【驚慄甜】惡魔寶貝: 第3話 - 我嘅惡魔年齡係兩歲
我心裏面突然響起一陣不安嘅訊號，本能叫我馬上逃走。不過，喺咖啡店返緊工嘅我係唔可以對客人咁冇禮貌。所以無計，我唯有硬食呢個惡魔女Lilith準備開出嚟俾我睇嘅恐怖圖片。
「唔好呀！ ！！」我同自己講，希望奇蹟發生。希望佢會放我一馬，比條生路行下。
屌你老母，我真係好撚驚！
「登登！！呢個就係我最新作品！！」Lilith好興奮。
佢用ipad向我show出一幅畫，但係咪住先...點解係可愛畫風既？
「點解……點解又係惡魔嘅…… ？」我略帶天真地問。
Lilith一念疑惑咁問返我：「我以為你鍾意添，諗住俾你望吓。靚唔靚？」
「靚呀……」我隨便搵啲話題講吓。「唔知喺邊個地鐵站出口行出黎既惡魔？」
點知換來Lilith嘅怕羞微笑。佢面色泛紅，眼神怕羞得來又想偷望我，佢偷偷嘅微笑令人一望之後難以忘懷。其實佢真係好靚。成熟之中仍然帶點天真少女嘅可愛。
「我去做嘢先，有咩再叫我啦。」俾Lilith美貌迷惑左我幾秒鐘回過神來，然後搵啲藉口馬上離開現場。
唔得，我整理一下思緒先。經過我嘅分析，佢應該都真係一個信奉惡魔嘅人。點解我咁講呢？
首先1. 佢會形容自己畫出嚟嘅惡魔係佢嘅朋友。
2. 而且非常主動同人地討論關於惡魔嘅事情。即係想傳教。
3. 平時會收埋惡魔圖像係手機度。係崇拜惡魔既表現。可能一遇到心靈弱既人就會埋手。
Lilith話呢個惡魔係佢朋友，係咪即係表示....佢能夠同一隻惡魔通靈？惡魔原來一直喺佢身邊？！？！
救命呀！！
我唔想再同佢講多幾句，呢個Lilith雖然外表非常吸引，但係睇黎我真係唔能夠同佢正常溝通。
我馬上急步行返入去水吧，沖條返一杯佢要嘅espresso俾佢。
我雙手不斷咁喺度震緊，搞到同事Ruby都開始覺得有啲唔妥。
「你冇事呀嘛？今日又係咁嘅？」Ruby話。
「我....懷疑條女係白卡。」我同Ruby講。
「哎呀，你唔好咁話人啦。係咪人哋唔受理溝咋？」Ruby 369咁笑鳩我。
我開始崩潰：「唔係呀！佢成部手機都係啲恐怖野黎架！」
Ruby皺起眉頭，唔知好笑定擔心緊我：「咩啊？你知唔知佢做乜㗎？」
「……我點會知。」我話。
Ruby話：「人哋係畫家嚟㗎，藝術風格嘅嘢你識乜呀？」
原來係畫家....咁所以頭先嗰一張唔係啲咩特別相片，而係佢自己畫嘅畫？？點解係惡魔風格？
「咁你都打聽唔到佢係畫家....」我有啲佩服女人嘅八卦天性。因為我從來不會過問人哋私人嘅事情，除非佢哋自己肯講，否則我都唔會主動向其他人查詢佢嘅私人野。
「咁你咪嘗試吓溝佢囉，問吓人哋有冇男朋友啦！成世人一條友咁有咩好呢？」Ruby話。
「呢啲嘢你唔明㗎啦。」我回應。「同埋我唔會溝佢囉，大佬我真係唔係好頂得順咁多又魔鬼又異形咁，話唔埋佢仲識得用降頭術啲咁嘅嘢。咪搞啦咪搞啦。」
「大膽啲！其實你有咩唔滿意唔鍾意嘅，唔係應該同我講，而係應該同對方講吖嘛。」Ruby拍一拍我膊頭。
「吓？可以同客人講我唔鍾意佢嘅咩唔通。」我話。
「我唔覺得你哋兩個淨係會停留喺客人同埋Cafe職員嘅關係囉。我睇你哋兩個眼神就知道過咗電啦。」Ruby同我打眼色。
「黐線。」我瞬間面紅，從頸部沖上面部嘅熱力仲令我即刻想解開恤衫鈕扣。
「你睇吓你面紅。」Ruby同我講：「你依家望吓你口中嘅惡魔女仔？」
我由水吧裏面向着外面，惡魔女仔Lilith嘅方向望去，就正正見到佢喺度偷望緊我。
我嘅心情除咗係感覺到重拾青春嘅愛情感覺之外，就係恐懼。大佬如果係俾隻惡魔望住，點可能唔驚？
「喂大佬，但係啲惡魔我唔係好頂得緊喎真係！」我話。
Ruby過嚟幫我整返好個衫領，仲摸一摸我嘅面頰：「愛情就係要接納。」
呢個Ruby，明明細我一年，但係就好似姐姐咁成日都照顧我。
「快啲過去同佢講啦。」Ruby微笑。
冇計，唯有鼓起勇氣，人生第一次向自己嘅客人講，我而家好撚唔妥佢！
——
「客人你叫嘅Espresso。」我將咖啡放喺Lilith枱面。，手都震埋。
「……你冇事呀嘛？」Espresso放低手上嘅Apple Pencil，望住呢一杯仔有少少倒瀉咗嘅Espresso。
呢一個來自惡魔嘅關心，真係有少少令我放下所有防禦。「OK啦。點解你……點解你……」
從拾理智，就即係重拾返對佢嘅恐懼。
Lilith放低手上嘅工作，雙眼望實我，做出一個黑人問號嘅表情。仆街，佢隻眼望住我，搞到我再次有心頭亂跳既感動。
「點解你……畫畫咁靚嘅？」
仆街了，果然係比愛情嘅衝動埋沒左理智，口窒窒之餘又講唔到重點。返到去實比Ruby笑鳩我。
又要驚，又要鐘意，真係好矛盾！！點解！點解我會係一個咁膚淺既男人！！見到靚女就想J！！我feel到，我既靈魂已經準備向眼前既惡魔獻上！！
「因為……因為我係教畫畫嘅老師。」Lilith回應。
咩話？惡魔老師？
「其實我講得唔好，唔係學校果d老師，只係啲興趣班嘅教畫畫老師。」
我即刻諗起AV裏面嘅中學老師， Lilith就着上緊身嘅老師裝束，巨龍馬上衝動，已經硬了起來。
「......係咪教咗好耐㗎啦？我見你畫得咁靚」我再次正眼面對Lilith iPad上嘅惡魔圖像。
「由我大學畢業開始畫囉開始教囉，大學畢業之前已經開始畫嫁啦。」Lilith回應。
「咁勁架原來你大學畢業㗎 ？」
「係呀，收收埋埋到……」Lilith數數佢修長又美麗既手指。「都七年啦。」
「七年啦？ ！咁你咪即係……」我望望個天，腦入面計緊佢既年齡。
「咦~點解你會想問人哋歲數㗎 ？」Lilith擺出一個咋嬌嘅表情。
唔掂。
唔撚掂。
我即刻想沖去廁所打個飛機，真係搞唔掂。
「唔好意思……我……」我一時之間無言以對。
「我今年29歲。」Lilith雙眼有神咁望住我，搞到我要即時迴避佢，因為我真係唔習慣同女仔對望（Ruby除外）。
如果比着幾年前嘅我，我即刻會肯定我即刻會鍾意咗佢。
「不過呢…… 」Lilith繼續講。「我嘅惡魔年齡係兩歲。」
————————————————————————
「我嘅惡魔年齡係兩歲。」Lilith講嘅嘢喺我腦中揮之不去。
我反覆思索緊，呢句說話其實係想講乜嘢。係咪話緊自己養嗰隻鬼仔兩歲？定還是係惡魔上咗佢身兩年？
我越諗個心就越恐懼。明明下定決心諗住同佢講我實在唔係幾接受到惡魔呢樣嘢，但係今日晏晝我就係因為下體思考而失敗咗。而家已經係收鋪時間，我一個人攤咗喺休息室嘅，梳化制度
「點啊？大情聖？」把姣屎燉篤嘅聲靠近我嘅耳仔。「今日午市忙到踢晒腳，都唔得閒問你結果如何。」
「...Ruby。」我面紅。因為無到夜晚，Ruby就係我既性幻想對像。
