留給自己最後的寶物: 第六章

在等巴士回家的路上，三個人都沉默着，思緒紊亂，想說話安慰奶奶的詠恩，亦沒有一個可安定心靈的說法脫口說出。
回想剛剛丁醫生的問題:
「佢以前有冇遇過意外？撞擊頭部影響咗記憶力？又或者曾有過一啲嘅經歷導致受創傷過度？令某段期間嘅記憶喪失？」
 
英:「冇，冇咩類似意外發生過。」
詠恩:「以我所知老爺唯一嘅創傷就係贏唔到球賽。」
 
詠恩在疑惑和困擾之間，到底老爺身上發生過什麼事情呢？她聯想起和仔中學時期在田徑場上的失敗感，令他陷入自悲深淵，可能老爺真的有抑鬱症，內心患病也不自知。
這是否意味着他們兩仔爺都同是踏着一個一樣的命運，被失敗感重重圍困的失喪靈魂？
 




詠恩又想起，剛剛臨離開醫院前的畫面……
他們在藥局的顯示屏幕上看見打出的取藥號碼，就趁着奶奶走開去櫃台窗口處取藥時的短短十分鐘，詠恩看見老爺從外衣內袋取出了一包只剩下兩、三支香煙的煙包。
他緩慢地一步一步走到醫院室外的一角處，點燃着香煙抽起來。
 
老爺的背影看起來很令人感到孤獨與哀愁。
 
這個畫面深深地刻印在詠恩內心心底，一股莫名悲涼灌滿了整個腦袋，自己也叫不出聲來，亦無法上前勸喻他戒掉這個吸煙習慣，仿佛這支煙配合了此刻老爺沉醉在思海裏的畫面，十分慰藉他那孤寂的狀況。
 
詠恩看着他靜靜吸煙，說不出話去阻止，唯有默認了他。
 




丁醫生提及過:「廖成昌亦有可能患有精神科裏面所講嘅幻聽，有精神分裂傾向，佢會成日同腦裏面嘅聲音答嘴講話，好似自言自語咁。」
 
自言自語這一方面，因為詠恩不是與兩老同住在一起，所以並不大知情。到底是什麼在纏繞住老爺的身心健康呢？主因其實不過是精神科醫生判斷的抑鬱症所致？還是精神分裂？
 
……
 
回家的路上變得十分漫長，在巴士站等了似乎一段時間，車卻遲遲未到，等的人逐漸變得僵硬而呆呆立着。腳開始有點麻，這樣的磨蹭害人承受某種神智上的啃噬，可說是像極傳說中耶穌走過的苦路一樣，既叫人苦苦難耐，又似將你遺棄在時間找不住盡頭的空間那裏。
 
兩個上了年紀的人，兩面滄桑的臉孔，歲月的痕跡盡在他們相貌上表露無遺。
 




巴士就這時駛到站前，昌和錦英在詠恩的陪同下上了車，然後「咇」一聲的電話數碼付款，成昌便箭步衝入車廂之內，然後對號入座，找了最前排的「關愛座」安頓下來，腳的累顯然有了着落了。
其他人看見詠恩撐着錦英的腰上車，亦紛紛讓出座位，好使昌兩夫婦能夠並排而坐，澳門人的公民教養在此時顯得份外窩心和體貼。
但昌一點都不覺得半分榮幸，反而有點理所當然的，一刻的感恩都不願表露，還破口大罵:
「有冇搞錯呀！做乜鳩嘢要我哋等咁耐車？屌你……都唔知咩巴士公司嚟㗎？！啲服務屎撚到！」
 
巴士司機:「阿大叔呀，你忍耐下喇，唔關巴士服務事㗎！你問下啲交通警大佬搞邊科？宜家澳門街到處都係掘路工程，塞車係家常便飯，有咩咁出奇呀？！……你話喇……」
詠恩:「老爺，忍耐一下喇，好唔好？我哋都上咗車咯。」
 
聽見詠恩的竭力安撫，成昌便靜了下來，然後獨個兒不說話，從外套的袋子裏掏出一對白色耳機塞進耳孔內。
 
在巴士上，昌又裝作有電話打進來的模樣了。
 
這時，錦英已意識到昌再度出現的怪異行為，這是她從一開始已經盯着昌的原因，她把他的一舉一動都看在眼裏觀察着。這個習慣自上次陪同他乘搭巴士已經開始注意到的異樣。錦英自己也害怕丈夫的病情在惡化，她希望觀察到的狀況能提供給醫生作為醫療診斷的參考，這個做法應該是最適合不過了，無奈地是別無選擇。
 
英對詠恩喁喁細語:「……妳睇下，阿昌佢又響度作狀講緊電話喇。」




 
昌對「來電」展現出璀璨的笑容，是大家很久未見過的一張笑臉！
 
昌對電話說:「……仲駛問嘅？……我個仔阿和正喺度上堂吖嘛。……喺學校集訓，佢喺中學生校運會一定為我廖家增光！……」
 
昌就像聽着電話另一邊的人說話一樣，隔了數十秒後，與之對答:
「個衰仔有時唔係好爭氣，今次希望唔好再丟我哋架。我哋唔好講佢……係呢，最近有冇新女上場呀？嘻嘻嘻……」
 
坐在錦英對面的老太:「我啋！光天化日，巴士上邊度嚟咗個老而不？！不知廉恥！」
錦英對昌說:「丟我哋架嗰個係你呀，你唔好講得咁大聲得唔得？」
昌:「老婆，妳咪阻住我傾電話喇！」
英:「你仲知有我呢個老婆咩？」
此話一出，成昌當即收起胸膛，像洩了氣一樣，灰頭土臉低聲「講」他的電話。這時他的興致似被打消了，變得沒精打采，然後過了不久，自自然然地無話可說，失去了剛才的趣味便「收線」打圓場。
回到家，成昌又獨自走進房間玩電話，留下老婆和媳婦在廚房裏打點晚餐的食材準備，便發現冰櫃裏沒有新鮮材料可煮食，於是兩媳婆外出上市場去購買鮮肉蔬菜，整個下午就這樣過去。
 




很快又到了晚上的時候了，阿和才下班回來打算接詠恩返去他們兩口子自己的家。但在走之前，父母留着他們兩吃晚飯。
就趁詠恩和錦英在廚房做飯期間，阿和與老爸談到寫小說的事。
 
和:「爸，你本小說寫成點呀？幾時可以完成你嘅大作呢？」
昌:「你估講咁易咩？寫小說要搜集好多參考資料，然之後歸納埋畀自己重新經歷一次戀愛嘅感覺，咁樣先至會有靈感！」
 
和:「爸，你都在意感覺呢樣嘢？」
昌:「係呀，呢樣嘢係網上嘅妹妹仔教我嘅。」
和:「哈……你仲有上交友App呀？」
昌:「有，當然有，唔通係你阿媽教我感覺呢味嘢咩？都幾廿歲咯！」
和:「咁你點樣攞呢個所謂嘅感覺？我真係好想知道網上啲女點樣like你？你畀啲咩印象畀人令到人同你一齊講嘢？呵……」
 
昌:「你估下我用咩名喺App裏面苦心經營？」
和:「係咩名？……而且，你用咗咩頭像先？」
昌:「我嘅網上名係 -「小情深」，估唔到喔呢？」




和:「唓……扮有深度！」
昌:「頭像係西部牛仔……獨行俠……咬住支花戳下戳下咁，夠感性喇啩？」
 
和:「借寫故事取材料為名，實質去溝女，高招高招。」
昌:「我用自己少年時打乒乓波嘅經歷，講我點樣反手抽擊，被教練稱讚擁有運動潛質嘅故仔，講畀啲女網友聽。呵呵……佢哋不知幾投入，又問我攞相，又問我攞簽名，又話想約我出街……」
和:「嘩！做咗網紅咩？」
昌:「但最衰佢問我贏咗幾多場比賽，我無話可說！」
和:「咪住，我估都估到結果，最後一定冇人騷你，因為一場波都冇贏過嘅你，點會有號召力呢？」
昌:「但起碼打過和波，入過十六強喎！」
和:「嘥氣喇，冇人會理你入過幾多強，輸波即係輸波！」
昌:「阿仔，可唔可以別提啲唔開心嘅嘢……我已經唔係好記得呢啲事，我想開開心心去過活。」
 
和:「喺你呢個年紀其實唔好搞咁多嘢，點解仲要上App識女仔？真係唔明！」
昌:「我諗……喺花甲之年談戀愛嘅呢個想法，係源於想找尋感受，想再享受一次愛情，因為呢樣嘢好似在不斷淡化、消失、退去。……有時我感到寂寞。」
和:「你呢個老而不！仲要咩愛情呀？」




 
昌:「講個秘密你知吖……」
和:「真係煩死，又有咩秘密呢？」
昌:「你阿媽可能外面有男人……」