我和六合彩發生了一段不可告人的（性）關係: 【2】

我望住個女人，呆撚咗幾秒，之後好激動咁指住佢問：「你…你…你係邊個？你點樣入嚟架？」

佢眨一眨眼，然後答我：「我咪係嗰粒六合彩36號波，係你頭先帶我入嚟架。」

「咩話？你係嗰粒彈彈波？」

「係呀！」

我即刻望一望四周圍，發現啱先嗰粒波唔見咗，隨即再由上至下掃視呢個女人一次。



首先，佢個樣望落去大約係廿幾歲，上半身完全赤裸，下半身就淨係著咗一條淺藍色嘅底褲。

除此之外，佢頭上笠住一個藍色嘅頭套。個頭套包實咗佢個頭，從正面見唔到佢嘅耳仔同下巴，淨係見到佢塊面。

而頭套嘅頂部同後尾枕位置，就白底黑字，大大個印住「36」。

照咁睇...唔通佢真係…

「睇你個樣好似唔信我咁喎，咁不如我再變一次俾你睇啦！」



個裸女講完呢句，之後就用力fing一下自己個頭。

跟住「啵」一聲，佢成個人瞬間縮到變返個波。

三秒後，佢又「啵」一聲由個波變返個人。

我用手搣一搣自己塊面，feel到係痛嘅，咁即係話，呢刻我見到嘅嘢全部都係真嘅。

呢個無著衫嘅女人真係六合彩36號波。



「你依家信啦？」36號問我。

「信…信呀…只但係你好地地一粒波，點解又會變成一個人嘅？究竟你係人定係波？」

「我依家呢個人形嘅狀態，其實先係我地攪珠波真正嘅形態。」

「咁…點解你無啦啦會嚟咗呢度？」

「啱先咪答咗你囉，係你帶我入嚟架嘛。」

「唔係，我嘅意思係，點解你呢粒攪珠波，無啦啦會喺馬會走咗出嚟？」

「拿！我無偷走架，係因為馬會火燭，所以我同其他波先逼住要逃走出嚟。」

「你話馬會火燭？」



「係呀，乜你唔知咩？」