【驚慄甜】惡魔寶貝: 第4話 - （走甜版）其實你啲惡魔令我好撚不安
「點啊？係咪好攰？」Ruby話。
我打一打自己個額頭，嘗試令自己清醒返少少。「呢排特別攰，唔知做乜。」
雖然我係咁講，但係我自己都幾肯定係同嗰個惡魔女Lilith有關係。都係嗰句，我一直都懷疑自己係俾佢落咗降頭。
「咁不如……我幫你紓緩吓？」Ruby隻手做出一個上下郁動嘅動作。
我知佢係咩意思。
「唔好啦……有啲攰。」我拒絕Ruby嘅邀請。
「你唔好亂郁先啦，信唔過我嘅手勢咩？明明之前咁鍾意。」Ruby淫笑。
我：「……」
雖然我冇講啲乜，但係其實我都默認咗，會俾Ruby佢幫我做啲特別嘅行為。
而家呢個時間冇晒人，職員都係得返我同Ruby兩個人負責收舖。都唔係第一次既，因為我哋兩個做嘢勤力，所以老細都會俾我哋負責開舖收鋪。
Ruby笑吟吟走到去我身後邊，雙手擺喺我膊頭度，好溫柔咁幫我按摩肩頸。
「嚟，深呼吸，放鬆肌肉。」我一邊話，一邊輕輕按壓我嘅肌肉。
我慢慢放鬆身體，開始跟住Ruby嘅節奏調整呼吸。因為Ruby呢條友好似真係學過下。
Ruby嘅動作越嚟越輕柔，似乎好似努力嘗試想減輕我肌肉嘅疲累。不過老老實實，我嘅精神疲倦先至係重點。
Ruby隻手漸漸慢慢向下移動，好快咁滑過我嘅腰部同埋屁股。我震咗一陣，感覺有少少怕羞。雖然都唔係第一次，但係要做呢啲嘢總係會有少少緊張。我好快就恢復平靜既心情，然後Ruby喺我耳仔邊細細聲咁話：「咁我哋而家要開始啦喎。」
.
.
（已刪減，全文在Patreon）
.
.
Ruby講嘅嘢令我非常感動，於是我同佢一齊收舖，仲請佢食糖水添。
——
尋晚比Ruby幫咗我之後，的而且確身心舒暢咗唔少，第二日都可以叫做輕鬆返工。但係，壓力嘅來源依然存在。
「早晨。」係Lilith把聲。
呢一日佢又係差唔多時間到，頭上依然帶着惡魔角。手上面中好似再增加咗少少飾物。
點解感覺好似，越嚟越勁咁嘅。
「係咪都係要Espresso ？」Ruby問佢。今日係呀Ruby幫佢落單。
Lilith驚喜地微笑：「你點知㗎 ？」
Ruby喺Lilith耳仔邊唔知講咩，然後就兩個人望住我嘅方向喺度笑。仆街喇，係咪講緊我壞話？
不過佢哋望住我呢一刻，都即刻令我理智回歸。我由沉醉喺Lilith嘅美貌嘅狀態之下依家變返理智。
『唔可以俾佢引誘到！佢係一隻惡魔嚟㗎 ！』我不停咁同自己講。
唔知幾時Ruby已經行返返嚟我隔離。「一陣間睇你表演啦喎。」
我內心非常驚恐：「黐線，你要我表咩演？」
「我啱啱幫咗你㗎啦，我咪同佢講，你有嘢想搵佢囉。」Ruby好得戚咁笑緊。
「黐線㗎你？我冇嘢要同佢講喎！」我內心充滿恐懼。
Ruby將個頭放埋去我耳仔邊輕語：「快手少少啦，唔好再要老娘再幫你打飛機。」
「……」我一時之間都唔知點回應好。
冇辦法啦，唯有硬着頭皮上。
-5分鐘後-
「小姐，你要嘅Espresso。」我行到去Lilith嘅身邊。
Lilith放低手頭上嘅工作，又將佢嘅iPad向我展示。「覺得今次呢一幅點？」
我一開始唔敢直視佢幅畫，我驚又突然之間彈出嚟嘅係有啲恐怖嘅圖片。
「一定靚嘅，你畫㗎嘛。」我隨便而友善地回應。
「你個名係咪叫Nathan？」Lilith左手托腮，
我禮貌而不失尷尬地微笑：「你點知㗎 ？我明明都冇貼名牌。」
Lilith只係好開心咁笑咗一下，就冇再講嘢。佢飲咗一小啖咖啡，就話：「你唔坐低？」
我望一望舖頭裏面，呢個時間啱啱開舖冇幾耐，唔算多客人，而且水吧裏面嘅Ruby同我點頭，暗示我可以同Lilith傾下計。好啦咁，我今次真係要認同同呢位Lilith客人講清楚，其實我真係唔係太鐘意惡魔呢家野，唔知點解總係有種邪氣。
於是，我就坐低咗，直接面對着呢一個惡魔女。
「Ruby好似話你有嘢想同我講？」Lilith個樣好似滿心期待咁。
認真講，我見到一個靚女同我講啲咁嘅嘢，馬上就面紅起嚟。
「都有嘅……」我內心嘅掙扎又再次出現。呢個係理性同感性上嘅爭奪，理性話俾我聽呢一個惡魔女人非常危險，但係感性上我又覺得呢個女仔真係好靚，好想親近佢。
Lilith佢雙眼望實我，好似好期待我將會講啲咩咁。仆街喇，唔通 Ruby啱啱同佢講嘅，係我即將表白？
「我想講……」我好辛苦先至吐出呢三個字。Lilith嘅雙眼更加期待。
「我想講……你係邊間大學畢業…… ？」
我都係唔夠膽講，失敗。
Lilith不慌不忙，只係雙眼瞌埋左1秒，然後用一句說話回答我呢一個咁無聊嘅問題。
喺呢個時候，我同佢你眼望我眼，Dead Air。
我發覺我地對望得太耐，馬上迴避Lilith既眼神。經歷過幾秒鐘既冷靜，我鼓起勇氣！我將內心嘅掙扎拋諸腦後，因為我覺得都真係唔可以再繼續任由內心嘅恐懼不斷增大，必須要有個了斷。
「我想講呢……」
Lilith嘅眼睛再次充滿期待。
我幻想，呢一個就係美好將來嘅開始，我咁樣真誠講出我自己嘅感覺之後，我就將會有機會同你嚟試呢一個咁靚嘅女仔，展開新嘅關係，有機會嘅話仲有機會成為情侶甚至結婚生仔？
不過幻想始終都係幻想。
「我想講，其實我....少驚。我對於你畫出黎既惡魔其實覺得好不安。」我終於趟開心扉，將我埋藏左喺心裏面成個禮拜嘅感覺一下子釋放出黎。我就好似一個是放氣氣球一樣，所有壓力冇晒，瞬間放鬆。
我期待Lilith將會正面咁回應我呢個感覺。
可惜。
我聽唔到任何回應。當我重新望向坐喺我隔籬嘅Lilith，我見到佢眼淚一滴一滴咁滴落嚟。
你哋識佢冇好似啲巴渣妹咁大大聲喊，而係強行忍住唔想發出任何聲音，但係眼淚就不斷流落嚟。
下！我係咪傷害咗佢？我喺邊句說話傷害咗佢？
我完全不知所措。
『呢一個係惡魔嘅苦肉計，唔好信佢。』我內心有把聲音同我講。
我唔知點做好，唯有望返我嘅好拍檔Ruby，諗住叫佢過嚟幫手。你知啦女人明白女人多啲嘅。
Ruby望住我不斷搖頭，表示佢唔會出嚟幫手，費事成間舖頭幾台客人都望晒過嚟，兩個職員圍埋喺同一張枱。
我馬上行去水吧嗰度拎幾張紙巾，然後第俾喺我眼前哭泣嘅Lilith。喂大佬我真係唔知邊句嘢得罪咗佢其實。
