我嘅大學生涯 (有甜): 第三日

今日間房光返好多，亮度就好似你將電話個亮度較到40%，少少暗但可以睇到好多野。
 
我打量緊周圍，終於知道呢到係邊，係我中學個陣時嘅課室，但我仲未知自己點解係到。
 
又有腳步聲，唉今次又係邊位呀？
 
阿魚：「阿sir，呀唔係，阿燕先啱。」
 
我：「點樣呀魚仔，又有啲咩想傾呀，都係唔好講住比我估下先，係咪問我有啲咩想同你講呀。」
 


阿魚：「唔係喎，我想你陪我打波咋嘛。」
 
課室一秒變咗做籃球場，佢係唔知邊到拎咗粒籃球出黎傳咗比我。
 
我識打籃球但係無佢咁勁，拍幾下就已經比佢搶走咗粒波，跟住佢放我射波，可惜我射極都射唔入。
 
最後佢頂唔順光速入咗幾球三分波，終結呢場比賽。
 
阿魚：「點呀，輸嘅感覺係咪唔好受呢。」
 


我：「輸就梗係唔好受架啦，不過讀書方面你咪又係輸比我。」
 
阿魚：「你咁講我好多野都輸比你添，感情方面都一樣。」
 
初戀對每一個人黎講應該都係最美好嘅，第一次拍拖，第一次感受到有另一半，第一次由朋友變成男女朋友嘅關係。
 
我都唔例外，個陣我地兩個仲未成熟，只不過係puppy love，但係我記到宜家。
 
你成日都會係到扮呷醋扮嬲，因為我同你個friend玩得好埋，成日叫我去搵佢算啦。
 


以為第一次會係最美好嘅一次，偏偏係最惡劣嘅一次。
 
去到後面我開始叫你等我一陣，結果一等就係幾粒鐘之後，因為我掛住係到同啲朋友打機。
 
等完一次又一次，最後你決定唔等，同我講分手，我仲記得自己完全唔care咁講你話點就點。
 
然後我就後悔咗六年，一直都好想搵返你，但係我已經無哂你聯絡方法。
 
成日都會諗住你宜家過得好唔好，讀書讀成點，仲記唔記得我。
 
幾千天近況幸福嗎 每日忙碌嗎 仍然是那麼認真嗎
可有新戀人 成熟的戀人 成熟到沒再共你吵架
是我始終拒絕成長嗎 為何沒法裝作瀟灑
轉眼多少年 仍然想當年 仍然幼稚到又記起你 天真夠嗎
 


直到有日我唔知邊到搵到你嘅email，朋友叫我試下Send野比你，我打咗句「我好掛住你。」，我無諗過你真係覆返我。
 
我同你就好似撞返個舊朋友一樣，你對之前puppy love嘅野已經唔記得哂，而我亦都好似夢想成真咁。
 
你同我講你係學校過得一啲都唔好，比人排斥，男朋友又對你唔好，個刻我真係好心痛。
 
所以我寫咗篇文比你，結果你同我講只係希望佢會改變。
 
https://www.shikoto.com/articles/213724/218810.html
 
最後我寫住「我救唔返Tracy，但我希望可以救返你地。」，四年嘅我覺得既然拍拖拍到好似做狗咁，點解仲要拍落去。
 
四年後嘅我覺得有時候唔係你想抽離就抽離到，當你真係好愛一個人嘅時候，就算佢不斷傷害你都好，你都仲係愛住佢。
 
好似進擊的巨人咁樣，始祖尤米爾就算比弗利茲王當係狗咁洗都好，佢都係愛住弗利茲王。


 
所以話呢個世界最有力量，同時亦係最麻煩嘅野就係愛情。
 
另一方面我亦都發現原來我對你係無感覺，我一直期待可以搵返你，但當我終於搵到嘅時候，又好似無乜特別。
 
前排我約咗你出黎食飯，想知你最近點，不過最主要嘅係為咗攞靈感黎寫呢個故。
 
令我意外嘅係你變到成日係屋企摺打機，問你同男朋友有無啲咩浪漫野或者出黎玩，你話無同唔鍾意出街，完全可以話係顛覆咗我嘅想像。
 
你同我講希望快啲畢業搵個有錢人嫁咗佢就算，個刻我一時唔知點樣比反應。
 
後尾我諗返先覺得係我將拍拖同愛情呢樣野諗得太偏激，事實就係有好多人同另一半都係平平無奇咁過，節日都係簡簡單單食餐飯就算。
 
或者呢種就係另一種浪漫。
 


實不相瞞其實呢一章我諗咗好耐先寫得出，甚至想唔寫直接cut咗呢日。
 
而且我都唔知自己係到寫乜，所以都係建議各位直接cut咗呢日，當係比我湊數。


https://www.youtube.com/watch?v=z5NBt33b7iY