《我條命剩返三十日？！》: 《我條命剩返三十日？！》17

《我條命剩返三十日？！》17

日期：2024年8月12日　　時段：早上
死亡倒數：19 ＋ N 日

——————

第二朝起身，阿暉見到阿叔已經整裝待發，準備好去做手術。

「咪 X 攪咁耐呀，等你返黎同我吹水。」阿暉同阿叔寒暄幾句。





「XXXX 禾知里一陣出院㗎，里呃禾唔 X 到嘅。」阿叔精神奕奕咁坐上輪椅。

「咁 X 醒。」阿暉已經習慣咗同阿叔一齊粗口橫飛。

「醒 X 過你。」

護士搖搖頭，準備推阿叔走：「麻煩兩位，呢度醫院嚟，唔該收吓口。」

阿暉答：「好嘅。」





阿叔臨走前，同阿暉講咗句：「里阿妹嗰度呢，可以生就俾佢生啦，落仔好 X 危險，仲好 X 傷身添，個心好 X 難好返㗎。」

「好嘅⋯⋯」阿暉又真係冇諗過呢樣嘢，始終個B喺阿妹身體入面，個感受同自己肯定好唔同。

阿暉目送咗阿叔走，又長嘆咗一口氣：「唉⋯⋯」煩惱又再次光臨。

阿暉執齊嘢，等埋少少文件就出院。

因為唔知要等幾耐，佢開始喺電話度搵吓大肚婆要注意啲咩，開刀生定順產生，生完又要點等等等等。資訊量簡直係爆炸咁多，阿暉都不禁大歎一句：「仲難 X 過考DSE呀喂 XX，都唔 X 知佢講緊乜。」





最衰又唔問得阿媽住，阿妹仲未同兩大長老講。但係因為疼妹心切，唯有慢慢睇、慢慢消化吓先。

「今次真係大 X 鑊喇。」阿暉望望個日曆，知道自己時日無多，陪唔到阿妹生：「呀！點算呀 X ！」

「龔志暉，」另一個未見過嘅姑娘行到佢身邊，俾咗出院紙佢：「你出得院喇，落一樓俾完錢就走得。」

「唔該姑娘。」阿暉膽粗粗咁問咗句：「你知唔知隔離床個阿叔，幾時會做完手術？」

「我點知呀？我又唔係醫生。」呢個姑娘好鬼惡，口黑面黑咁：「幾個鐘啩。」

「好、唔該。」阿暉心諗真係問錯人，可能過兩日返嚟探吓阿叔就算喇。

出咗院之後，第一件事，就係搵阿妹男朋友出嚟算賬，所以直接去咗阿朗做嘢嘅cafe出面等佢放工。





阿暉終於見到阿朗走出嚟，即刻跑上前捉住佢衫領，兇神惡煞咁同佢講：「XX XXX，你點 X 對得住我個妹？」

阿朗未反應得切，阿暉已經打咗佢個肚一搥：「呀！」

側邊嘅路人見到都嚇親，但係冇人敢出聲。阿暉再打多嘢：「我 X 你呀，做乜 X 嘢飛咗我個妹？」

「阿哥，唔好打我住。」阿朗嘅表情苦不堪言，好無辜咁推開阿暉：「我哋和平分手㗎！」

「和平？佢話你有咗第二個呀 XX！」阿暉衝上前想再打多嘢，但係阿朗俾截住咗。

「咁，都拍咗咁多年咯，唔啱嘅話，早啲分咪仲好？」阿朗甩開阿暉隻手，向後退兩步：「我哋都冇欠大家。」

「估唔到你咁冇良心！大細都唔要！」阿暉再行前，步步進逼。

「你、你講咩話？」阿朗呆咗一吓，阿暉趁機打多一嘢：「呀！」





「XX 你咪 X 扮嘢呀！擺 X 到明係你條 XX 唔 X 想負責任！」阿暉打到隻手有啲痛，所以停低咗。

「咪先，你頭先講咩大細都唔要？」阿朗啱啱先知道阿妹有咗：「佢都有咗？」

「都？！」阿暉聽到呢句真係火都嚟：「我 XXXX XX！」好激動咁即刻衝上前去撳住佢嚟又打又踢：「XX！XXXX！XXX！」

但係好快就有兩個商場保安衝埋嚟，要兩個人先可以制止到激動嘅阿暉。