一世回味的初戀: 第6章：圖書館巧遇

大家應該都知中三嘅成績都幾重要，會直接影響選科結果。
而比較懶惰嘅我，平時功課都唔做，但為左將來，我決定去溫書。

而因為屋企嘅誘惑多多，自己專注唔到，所以就決定去圖書館溫書，至少唔會溫溫下去咗睇電視。

可能因為小學同埋低form嘅時候，數學基礎唔太差，所以我都唔太需要溫數。

我對地理嘅興趣比較大，所以就帶左地理書去圖書館。

到咗圖書館，我選擇去比較靜嘅自修室。（話就話圖書館唔准講野，但一班小朋友都毫不理會。）





入到自修室，我周圍行，睇下有冇位，點知得番一個位！我唯有坐，發現隔離係個女仔。

係我坐嘅時候，令到張櫈發出左d聲，令到隔離個個女仔望咗過黎。
.........
原來係啊詩。佢一見到我，就話：「又係你個傻瓜啊，靜啦，嘈住人地溫書啊！」
我就講：「SORRY啊！唔小心之嘛！」

係呢d時候，我當然會撩下佢講野，佢就hea答我。
面對我不停咁講野，佢就同我講：「'薯'！其實你好嘈啊！你除左嘈到我，仲會嘈到我仲會嘈到人哋嫁！溫完先傾啦，傻瓜！」跟住佢就自己溫書。





見到佢咁認真個個樣，我就偷偷哋影低左。
...........
...........

之後，我就放學打籃球，打到5點幾，就番屋企沖涼、食飯，跟住7點就去自修室。

自修室也成為我哋約會嘅地方。