破處·地獄: 【一】

凡係到咗30歲都未破處嘅青頭仔，都會被送去「破處地獄」。

仲有一個鐘，志明就要正式踏入30歲生日。

而呢一刻嘅佢，仲係一個處男。

假如過咗凌晨12點，佢都仲未破到處，咁就要落地獄。

本來破處應該唔會係一件好難嘅事，因為就算你溝唔到女，都可以去叫雞。





但志明份人實在太毒太內斂，對住陌生人，尤其係女仔嗰陣，佢會覺得周身唔自在，因此成30歲人都仲係A0，而且佢連去叫雞破處，都會因為太緊張而硬唔起。

「仲未硬到呀？」

「就…就…就得架啦…」

志明俾咗幾千蚊約咗個樣靚身材正嘅援交妹出嚟，家陣對方剝曬衫，擘大對髀攤喺床上，只不過佢條嘢chok極都硬唔到，成條軟皮蛇咁。

佢好心急，係咁chok條賓周，但問題係越係想硬越係心急，碌嘢就越係難扯得起。





「唔好曬時間啦，拎去使啦。」援交妹喺佢嘅手袋拎出一排藍色藥丸。

「『偉哥』？」

「係呀，食一粒包保你即刻起機。」

志明當然知道「偉哥」係咩嚟，但喺佢認知入面，只有性無能嘅男人先要食「偉哥」，而佢唔係性無能，佢只係對住陌生人太緊張所以先硬唔到。

志明呢刻內心非常掙扎。佢喺度諗，如果吞咗呢粒「偉哥」落肚，咁咪即係等於喺條女面前承認自己唔得？





但時間一分一秒咁流逝，若然佢再唔插入去破處，咁就要被送去「破處地獄」。

佢唔想落地獄，於是喺迫不得已之下，佢唯有啪一粒「偉哥」。

結果「偉哥」真係好使得，唔使五分鐘，佢條嘢就充血變硬，一下子由軟皮蛇變成金剛棒。

志明望一望援交妹個窿，對一對個位置，然後扶住碌嘢，向住神秘嘅洞穴進發。

當龜頭嚟到洞口，準備要插入去嘅時候，突然間砰一聲！有四、五個大隻佬撞開酒店嘅房門，衝咗入嚟。

志明當堂嚇咗一跳，同時間援交妹突然大嗌救命。

「啊！救命啊！」

其中一個手臂有紋身嘅大隻佬，衝到床邊，一手捉住志明：「你條仆街仔，夠膽搞我個妹！」





「我我我…無…無搞你個妹…」 志明嚇到個春袋都縮埋一舊，把口震曬。

「你成個龜頭突曬出嚟，仲想唔認？」

「我…我都未拮入去，咁點算搞呢？」

「嗱！我話你聽，我個妹就未夠稱嘅，你知唔知強姦未成年少女好大罪架！」

「你唔好亂屈喎！我幾時有強姦佢？我係用錢約佢出嚟架！」

「總之你依家有兩個選擇，一係我地報警，一係你就賠錢！」 個紋身大隻佬凶神惡煞咁睥住志明。

呢一刻志明知道自己中咗大伏。





嗰幾個大隻佬逼佢攞曬身上嘅現金出嚟，然後再夾佢落街，帶佢去ATM㩒走埋銀行戶口啲錢。

屌唔到女不得止，家下仲要無曬啲錢，志明成個人灰鳩咗。

而最大獲嘅係，時間不知不覺已經到咗12點。

咁即係話，從呢一刻起佢已經30歲，但佢仲係一個處男。