[廣東話小說] 天工號 第一季: 2

2. 

要講, 要由好耐之前講起 
2009年 4月3日 

我o個日揸緊車既時候, 收到一個電話 
「喂? 阿華呀?」 
係我朋友孫運打俾我 

孫運係一個運動員, 佢後生既時候踢波既 




其實講咩踢波, 我由小學識佢, 佢根本唔識踢波 

但係佢好叻搞關係, 佢根本似一個足球經紀多過 足球員 
一直靠搞關係, 竟然俾佢踢到一間丙組垃圾球會青年軍, 
之後又係唔知點解有個大陸富豪包起隊波, 注資請好多外國球星番黎踢 
隊波愈踢愈出色, 仲打到上甲組, 贏左幾次聯賽冠軍 
就係咁, 孫運唔知用咩方法, 一季踢兩三場波, 就可以令到球隊覺得冇左佢唔得 
當然, 佢好識做, 知道自己係冇料到, 28歲就掛左靴, 專職幫球會做球探 

「做咩呀?」我知梗係冇好野 




孫運: 「冇, 我有野搵你幫手之嘛, 你一陣過一過黎南華會, 我有野搵你。」 

收左線之後, 我就繼續揸車, 打俾秘書, 話我下午唔會番公司。 
我開一間好細既相機公司, 規模好細, 我唔係好使做野 

然後揸左架車去南華會。 
泊車既時候, 我有不安既感覺 
我冇理, 繼續行上去 

因為我唔知 




o係一日, 會係所有野既開端。