我和六合彩發生了一段不可告人的（性）關係: 【3】

聽完佢咁講，我即刻上網查一查新聞，發現原來琴晚馬會總部因為電器故障短路，而引起火警。

三個鐘頭前，馬會已經發出通知，表示要處理火災善後工作，因此六合彩攪珠將會暫停。

咁大單新聞，我竟然依家先知。

「除咗你之外，仲有其他攪珠波都逃走咗出嚟？」我問36號。

「係呀，離開馬會總部之後，我同其他波碌下碌下，唔知碌咗去邊，跟住我仲唔小心同大家走散咗，後尾俾人執起咗，最後輾轉就嚟咗你屋企。」





「哦~有原來係咁~」

「好啦，你問我咁多問題，輪到我問你，」

36反問返我：「呢度又迫又挾，究竟係咩地方嚟架？」

「呢度係我屋企。」

「下？乜你地人類原來住喺啲咁細嘅地方。」





「……」我都唔知點應佢，心諗唔係人類住得細，係我呢啲死窮撚住得細啫。

「咁你屋企有啲好玩嘅嘢？」

36號好好奇咁逐個拉開啲櫃桶，左摷右摷。

「喂喂喂，你唔好亂搞我啲嘢啦。」

「聽講你地人類世界有樣好好玩嘅嘢叫『遊樂園』，你屋企有無？」36號將我屋企啲嘢摷得笠笠亂，跟住又坐上張摺檯上面問我。





由於佢光脫脫無著衫，所以從頭先到依家，我其實都唔太敢面對面直視佢，只能偷偷地用眼尾睄。

然而，36號真係名符其實有「36」咁大。

講緊嘅，當然係佢嘅cup數。

佢乳房嘅形狀圓潤飽滿，目測起碼有36D，乳頭仲要係迷人嘅粉紅色，真係非常之誘惑。

我偷偷望咗佢對波一眼，然後先再回答佢嘅問題：「遊樂園唔係一樣嘢，而係指一個地方，我屋企點會有呢？」

「咁喺邊架？你可唔可以帶我去？」

「唔係話唔得嘅，只不過…」

「唔好不過啦，如果你肯帶我玩，咁我講個關於六合彩嘅秘密俾你聽。」





「秘密？係咩秘密呀！」我立即豎起耳仔，感到非常好奇。

「你帶去我遊樂園，咁我咪話俾你知囉。」