【驚慄甜】惡魔寶貝: 第2話 - 想同你傾下小惡魔
你話我淆底又好，毒撚又好，比鬼上身都好，我而家係真係好撚唔舒服。
「喂，做乜面青口唇白？唔舒服？」我工作拍檔Ruby問。
梗係面青口唇白啦，嗰件野咁恐怖。
「我而家懷疑自己中左咒術。」我開玩笑咁話。
「咁你不如入去休息吓先啦，出面等我處理啦。」Ruby話。
佢真係好好人，人都幾靚，不過呢....
於是，我就走咗入員工休息室度唞一唞先。
我坐低一陣，等自己個人無咁唔妥先。好快，我就闔撚着咗。
我好記得，係我瞓着期間發咗一個非撚常咁奇幻嘅夢。呢個係一個周圍都係怪物嘅世界，無一樣生物係正常世界我見到嘅。而喺我身邊有一個隊友，係擁有惡魔角同埋惡魔尾巴嘅女仔，身材高挑。佢本身拖住我喺度跑緊，但係當佢擰轉面同我講嘢嘅時候，我發現佢就係……
....
....
就係頭先過嚟食嘢嗰個女仔！
「我屌啊！」我又睡夢之中扎醒，原來時間已經過咗成個鐘頭。
我覺得今次真係唔係幾掂，可能真係中咗招....唔係喇，即刻要搵吓啲茅山師傅幫我做返場法事先得。
我即刻打電話返屋企俾阿媽。「阿媽你識唔識啲咩師傅可以幫人驅鬼？或者去觀音廟幫我問吓如果中招點算？」
「黐線啦，邊有呢啲嘢㗎。」我阿媽作為一個無神論者，佢唔會相信任何鬼怪嘅嘢。不過我都有奢望過佢肯搵下佢d師奶朋友問下呀。
「喂咁呀之前住係上原果個阿姨好似有返教會？可唔可以叫佢幫我問吓啲神父幫唔幫到我？」我問。
「哎呀我啋過你把口，我點會識啲AV女優 ？你要問你自己問。」阿媽咁講。
「唔係AV嗰個上原亞衣，係住喺上原嗰個阿姨……喂？喂？」
電話已經冇左聲，阿媽原來已經收咗線。仆你個街，咁撚樣對自己個仔！
我腳步浮浮，行返出去我本身嘅崗位。因為原來我已經瞓咗一個鐘頭，出面已經係午市時間，已經好多客人。
「冇事呀嘛？」我嘅拍檔Ruby 問我。佢已經做到踢哂腳了。
「……個女仔呢？」我第一時間就問Ruby。
「佢啱啱走咗啦， 5分鐘前。佢返工定返學呢？」Ruby話。「臨走之前好似仲有嘢想同你講。」
我當堂嚇一跳。我諗我呢一刻面色睇嚟顯得更加蒼白，因為Ruby望住我個樣，真係同見到鬼好似冇乜分別。
我問佢：「……佢講咗啲咩？」
Ruby比左一個關懷既擁抱我，然後同我講：「佢話聽日會再嚟同你傾吓多啲小惡魔嘅嘢。」
——
「嗚呀...嗚呀....Ruby...唔好呀...」夜幕降臨，我已經返到屋企，而家既我正係廁所度打緊丁。
我望住Ruby既IG，睇住佢既沙灘相，同酒吧同人飲酒既相，同佢展現出黎既笑容...
我再一路掃，見到佢著住白色晚裝，同平時既佢完全唔同，係呢張相入面既佢好高貴典雅。我真係好想將張相印出黎，貼落我個巨龍度。
「嗚..嗚呀！！」龍汁瞬間爆發，搞到底褲都濕埋。
打完J既我，我不斷思考緊，到底聽日好唔好射波。我實在對呢一個惡魔女仔感到非常恐懼。但係同時間我覺得佢個樣好靚，有一刻我真係比佢個樣吸引住左，我直頭重拾返以前細個鍾意女同學嗰種一見鍾情嘅感覺。
可能亦都係因為咁，我對佢先更加恐懼，有乜可能第一次見面就會有啲咁嘅感覺？我心裏面都幾肯定，佢係唔知用咗啲咩降頭術嘅嘢對我進行左思想操控。
不過呢一啲嘢都係我自己幻想出嚟，實質上其實佢都真係冇對我做過啲咩。佢只不過係嚟舖頭同我講咗兩句嘢同埋帶一個佢自己鍾意嘅手機殼，完全都冇傷害我嘅意思。
好啦咁，我聽日就照常返工，話晒佢都冇對我做過啲咩，係咪…… ？
事實證明我錯了。
第二日，差唔多時間呢個女仔又再出現。不過佢今日好似成個人都唔同咗咁。我心裏面覺得佢係咪換咗人？鬼上身？
佢今日講嘢嘅語氣同尋日完全係兩個人，尋日明明係怕怕醜醜，講嘢陰聲細氣。點知今日，佢講嘢爽快之餘，亦都非常之有自信。
而令我更加在意嘅係，今日佢嘅頭上帶着一個紅色嘅惡魔角。究竟係咩一回事？我係咪我陰陽眼開咗？可以見到一啲其他人見唔到嘅嘢？
「嘩……我好似見到鬼啊！」我用力咁拍我嘅拍檔Ruby嘅膊頭，叫佢幫我望吓個女仔。
「痴線，講笑唔好講呢啲。」Ruby可能自己都有啲驚鬼。
「你望吓個女仔今日係咪有對角喺頭殼頂。」我再次面青口唇白。
每次一講到呢個女仔， Ruby就覺得我係玩嘢。「點解你成日想笑鳩呢個女仔？你今次真係嚇親我啦。」
「唔係笑鳩，我真係想知。」我話。
Ruby今日幫我同個女仔去落單。佢今日要嘅嘢同尋日完全唔同，今日無再叫墨魚汁Pasta，只係叫左杯Espresso，然後就羅部Ipad出黎用。
「屌你。」Ruby返黎我隔離之後喺度笑。
「點啊？」我非常緊張，究竟對惡魔角係咪淨係得我一個見得到。
「海洋公園嗰啲Halloween角嚟㗎，個牌都仲喺度。」 Ruby想開始對我瘋狂恥笑。
雖然我鬆一口氣。不過我都繼續問Ruby：「好人好者，點會係呢個時候帶Halloween嘅飾物先得㗎 ？」
「你唔好對人哋有偏見先啦，鍾意點樣打扮係人哋嘅自由。你想溝佢嘅咪去馬囉。」Ruby咁同我講。
我：「唔係想溝佢囉好不好。」
Ruby繼續話：「已經幫你問咗佢叫咩名，一陣間你幫我送杯咖啡過去嘅時候把握機會啦喎。」
屌， Ruby真係好撚癲。佢寫咗張紙仔俾我，上面嘅係一個女仔嘅名，應該就係嗰個惡魔女仔嘅英文名啦。佢個名叫做……
Lilith（莉莉絲）
「Lilith，你要杯espresso到左。」我話。「今日唔食嘢咩？」
「係你。」Lilith露出一絲微笑，然後指一指自己頭上嘅惡魔角。雖然唔係好長嘅角，但係其實遠睇都好明顯見到頭上面係有嘢。
「好唔好睇？」Lilith問我。「啲人話做Cafe嘅人嘅審美觀都好準確。」
「哈哈，邊個同你講？」我呀我一進入工作模式，成個人都會變得健談。呢一個係我哋Cafe指定必須做到嘅事，唔係我好想傾，而係一定要傾。
「佢哋囉。」佢又指一指自己部手機。
仆街啦，佢好似又準備同我講一啲惡魔有關嘅嘢？
我好驚恐咁望一望喺水吧做緊嘢嘅Ruby，但係佢回覆我嘅只係一個手指公，叫我溝女加油。
仆街啦，冇人阻止到呢個Lilith同我講通靈嘅嘢！我係咪會再中多次降頭？
「就係佢哋啦。」Lilith講嘢不慌不忙，喺ipad裏邊開着左一張我意想不到嘅圖片。
