回到手軟，換左部「新」手機，唔揚點得呀。 

當晚，我對住塊鏡自拍左幾多張，唔會記得；加咗幾多霸氣特效喺部手機到，唔會在意！我只知道，當我一POST 果堆相上Facebook，網友給我既Like 差不多喺我開Facebook以嚟所有Like既總和。 

之後，一班Friend馬上在我WhatApps 作出轟炸，為咗應付依場戰役，差不多忙到深夜三點幾先有得瞓，令我完全唔記得咗依部不明來歷手機嘅不安。 都唔知瞓到幾點啦，被少有既來電嘈醒，原來係死黨「老麥」打來。 點解佢叫「老麥」？如果有一個人可以一日三餐都去M記開飯，朝早食珍寶，下午要加大，夜晚追加AB甜品，而依個人仲可以保持130 磅，外型健碩，我可以話佢一定就喺麥叔叔轉世。 

當我一接聽電話，就傳嚟老麥果把好似小丑一樣既刺耳笑聲：「喂，有錢仔，咁捨得買部生果5S呀？中左六合彩？定係買海鮮先？」 老麥份人無咩嘢，仲幾型仔，但係點解同我一樣都係識唔到女仔？我就係衰係個名，佢？咪就係衰口臭。 

「點呀？老麥，晨早就妒忌我，你點捱到夜晚先。」我都唔會示弱囉。 





「挑！仲早？下晝四點啦。我駛妒忌你，我自己都用緊S4啦。等三叔又有新款再換，唔喺咩呀。講你呀，扯開話題，做咩突然換機，唔似你喎，從實招來先。」 老麥對我換新機非常在意。 

「黑仔囉，無端端死機，喺死哂果隻，想唔換都唔得；咁啱老豆阿媽返鄉下前留低幾千銀俾我旁身，話用唔哂返嚟要俾番佢喎，你話！會唔會用唔哂先？哈哈......」見佢喺咁追問，我都一早諗掂點答。

 「嘩，仲話黑仔，有錢收仲有新機你用；唔理你，今晚出黎老地方開飯再傾。」都未等回覆，老麥己經收線。 

老地方？仲有邊個老地方，咪就係街口間麥記囉。 

夜晚，七點正，我落到去麥記就見到老麥一手拎住巨無霸，一手對住我大大力揮手；凳都未坐，佢已經要搶我部手機嚟玩。 





我都唔理佢，事但叫咗個餐，等老麥玩夠再諗去邊玩。 

我邊食嘢，而老麥則一邊玩手機，一邊時不時發出很淫邪嘅笑聲，令到好多人都向我哋回望；我忍唔住問：「喂！你上身咩？笑到咁淫，精蟲上腦呀。」 

點知，老麥笑得更加大聲，然後指住我話：「挑！唔怪得肯咁大手筆換新機，原來識左條女呢。收收埋埋，駛唔駛呀。驚我搶你咩。」 

「吓？」我呆左好耐，完全唔知老麥講咩。 

之後老麥見我唔應，以為我扮嘢，直接將手機還俾我，淫笑話：「仲扮咩，俾我搵到啦，以為將相收喺本機記憶就無人知咩。」 





我接番我部新手機，屏幕上面竟然喺一張少女的自拍，佢笑得好甜，有少少包包臉，紅紅地非常可愛；但喺，我就從未試過睇靚女自拍照會睇到咁心寒。 

我嘅手機，唔喺......正確嚟講，依家先喺我嘅手機入邊收埋咗一張我未見過既女仔自拍照，佢係邊嗰？唔通佢就係上一手手機既主人？ 

我繼續一張張相咁去睇，張張都係自拍，張張都拍得好開心，雖然我完全唔識佢，但係我睇得出佢好鐘意部手機，如果係咁，點解佢要用咁唔正常嘅平價賣左部機，定一話係...... 

我一路胡思亂想，一路繼續㩒下一張......下一張.....下一張......然後就睇到最後一張，一張一時唔能夠睇得明白既照片。 

最後一張照片，畫面上有一個好唔清楚嘅印，睇真少少應該喺一個手掌拍向鏡頭吧，而手指之間又可以睇到背景是黑嫲嫲咩都無，又唔喺喎，在黑色背景遠處好似有一個人影背向鏡頭，睇唔到嗰樣，不過身形係男人嚟。 老麥見我面色都變埋，拍了我幾下問：「你唔係呀，識到嗰新女友，夜晚都唔駛去到咁盡，小心俾佢陰乾你。算啦，唔迫你住，你講得就帶條女俾我驗下。你番到屋企再打俾我。喺咁。」

老麥轉身就走，可能佢覺得揭開死黨私隱唔好意思。 

而我就一嗰人，無味咁食埋嗰晚餐。