《我條命剩返三十日？！》: 《我條命剩返三十日？！》22

《我條命剩返三十日？！》22

日期：2024年8月18日　　時段：早上
死亡倒數：13 ＋ N 日

——————

第二日，星期一，阿暉返到公司，懶係冇嘢咁同雨婷打個招呼就坐低做嘢。

成朝就好似平時咁，俾其他同事點嚟點去，沖咖啡、換水、換紙、落人力資源部攞文具等等，乜都做齊，但仍然聲都唔聲吓。





阿暉托住兩箱A4紙上嚟，放喺影印機嗰邊。影印機側邊就喺茶水間，阿暉聽到入面嘅同事，大大聲咁講緊自己嘅壞話。

「XXXX 你知唔 X 知阿暉哥呀，簽 X 咗張單冇幾耐之嘛，個客就係咁claim錢，真係憨XXX。」「佢唔係乜 X 都批俾人咁 XX 吓嘩？」「聽講仲有單死 X 人喎，XXXX 佢咁 X 唔好彩嘅。」「佢喺度真係陀衰家 XXXX。」「死啦 XX ，會唔會惹到我冇單開架？」「陣間搵神婆攪攪先。」「一齊啦。」

慣咗忍氣吞聲嘅阿暉，只敢抌低兩箱A4紙，然後返返去自己位度。

兩位講是非嘅同事，大聲到成個辦公室嘅人都聽到。喺位嘅同事，會喺出面嗌返入去：「喂，你哋講邊 X 個張單死 X 人呀？」「咁 X 大件事冇人講？」

入面又嗌返出去：「咪最 X 叻嗰個暉哥囉。」「你坐佢對面，你小心啲呀。」





「XX 整返枝碌柚葉水洗吓面先。」坐阿暉對面個同事，講完之後，喺櫃桶拎咗兩塊葉出嚟：「咁 X 啱尋日買咗。」

「咁 X 醒嘅 XX。」

「駛乜你擦鞋 XXXX。」

「借啲嚟。」

班同事你一句我一句咁，講得非常興奮，簡直當阿暉透明。





雨婷就睇得出阿暉心情煩燥，有啲擔心佢：「唔駛埋佢哋呀，佢哋不嬲都口臭。」

「我先唔 X 得閒理佢哋班 XX。」阿暉敢怒不怒言，只敢細細聲講。

雨婷笑笑口咁：「要唔要出去買杯嘢飲降吓火呀？我請。」

「唔駛喇，一陣都要出去見客。」阿暉強顏歡笑：「出面咁 X 熱，喺度嘆多陣冷氣先出去。」

「你尋晚係咪話要轉受益人？快啲填咗佢，幫你打尖。」雨婷遞咗張表俾阿暉。

「係呀係呀，唔該晒。」阿暉喺份表受益人嗰欄，填咗阿妹嘅個人資料上去。

雨婷見到個百分比，寫咗100%：「你全部俾晒阿妹？唔駛分啲俾阿爸阿媽？」





「阿妹佢⋯⋯將來要用好多錢，我驚阿爸阿媽拎晒去打牌賭馬輸晒。」阿暉冇將阿妹有咗單嘢話俾雨婷知。

「都啱嘅，你阿妹咁生性，應該會識得好好運用啲錢。」

「梗係。」阿暉將填好嘅表格交俾雨婷：「麻煩你喇。」

「包喺我身上。」