一世回味的初戀: 第8章：相戀

聖誕節將近，而學校每年都會搞歌唱比賽。

有日，我同啊輝啊力傾計，佢哋就無端端問我：「其實，你係咪對啊瑩個妹有意思？」
我猶豫咗一陣，話：「其實...係。」

「做兄弟嘅，一定撐你！有咩要幫手？」佢地話。我就講：「um....我想參加歌唱比賽，但無人幫我打鼓同bass，你哋好似識。」佢哋即刻答：「無問題！」

我哋就不停咁練，比賽係19/12舉行，我哋一放學，就會上我屋企練。

到左19/12，個日係聖誕聯歡會+歌唱比賽。




同一班同學交換禮物同影下相，之後，我都有搵啊詩影相，影左兩張即影即有，一張放係我銀包，一張俾左佢。

佢無端端問我：「聽講你一陣歌唱比賽，唱咩歌啊？唱俾邊個聽？」
我就講：「唔話你知，哈哈！」
佢就話：「扮神秘！好啦咁！」
我見佢好似拎住左d野，就問：「有野俾我？」佢就怕怕羞羞咁，：「um.....俾你發現左，我整左d朱古力俾你，但你唔好食住啊！一陣唱歌唔好聽嫁！」
「多謝你啊！」我就講。「我走先啦！」佢就話：「仲有啊，呢杜仲有盒喉糖，陣間唱好d.haha!!!加油！」

我好感動，食左幾粒喉糖，就去左準備。





係上台之前，我好緊張，又驚走光又出醜。我班fd話：「加油！啊明」

我上到台，當佢哋預備好，就開始唱周國賢首陽光燦爛的日子：「you are my sunshine,my only sunshine.一喊一笑..........」
唱到一半嘅地方，我就將預備好嘅花拎出嚟，就衝落台，送俾佢。
佢就好感動，就錫左我一啖。

我就衝番上台唱埋佢。

到左頒獎嘅時候，雖然我拎唔到第一，但自己都無後悔。





完左之後，我就同啊詩出左去學校。我拎左份聖誕禮物俾佢，係一隻公仔同一件衫。

我就問：「可唔可以同我一齊？」
佢話：「其實我都鍾意你！咁你鍾意我d咩？」
我講：「我鍾意你全憑感覺！」

我哋就一齊過聖誕～