《我條命剩返三十日？！》: 《我條命剩返三十日？！》16

《我條命剩返三十日？！》16

日期：2024年8月11日　　時段：晚上
死亡倒數：20 ＋ N 日

——————

探病時間結束，阿暉微笑住目送阿妹離開病房。等阿妹走咗之後，阿暉面上嘅笑容，亦都隨之消失。佢無力咁攤喺張床度，望住個天花板，長嘆咗一口氣：「唉⋯⋯」

隔離床阿叔想關心吓阿暉，明知故問嘅開場白：「嗰個係咪阿妹？」





「係呀⋯⋯」阿暉心情都有啲落寞，唔係好想講嘢。

「生出來都好吖，有個塞豆窿喺度攪攪陣，屋企會 X happi 㗎。」阿叔斟咗杯水飲。

「生出嚟邊個湊呀？」

「阿爸阿媽阿妹，仲有里呢。」

「我？」阿暉喺呢一刻先記得，自己都就嚟死，見唔到個小朋友出世，心情更加差：「屋企冇人得閒呀。」





「XXXX 咁咪請個工人囉好 X 難咩？而家heung港地，好 X 多請工人。」

「請工人係錢，供書教學又係錢。」阿暉發吓晦氣：「X，真係冇錢唔 X 學人好生仔。」

「辨法總bi kun難多。巧似禾咁吖，做咗咁多 X 次手術都未 X 死得生勾勾，lao虎都打死gi隻呀 XX。」阿叔拉起衫裡，握實拳頭，展露自己隻老鼠仔：「里撳吓，係咪好 X 大隻呀禾？」

阿暉係咁二篤兩吓：「係嘅。」

「禾下星期就約咗son仔去跌跌泥反呀。」阿叔拉返低隻袖。





「你唔怕⋯⋯手術會⋯⋯咩咩？」阿暉隱晦啲咁講：「即係可能延遲啲出院呀咁，你話今次係 X 高風險⋯⋯」

「怕佢 XX 咩，遲咗咪改期，有乜大不了。」

「如果⋯⋯咩咗⋯⋯呢？」

阿叔面色沉咗一吓，然後又大笑：「禾 XXXX 呀講啲咁 X 唔老黎嘅嘢，XXXX 里快 X 啲𠼱口水再講過。XXXX XX 。」

「我話如果個孫仔扭計要去，改唔到期啫。」阿暉繼續兜：「你知啦，過兩日假期，張飛又貴啲㗎嘛。」

「咁 XX 麻煩嘅咩而家？」阿叔用大笑掩蓋住所有嘅不安心情：「XXXX 是 X 但啦，禾話至緊要就係同 son仔去到，佢話要反果個乜 X 嘢挨人man喎，你知唔 X 知，係唔係果啲好 X 激嘅過山車來㗎？」

「唔係唔係，坐喺度射吓嘢咁啫。」





「son仔讀小學咋 XX ，未 X 識射。」阿叔講完自己喺度笑。

阿暉有啲招架唔住阿叔嘅跳躍思維，唯有陪笑：「哈哈。」

「禾個son仔巧 X 靚仔㗎，似禾似到十足十，俾啲相里睇過。」阿叔又再一次講佢個孫，嗶哩吧啦咁係由佢出世開始講起。

阿暉由得阿叔，佢想講咩就講咩。因為呢一刻，阿暉嘅直覺話俾佢知，佢應該要聽吓阿叔吹水。