破處·地獄: 【二】

「呼——」

街上忽然吹起一陣陰風，志明背脊一寒，打咗兩聲乞嚏。

當佢回過神嚟嘅時候，發現身邊企咗兩個人。

一個牛頭，一個馬面。

志明見到呢兩個人，當堂嚇到面都青埋。





牛頭：「陸志明。」

馬面：「你已經過咗三十歲。」

牛頭：「但你仲係一個處男。」

馬面：「所以你要落去『破處地獄』」

牛頭馬面一人講一句，跟住一左一右箍住志明嘅手臂，準備帶佢落地獄。





「放手！放開我呀！」

志明用力掙扎，但牛頭馬面力大無窮，緊緊捉住佢唔放。

下一秒，地面出現咗個大窿，跟住佢地三個好似搭𨋢咁向下沉。

一開始沉得好慢，之後越沉越快。

本來置身喺鬧市街頭嘅志明，眨下眼就跌入咗黑暗嘅深淵。





牛頭：「我地到啦。」

馬面：「呢度就係『破處地獄』。」

佢地鬆開手，放開志明。

望一望周圍，陰沉漆黑嘅環境被一層濃濃嘅白霧籠罩住，志明睇唔清楚自己被帶到一個咩地方。

之後佢再望一望地下，睇見腳邊有一個好恐怖嘅骷顱人頭，同一時候，遠處傳出突如其來嘅尖叫聲，志明嚇到成個人彈起，兼好大聲咁「嘩」咗出聲。

「下！點解咁嘅？」

嘩完一聲，志明發現自己把聲唔同咗，變咗一把女人聲：「我把聲…點解我把聲會變成咁嘅？！」

佢好驚，即刻摸一摸喉嚨。





無咗！粒喉核無咗！

跟住...佢再dup低頭摸一摸心口同褲浪…

What the fuck！志明見到自己個心口多咗兩舊肉，條jer更加係不翼而飛！

「點解會架！點解我會變成咁架！」志明「花容失色」，大呼小叫。

的而且確，呢一刻嘅佢由一個男人變成咗一個女人。

「發生咩事？點解我會變咗個女人架？」志明驚慌失色咁問身邊嘅牛頭馬面。

牛頭：「如果你想要離開破處地獄，」





馬面：「咁就一定要破處。」

二人並無第一時間正面回答志明嘅問題。

「我明明係一個男人，點解嚟咗地獄之後無啦啦會變成女人？你地快啲答我啊！」志明好心急咁追問。

牛頭：「破處係一男一女嘅組合。」

馬面：「女嘅負責張開腿，」

牛頭：「男嘅負責插入去。」

馬面：「但係嚟得破處地獄嘅都係男人，」

牛頭：「所以有一部分男人需要轉換成女人。」





「咩話？有一部分男人要變成女人？咁點解係我？」

聽見自己把聲由本來低沉嘅男聲，變成嬌嗲嘅女聲，志明忍唔住打咗個冷震。

之後牛頭馬面好耐心咁同佢解釋「破處地獄」究竟係乜嘢一回事。