破處·地獄: 【三】

首先，正如佢地兩個頭先所講，想要離開破處地獄，重返人間，咁就要喺地獄度破處。

但落得嚟破處地獄嘅全部都係30歲嘅青頭仔，而地獄呢度並唔係一個支持搞gay嘅地方，所以要破處，就一定要有一男一女。

喺缺乏女性嘅情況下，要出現一男一女嘅破處組合，解決方法就係令一部分青頭仔變成女人。

至於咩人會變成女人完全係隨機性，同時亦都係暫時性。

因為每次性別轉換嘅時限係一個鐘。





咁即係話，一個鐘之後志明會變返做男人，原本係男人嘅就會變成女人，跟住再過一個鐘又會轉一次性別，如此類推。

「你地嘅意思係一個鐘之後，我會變返做男人，而其他男人就會變成女人？」志明問牛頭馬面。

牛頭：「無錯。」

馬面：「但有一樣嘢你要注意。」

「咩嘢？」





牛頭：「當你係女人嘅時候俾人破處，」

馬面：「咁你就無辦法變返男人，」

牛頭：「而且仲會死。」

「死？」志明望一眼腳邊嘅骷顱骨頭，內心感到十分驚恐。

然而有一樣嘢佢諗唔明：「你地兩個頭先話，只要破到處就可以離開地獄，咁無論我係男又好女又好，理論上只要我破到處，應該都可以返去人間。」





馬面：「唔係。」

牛頭：「破處係一個主動嘅動作，」

馬面：「而男人係採取主動嘅一方，」

牛頭：「所以男人破處先係『破處』，」

馬面：「女人嗰種叫做『俾人破處』。」

「乜…乜唔同架咩？」志明唔好get到「破處」同「俾人破處」嘅分別。

佢只係知道依家嘅佢係一個女人，仲係一個處女，根據破處地獄嘅規則，假如俾人食咗隻「豬」，咁佢無得返去人類世界，兼且仲會死。

牛頭：「呢隻錶係俾你睇時間嘅。」





馬面：「我地要講嘅嘢都已經講曬，」

牛頭：「係破處定俾人破處就睇你自己嘅造化。」

馬面：「祝你好運。」

牛頭馬面將一隻電子錶交俾志明，然後身體慢慢變成透明，直至完全消失。

喺佢地離開嘅同時，一直籠罩喺四周圍嘅濃霧都好快咁消散。