我嘅大學生涯 (有甜): 第四日

第四日，地方仍然係我中學嘅課室，我坐咗係之前嘅座位，然後有兩個著住校服嘅男仔行咗入黎。
 
男仔A：「屌我想講頭先個師姐好似哪裡只得我共你個嗰小曼呀。」
 
男仔B：「吓你唔知我就係浩然咩。」
 
男仔A：「乜打得太多飛機會令人有妄想症架咩。」
 
男仔B：「你就妄想症，接招啦！ゴムゴムの！」
 


望住呢兩個男仔係到玩黎玩去，唔知點解我嘅嘴角忍唔住向上勾，但同時亦有啲無奈。
 
阿樹：「中學時候嘅我地真係好弱智呀可。」佢係我隔離到講。
 
我：「唔單止弱智仲好樣衰，點解我個陣塊面可以咁多暗瘡。」
 
阿樹：「屌你宜家都無暗瘡啦，你睇下我，塊面仲好似月球表面咁呀。」
 
我：「你仲記唔記得個陣我地打波，突然有條女經過，我即刻叫你比粒波我射三分諗住型一波。」
 


阿樹：「記得，但係條女根本望都無望過我地，同埋我記得你傳波太大力一鳩扔咗落阿叔塊面到。」
 
我：「個阿叔唔知係咪死撚咗，好似無再係籃球場見到佢。」
 
阿樹：「你又唔好咁樣咒人地先，人地可能唔得閒姐。」
 
我：「咁你記唔記得我個陣為咗溝女，專登睇咗一集鬼滅之刃。」
 
阿樹：「最後咪又比你親手玩到無咗囉，我次次話撚咗你正經啲，唔好成日咁急，你睇下麻呼，Candice，唉我唔數落去啦。」
 


我：「對唔住囉，你知我好想拍拖，所以次次都好急囉。」
 
 
阿樹：「無眼睇你呀，成日諗呢啲野無益，不如諗下今晚J邊一套算啦。」
 
我：「成日打飛機都無益，話時話到底你最近有咩搞。」
 
阿樹：「返工放工囉，無野做咪係屋企打機睇片，你想可以有啲咩搞。」
 
我：「唔知呀，成幾年無見過你，原本以為我地會變咗好多，的確變咗好多，但同時又好似無變過咁。」
 
阿樹：「你知唔知自己講緊乜，不過點都好，你大個仔架啦，以後要識得獨立。」
 
我：「我知...但我真係...好掛住你...」
 


你走咗個陣，我先發現自己原來好孤單，突然無咗個人陪我廢up，聽我講心事，同我做on9野。
 
我個心就好似開咗個窿一樣，睇返同你嘅對話同相會忍唔住喊，每日都希望你會返黎。
 
原來我之前太過依靠你，特別係感情野，問你應該點覆個女仔好，約唔約佢出黎好，甚至發現個女仔係玩我，你安慰我同屌柒佢。
 
你走咗之後，所有野我都唔知可以同邊個講，惟有迫自己收埋係心入面，慢慢我變得唔再鍾意分享自己嘅野。
 
「自從你唔係到，我個心已經變到好寂莫，好孤獨，好空虛。」
 
「雖然我知你唔會睇，但係我已經唔知可以同邊個講。」
 
「我知如果係你，一定會明白我，所以你一直都係我最好嘅朋友。」
 
無你係身邊嘅兩年大學生涯，我識咗好多人，可惜無一個好似你咁樣值得我同佢講心事。


 
雖然呢兩年我做錯好多決定，但都嘗試咗好多我從來未試過嘅野。
 
最重要嘅係我成長咗好多，亦睇開睇化咗好多野。
 
上年我發生咗啲野，當刻我先終於明白你個陣時嘅感受，明白係生離死別之前所有野都只係小事。
 
我好希望大家真係識得珍惜眼前人，要記住唔係所有野都係必然，身邊嘅人唔一定真係每日都會出現係你身邊。
 
難聽啲講，可能佢聽日就走咗，你就會後悔點解當初無好好咁對佢，無好好咁同佢講野，無好好咁陪住佢。
 
發生咗嘅野唔會有得改變，我地惟一可以做嘅，就係珍惜每一日。
 
多謝你，你永遠都係我好朋友。
 


季度裡事過境遷
蝴蝶終於蛻變 
再沒留戀  誰的臉
往日兩位少年


https://www.youtube.com/watch?v=GSG7ziTzqOU