我和六合彩發生了一段不可告人的（性）關係: 【1】

（故事純屬虛構，如有雷同，實屬巧合）


琴晚，我發咗個春夢。

我夢見自己中咗六合彩頭獎，一夜之間由一條死窮撚變成千萬富翁。

夢入面嘅我發咗達之後，唔單止買車又買樓，兼且仲買咗架遊艇，一口氣約咗成班女上嚟開淫亂船p。

啲女全部著曬三點式，個個身材勁撚正，要長腿有長腿，要大波有大波。





我扯恆曬旗，褲都剝埋，準備好嚟一場一王多后嘅性愛大戰。

點知就喺呢個時候，耳邊突然間聽到「咚咚咚」好嘈嘅聲音。

跟住下一秒，我就扎醒咗。

一擘大眼，美好嘅夢境瞬間消失。

返到嚟現實，我又變返一條死窮撚，住喺一間又霉又噏耷嘅劏房。





呢度嘅劏房地方細之餘，隔音仲好差，周不時都會聽到隔籬左右傳過嚟噪音。

雖然住得喺度咁耐都已經習慣曬，只但係發發下春夢咁樣俾人嘈醒咗，感覺真係好唔爽！

「咚！咚！咚！」

豈有此理！究竟係邊個晨早流流喺度擾人春夢！

我行出去門口睇下咩事咁嘈。





結果一打開門就見到對面屋個南亞裔細路，喺走廊度玩緊彈彈波。

頂！我都估到架啦，呢條百厭「星」，成日喺度搞搞震，嘈怨巴閉，真係乞人憎。

「喂細路，你有無搞錯！晨早流流喺度嘈生曬，你要玩就落街玩啦！」

「我係鍾意喺度玩呀！你吹咩！」個細路用好流利嘅廣東話駁我嘴。

「哎呀你個死𡃁仔咁串嘴？信唔信我郁你呀拿！」

我憞起個款，諗住大下佢，點不知條友仔竟然反客為主，揸住波一嘢掟埋嚟。

好在我反應夠快，一手就接實咗個波：「想掟我？無咁易！」





「喂！個波係我架！快啲還返俾返我！」

個𡃁仔想埋嚟搶返個波，而我就梗係唔會俾返佢啦。

我直接拎走個波，然後閂埋門匿返入屋。

之後個𡃁仔喺門口係咁叫我俾返個波佢，不過我都無理到。

再過多一陣佢見無我乎，就自動自覺收咗聲。

我將個波隨手放喺張摺檯上面，然後攤返落床，諗住再瞓多陣。

只不過瞇埋眼無幾耐，耳仔又聽到「咚」一聲。

擘大眼，我見到個彈彈波無啦啦由檯上面碌咗落地下。





啱先都無為意，依家望到先發現，個波好似有啲熟口面…

36…藍色波…

咦？睇落點解咁似平時電視見到嘅六合彩攪珠波…

我執起個波再望真啲，越望就越覺得，呢個波真係好似六合彩36號波。

於是為咗進一步求證，我擺低個波，拎起電話，上網搵張六合彩攪珠圖出嚟對比一下。

然而，我放低個波之後，個波又即刻自己碌返落地下。

但今次同上次唔同嘅係，當個波一跌落地嘅時候，忽然間「啵」一聲，好似個小型煙霧彈咁成個爆開。





我嚇到成個人彈咗起身，兼好大聲咁「嘩」咗一聲。

而更令人嘩然嘅係，當啲煙散開後，喺我眼前居然出現咗一個女人！

一個無著衫嘅女人！？