<網上交友的第一次> 憑感覺愛上你: 第二章：緣份限期

承諾，真係唔好咁容易應承人，講得出，就一定要做得到。當然，應承人嘅時候，初期一定拍晒心口，話唔會反悔，但到咗要

履行承諾嘅時候，就真係唔知會去咗邊。結果永遠都係將來先知，但偏偏無人知結果會幾時嚟，會唔會嚟，定係慢慢會消失。

講咁多，不如講咗係咩承諾先。




 結局....又會係點？等待將來揭曉




 


 最後，佢有冇繼續寫？先係話一篇寫咗一半，之後話聽日再寫，到果日佢話好攰，然後話比時間佢。最終呢？我唔敢再問佢，

因為我知道佢遲遲唔post文係因為根本佢唔想再寫個故仔落去。

  既然佢唔想寫，我無謂再逼佢，即使佢無守承諾，我都唔會嬲佢。但會記在心，兼唔開心。同佢真係日日Line，無間斷過，大

家就好似彼此嘅知心好友，佢唔開心，我都會因佢而唔開心。有時，我仲緊張過佢自己啲事。



 依個世界所有事物都有限期。隔夜飯菜只可以放一日，一個蘋果只可以擺2個星期，一段親密嘅朋友關係只可以維持一個月。

無錯，剛好一個月。究竟係邊一方傾厭咗？就由『已讀不回』，『唔再主動搵你』話你知。



 我最討厭已讀不回嘅人，佢地從來都唔會知睇完唔覆係幾咁hurt人。從此，佢無再喺Line覆我，而我亦真真正正嬲咗用Line嘅

佢。2，3日後，我轉到用whatsapp搵佢。我記得我地之前亦應承過對方會講生日快樂。當初佢15/5生日，喺香港時間12點

幾，我send咗Happy Birthday比佢。2/7係我生日，但佢無祝我生日快樂。3/7凌晨，我即刻text佢......



 由佢依個回覆黎睇，我就知明明佢係記得我生日，但點解一句生日快樂都唔同我講呢？我決定唔再搵佢，因為我發覺，我唔搵

佢，佢亦都唔會搵我。但係....我心入面不斷掙扎，我個腦不停說服我 ”搵佢啦，可能佢有苦衷呢”。苦衷？佢會有關於我嘅苦

衷？我唔信。不過，最終我都係忍唔住，決定睇佢高登profile，留意佢最近有無開post/留言。我發現，喺佢個『突然好想死』

個post入面，有巴打留比佢嘅新留言『喂！樓主！Hi你呀！咁耐都唔出文，鬼唔望你食煙食到短命呀！』依個留言又令我諗起

當初佢嘅一個承諾，究竟佢有無真係戒煙呢？依個巴打咁咒佢，真係驚佢個烏鴉口應驗，搞到我有衝動問Wilson問個明白。 

好一個多麼冷淡嘅”少”字，重要係即刻已讀，但係5日後先回。



到依家，佢亦無回我，最後果句，我都唔知佢見唔見到，因為佢last seen係回完我”少”嘅時候。正常一個人有乜可能幾日唔睇

whatsapp？唔通佢出意外？無可能，Facebook成日見佢用mobile上線，佢上線做乜？我鬼知！有時我真係諗，佢究竟有無

block9我（唔好意思，我實在太嬲）不過，我check過，見到last seen應該無block到我。

當初，我好慶幸喺佢嘅post中，咁多巴打絲打都話同佢做朋友，偏偏選中我。我亦都好多謝佢3個PM都比晒我。我唔係義工，

我唔識開解人，但至少我可以陪佢傾計，等佢可以真真正正取消想死依個念頭。計返時差，佢訓覺，我返學，佢返工，我訓

覺，除咗以上時段，我地差唔多真係無時無刻都Line大家。有啲野，真係話無就無，話變就變，想幾冷淡得幾冷淡，由秒回到

5日後回，中間距離大概1個月。

無論點都好，依段曖昧嘅關係.....我確實唔捨得，而我亦都唔開心。佢唔再搵我嘅時候，我問自己，點解我要咁介意？我同佢

只不過係素未謀面嘅網上朋友。唔通....我鍾意咗佢？我唔敢，我唔知。佢對我嘅冷淡，不瞅不睬，已經令我既心慢慢變得冰

凍，正處於既失落同難過之間。我諗過好多好多佢突然唔再搵我嘅原因。我煩？佢同我傾厭咗？我做咗啲野令佢討厭？佢只係

搵我攝時間？我個腦諗咗成千上萬嘅可能性，但我真係期望佢可以再搵番我。就算做朋友，我都願意。


始終我知你唔會鍾意我。

 https://www.youtube.com/watch?v=q3vBfNy4l0c

愛你　永遠也不會太多
為何　無涯天邊只有冷落
誰提示我　哪裡會是我苦海對岸
但我不難過　旁人共我又何干
仍會期望　你仍然或者需要我
人於哪方　我隨時來替你附和

從無離開過　假使你仍許可
來日再由我　危劫中護航
回憶太多　似洪洪烈火蒸發我
無悔飄蕩　慶幸仍能替你寂寞
千百年　寒冬裡　當星辰黯淡無月光
是你的輪廓　不肯捨棄我
結局我很清楚　存在好比一首輓歌
愛你的是我　紅塵內救藥無方

此關係已結束，雖然我曾經有預感我同佢應該總有一日會遇見