一世回味的初戀: 第7章：校內運動會

學校一年一度嘅運動會，係表現自己嘅好機會。

而我都開始對啊詩有d感覺。

為左向佢表達，我就決定努力練跑，為求係運動場上表現下自己。

我決定參加1500米，3000米同跳高～

由於兩項參加徑項係長跑，當然需要練習啦！所以，除左每日傍晚去自修室溫習，係溫完書係就去跑1個鐘。





另外，跳高除左雖然技術外，都需要彈跳力，所以我每日朝早都會跳大約1個鐘繩，為求係短時間提升自己嘅彈跳力。

每日不停不停嘅操練，需要好攰，但係為左獎牌，自覺十分值得。所以，我唔會放棄！！！

每日辛苦地訓練，但當想像到佢收到獎牌嘅開心樣，就好滿足，所以一定要努力啊！
..........
..........

好快就到左運動會嘅日子。





天朗氣清，天氣晴朗過程朗～
我為左唔會係比賽中抽筋，就早d去運動場熱身。

而我係代表紅社，而啊詩就係藍社。
佢都係藍社啦啦隊～

到左上晝10點，1500米比賽開始召集，我抱住又緊張又興奮心情著好跑鞋。
而我，有三個敵人：
一、黃社嘅長跑高手：啊賢（有玩馬拉松，上年校內運動會1500金牌）
二、溫度（因為好曬）




三、自己嘅心情（好緊張好緊張-,-）

而係比賽開始前，啊詩都有過嚟為我打打氣。
「加油啊，傻瓜，盡左力就得，都無見過你練，不過都要努力，唔好整親！奸媽爹」啊詩對我講。
我就話：「嗯嗯！我會俾d驚喜你，嘻嘻！陣間你嗌大聲d撐我啵！」
「咩意思？咩驚喜？」佢問。

但...「以下係1500米比賽即將開始，各就位.......」我都未同佢解釋就要開始。

一開始，正常就有d傻仔會跑得好快，但過左個圈就無力跑。而我同啊賢就以正常速度同埋平時練咁跑。
.............
.............

到左第3個圈，即係最後一個圈，跑開長跑嘅啊賢就爆，拋離左我大約30米，我就盡力追。





到左最後200米，時間像停止，我聽到各社啦啦隊為健子打氣，但我好似聽到啊詩話「傻瓜加油，傻瓜加油！」
聽到呢句話之後，我就加快速度，係最後100米，就收窄落後距離。

最尾........
我....




壓線贏左！！！

係呢一刻，真係好開心。而啊詩係終點等我，我好開心咁攬住佢，講：「我得左啦！」

呢一刻，眼淚慢慢咁流出嚟，係開心嘅眼淚，感動嘅眼淚！！！





之後，啊詩同埋我班老死啊輝啊力見到，就問：「吓，啊明，你喊呀？」

我就話：「唔係啊，我隻眼流汗啊」

雖然係其他項目，只係得銀牌&銅牌。

係頒完獎後，我拎住個金牌，同啊詩講：「送俾你～」佢就話：「唔得，呢個係你努力得番嚟嫁嘛！」我就話：「我係因為想俾個驚喜你，所以最後一刻先唔放棄。我聽到你為我打氣，而依個獎牌，係希望你以後都會為我打氣。」
佢就話：「嗯嗯，咁好啦！」

就係咁，運動會就咁完左～