[廣東話小說] 天工號 第一季: 1

1. 

我o係一間美國佛羅里達州既汽車酒店度, 打緊字, 用既, 係最舊式既打字機。 
冇人o係我身邊, 依間酒店都唔會有人出現, 照明只係靠書桌上面既一支蠟燭。 

有時我會諗, 當我望住全世界最後一盞燈熄滅既時候, 會係咩感覺 
或者, 我應該襯仲有電力既時候, 望多個世界幾眼 
但係我都冇機會, 因為o係尋晚, 我已經親眼睇住, 地球上最後一座水力發電廠, 變成黑暗 
個世界已經冇晒電力 



我唔知, 咁樣算唔算以前d人口中所講既世界末日 
但係肯定, 依家我身處既地球上, 唔會有另一個人存在 
人類滅亡既原因, 唔好誤會, 唔係咩生化武器, 核彈, 又或者戰爭 
更加唔好幻想, 依度一隻喪屍都冇 

一切都係因為我 
所以, 我有負責將佢記低 
雖然, 我寫完, 都唔知仲有邊個會睇到 

如果我冇計錯 


今日係2010年10月1日 
世界人口, 係1 
如果, 你仲當我係人類既話。