呃Like 呃出人鬼戀(完): 第一晚：窮都要用手機架！二手照殺！

要自我介紹？唔駛啦，上網搵套陳果既香港製造睇就清楚。

我叫阿澤，就知嗰嗰朋友內心都係叫我阿宅，有咩所謂反正名都喺用嚟叫。啱啱考完個DSE，生死未卜，又唔想搵嘢做，所以日日留喺屋企用手機上網睇囡相......又繼續改下相......我無咩不良耆好，改圖唔算係咩不良耆好掛，POST 上網嗰嗰鐘意嗰嗰Like，分享是美德，巴打最讚成。

 點知......不幸就由依一刻降臨到我身上啦。 

「唔喺嗎？真喺壽終正寢啦!」我拎住部用左成四，五年嘅舊款三叔機，畫面突然一黑；我不斷重開都無反應，插入差電亦無著燈。 

其實部機用左咁多年，我都想換好耐，咪就係無錢啫，你估我唔想買部新款。依家銀行得番二千銀，加埋老豆阿媽返鄉下前俾既五百蚊額外補貼，要捱到月尾喎，最多只可以用果二千銀買過部，有咩可能呀。 





正苦惱間，心諗：「不如衰衰地......去先達執部二機，家陣嘅人換機當換衫，隨時有機會執到好嘢喎。」 

雖然，我對二手機喺有點抗拒，點知上一手咩人用過，喺痴漢？定喺麻甩佬？不過，點都好過與世隔絕，死咗部手機同真係死咗無分別啦。 

跨過咗心理障礙，事不宜遲，話咁快就飛車出到先達。 

不過，到達先達先知自己又衰衝動囉，依家咩時辰呀！頭先心急無睇錶，嚟到原來己經夜晚十點幾，大部份舖頭都收哂工。但喺一場嚟到，點都睇下有無未收舖，總之價錢啱，睇落正正常常就即買，如果唔喺你叫我今晚點過。 

由地下果層一直快步向上掃，一樓，二樓都差不多都收舖，毫無收穫；而三樓多數玩具舖，唔通今晚真係要早抖？！ 





算啦，既然都嚟到，行多陣先返屋企瞓。 上到三樓，隨便向一邊轉左兩嗰彎，舖頭都己經關哂門，連玩具都無得睇，心情低落到極點，都係走人啦；正想轉身由途路走時，竟然俾我睇到前面走廊尾仲有個招牌未熄。 仲諗咁多，我差唔多係用跑既速度，衝入去間舖頭。原來我都仲有少少運，真係一間手機舖，舖面好新，左右兩排陳列新機款講得出都有；不過價錢就真係公價，最平果款都要過三千，用埋維生果五百蚊都唔夠囉。  

望住一堆點都買唔起既新機，流口水都無用，返歸早抖，聽日再諗。

咁啱，間舖頭一位女店員走過嚟就問：「靚仔，想要咩款呀？可以拎上手試喎。」 我則頭望下個女店員，掂喎！好似同我差唔多年紀，唔知係批盪夠厚，定係暑期工啦，靚就咀多兩句。 

「唔，其實咁嘅，我都仲未諗掂依家轉咩牌子新機用好，又唔想買新機搏，唔知你地有無新款二手機賣呀？等我試真佢先再買新機。」雖然我己經盡全力表演得大方得體，但喺嗰問題，本身都好似有問題。 女店員表情好似打左個突，然後又即刻掛番個笑容，而且示意叫我走入櫃面後個倉。 氣氛好似有點古怪，間舖淨番我同個女仔，仲要叫我入去應該唔會俾客入既倉？唔通，有「特別的服務」。 

身體還是最老實，嗰腦都未決定係咪入去，原來我已經坐咗喺倉入邊張凳。 





而嗰女店員亦都拎住一個紙箱仔，放咗喺我前面話：「原來你喺嚟接貨，早講丫。不過，早左成個星期，我哋只收到幾部咋，你自已睇下要啱唔啱。」 接貨？接咩貨？我表面好似好鎮定，但係背脊己經出哂冷汗。都唔理得咁多，我伸手開咗個箱，裡邊只有四部手機，但係部部都好新，而且都貼左保護貼，老實講如果將部機放番係個原裝盒，話係新機都有人信。 

女店員見我遲遲唔出聲，就笑住咁話：「今次收嘅貨係少款左，不過部部都靚仔架，唔好白行丫，揀部俾我開張單當幫我好嗎？再計你平點啦。」然後再向我拋媚眼。 如果喺平時，我最受依隻，但係咁既環境，眼前四部不明來歷嘅新款手機，叫我點揀呀。 

為求甩身，死就死啦。四部手機當中，其中一部「生果5S」黑機，機身上邊有個明顯既小凹痕，買部有缺陷，嗰心好過點啦。 「就要依一部！」我拎起部機，就用己經決定咗嘅語氣同個女店員講，而我都企埋起身，拎住個銀包要俾錢。 女店員見我只要一部都唔多講，繼續用佢既商業笑容話：「多謝哂呀。唔喺你我今日食白果，好啦，見你咁好人，依部就收你一千。」 

「咩話！一千！」我真係俾佢嚇嚫，大叫一聲！發生咩事先，生果5S正價依家都仲賣緊＄6XXX。二手收機我諗都會有人收二，三千掛！依家眼前部機仲咁新，竟然話賣俾我一千？有問題！一定有問題！絕對有問題！ 女店員被我嚇呆了，佢一定以為我發脾氣，驚驚青青話：「對唔住呀，對唔住呀，我都知係 貴左少少，不如咁啦，一人讓一步，八百好嗎？真係再平唔到啦，我哋收番嚟都七百架。」 咩話？今次我無大叫，忍住咗。但喺生果5S七百蚊都有人肯放，依嗰仲唔係超級大問題。 

不過，身體還是最老實！我隻手己經伸入去銀包，抽出一張一千蚊紙，以最豪邁！最高貴！最霸氣的一句話回答：「唔駛找！」