[粵語][黑道]黑道之武凌蒼穹: 第二章 各顯神威
「虎焰拳。」凌濤烈身上面嘅戰力指數係咁飆升，逐漸停留喺180點，雙手如猛虎下山，兇惡嘅老虎發出野獸般嘅吼聲，振振發燙般烈焰好兩個巨圈噉樣包裹著其中。
眼前嘅三人一見到呢一幕，直接被嚇到面青口唇白，未反應到就已經先是全身焦黑，全部衣衫係咁比巨大嘅衝擊旋轉牽連，變成好多碎衣落地，雙耳更加被強烈嘅震盪聲而令到紛紛聾咗。
隨後一個巨大嘅烈焰猛虎衝撞系佢地身上度，然之後個個倒飛而去，結實噉樣重重跌落地下。
仲要去勢未盡，身後面仲未沖上嚟被牽連嘅六、七人亦身中其招，個下場同個三人無異。
嘩，究竟發生乜事呀！佢對手好似有嘢出嚟噉嘅啱啱。
李二鬼成塊面好似包青天咁黑，見到呢一個細路仔唔好似佢本身對於啲少年認知噉樣咁廢，成個人有D不可置信噉樣望住呢一邊，心中暗道：呢一個細路仔都咁棘手？唔係嘛！
而見到自己兄弟大放異彩，佢鄭浩鋒亦都不甘認輸，本來就擁有天生神力嘅佢，一伸出雙手，大力度噉樣直接捉住兩個同佢差唔多高度嘅藍燈籠個頸，煉實住並舉高過頭頂，用力噉樣扭斷咗！
至於想埋佢身嘅好幾個藍燈籠見到呢一幕，一個二個不進反退，但係隨住李二鬼本就成面黑曬，陰沉到死，如今更加暴怒咁樣大聲責備佢嗰啲班底：「成班廢柴，係咪想死啊！你哋夠膽退一步！應該知道我為人用咩手段啊？
如果你哋連個細路仔都搞唔掂？我可以保證，從今日之後你哋會喺呢個世界上永遠消失。」 一個個聞言，紛紛壓低心中嘅不滿同怯懦，全都勉強湧過去。
鄭浩鋒搞掂咗兩個人嘅時候，突然之間十幾個全部沖曬過嚟，仲要個個就係因為呢一個細路仔，而令到佢哋呢啲平日意氣風發嘅好多人喺佢手上全部失曬面子。
本身就起曬火嘅佢哋，完全唔畀佢一絲反應嘅機會，迅速咁樣將佢重重圍住，連一絲可走佬嘅縫隙都唔俾佢，十幾把刀寒光微閃，陣陣反光令到佢對雙眼稍為有D刺痛！
成對手就緊咁樣遮住對眼，因為隻眼睇唔到野，便方寸大亂。
十幾把刀從前後左右四方紛紛嚮前一捅。
弊喇，睇嚟要用嗰招啦。
鄭浩鋒自知係呢一個危急關頭，如果再唔做啲乜嘢，分分鐘會頂唔住佢哋嘅攻勢。
「係你哋逼我架啦！戰鬥指數展現！」
佢身上面嘅戰鬥指數從仲未顯現，變成係噉攀升度190點，佢咪埋雙眼，記住啱啱所有對方嘅位置，原地跳起，跳咗平時高一倍，跟住就踩住十幾把刀嚮前捅成圓狀嘅頂端，微微腳下一點，將十幾人把刀所有力水全部指向地下，跟住佢就雙手全力並用。
僅僅一拳，就將眼前最為靠前嘅一人個腦直接打爆為腦漿，無數白色腦入面嘅骨髓紛紛噴灑而出，喺佢附近有好幾個藍燈籠嘅面上面紛紛沾染。
不幸嘅三人一見到係佢前面嗰個手足直接被打爆個腦，仲要好多滾熱嘅液體去曬佢哋塊面度，佢哋雙手微微觸摸，面上面即刻發白到好似一張紙噉樣，一個二個嚇到即刻當場昏厥。
至於其他本身就已經圍住，又喐佢嘅八、九個人更加膽震心驚，紛紛再也不理會自己阿頭嘅命令同下場，全部連滾帶爬咁潰敗而逃。
而呢一刻嘅鄭浩鋒亦都唔係幾對路，佢見到畀佢雙手打爆咗個腦嘅一個藍燈籠，佢雙眼緊緊噉樣望實嗰個位置，好多液體咁從佢嘅屍體不斷噉樣流於一格格紅色磚地上。
因為佢完全冇殺過人，成個人忽然之間有D驚慌失措，唔知點算，望咗好幾秒嗰啲液體同具屍體，不禁反胃，跪喺地上面，雙手撐於其中，嘔曬朝頭早食過嘅所有嘢。
嘩，黐線嗰度，嗰個細路仔咩料啊，戰神附體喺度！佢睇個樣都係十零歲咋嚄！
咁抽得嘅，玩條毛咩，嗰個成日同佢食飯嘅阿黃直接俾人打爆咗個腦喎！
頂，我哋究竟面對嘅係乜嘢怪物啊。
一個個都咁鬼犀利嘅！
佢哋堅唔堅係細路仔嚟架。
好幾個人見到好多人直接走曬，佢哋自己都想走埋一份，但係迫於上頭嘅壓力，最終都係冇走。
而另外一邊，一個模樣普通，仲要有D平凡，年齡14歲，留住好似陳浩南噉樣嘅長髮，喺平凡嘅外表下襯托得反而有D英俊，眼中微微有點散漫，身材偏瘦，身著藍色短袖衫同條運動褲，一加入戰鬥嘅時候，反而成個人嘅狀態變曬！
完全唔係啲藍燈籠打佢，係佢主動搵人打，仲要一撩，唔係撩幾個，係撩十幾個人！
一出手，身上面嘅戰鬥指數就停留係190點，雙手遍滿鐵質，這赫然就係佢嘅絕技，名叫鐵掌，仲要成個人越打人，就越果狠。
呢個細路仔乜來頭呀？咁猛料嘅！
「唔夠...唔夠，你哋究竟有冇用力架？」施進龍雙腳急快衝鋒，眼前嘅兩人反應唔徹，直接被佢兩個拳頭各一嘢窩中心口，成個人原地淩空嚮後倒飛好幾圈，重重噉樣落於地上，直接被打到重傷。
佢哋兩個人嘅心口微微發黑變紫，口入面嘔曬白泡，想要起身，但都因為嗰一拳而令到身體上嘅劇痛，導致完全做唔到，僅僅一拳，就已經嚇退十幾人。
至於再另外一邊，一個年齡10歲，身材肥胖，個樣都有D圓潤，著住件藍白間條嘅衫都幾大碼，生得都算高，有154cm，佢而家同十幾個人打，至於魏天恆則遠戰輔助佢。
「你哋有冇食飯架。」成傑輝身上面嘅戰力指數飆升到200點，見住個八、九個人用把刀劈落佢身上面，居然發出打至龜殼噉樣發出‘鏗’嘅一聲，便嘲諷咁樣大笑著。
「咩話，居然係金鐘罩！！
你地全部同我彈開，呢一個人交畀我！至於嗰幾個細路仔就交畀你哋啦，儘量同我拖住佢哋，記住係死拖爛拖啊！」
李二鬼一見到佢嗰接近10個嘅手下，手上面嘅西瓜都居然都劈唔入嗰個細路仔個身度，成個人即刻面色微變，畢竟先後已經喺呢一度折咗成接近30個手下喺度，對於佢嚟講，其實應付上頭已經有D難收科。
所以佢就決定自己出手，原先佢以為佢帶40個靚，係可以輕鬆搞掂佢哋，並且可以順利拎到保護費！出去食大餐，但係事與願違。
「鬼哥啊，唔係我哋唔想拖啊，你睇下嗰幾個細路仔兇神惡煞咁樣，我哋點打啊！你睇下阿黃啊，畀嗰個高佬，兩拳並用咋喎！
嗰個腦都爆開咗，我地仲使玩嘅！
同埋呢如果你平時教返我哋幾招，起碼今日我哋都唔使咁難睇吖嘛！
同埋唔係我唔想幫你啊，你睇下其他人都唔係幾想啊。」
阿明心中已經對呢一個上頭本為極度不滿，再加上往常有好嘢，呢一個大佬都唔會嗌佢哋班細嘅，就算係飲湯都冇份啊。
再加上佢哋經常出生入死嘅手足接連喺呢一度折去，更加令到平日積怨嘅心理更加難以平復，唔知喺邊度瞬間就有一種膽氣沖上雲霄，只因為佢見到其他人面色極差，士氣低落，一個二個垂頭喪氣咁！
「你老味，講乜春啊你！同我去死你哋=15.6px！如果，唔幫我就係呢個下場！」
李二鬼抬掌化抓，原先企得有D遠嘅阿明，突然之間被一陣鬼風捲起，然之後瞬間就被捉係佢手中，用力一煉，就變成亡下死骨，而喺佢身上面嘅所有骨頭都化為粉末，而嗰D啲陽氣全部增進於佢嘅體內入面。
而佢身上面嘅戰力指數由原先嘅200慢慢增進至201。
個個見到阿明化為咁嘅下場，佢哋就再也不停喺度，紛紛攞住個西瓜刀嚮前劈。
「想過去？問咗我嘅啤牌未？ 天行九花。」
魏天恆本來就對李二鬼耿耿於懷，如今個時機啱啱好，就不再留手，佢雙手喺褲袋拎咗兩副啤牌，跟住拋向空中，雙腳踩落側邊嘅欄桿，微微腳下一點，成個人極為瀟灑噉樣淩空轉圈，雙手又專業咁樣擺出行內嘅手勢，再掂住喺兩個金粉成型嘅啤牌度。
跟住佢駕輕就熟，連環飛出無數啤牌，兩副牌各自成形九對絕花，華麗絕美，喺個八個藍燈籠個頸上面微微一劃，跟住嗰八人紛紛倒地不起，仲要頸上面連一絲血都沒有濺射而出，就已經當場去世。
「豈有此理，你班細路仔，我李二鬼實記撚住！」原先李二鬼仲想試一試成傑輝身上面嘅金鐘罩，見到自己帶出嚟嘅所有手下全部拜拜曬。
佢此刻都知道如今嘅局勢，如果強行同佢哋打，基本上係冇任何好處，反而佢自己都有可能折在這裏。
所以便灰溜溜噉樣走！
「馬騮仔，我哋使唔使追過去喐佢！」施進龍見到嗰個身影逐漸喺佢眼底下走咗，便上繼續追趕，但都係問定先，於是乎就止左步。
「算啦，追過去嘅話反而有機會中咗埋伏，畢竟個黑虎幫喺呢一個村度統一咗好耐，勢力遍佈都幾大下，況且我哋而家又咁少人，一旦追過去，損失嘅始終係我哋。」凌濤烈一聽，頓時陷入思索，諗咗又諗，搖搖頭道。
「噉放嗰條友狗命一條啦。」鄭浩鋒抹咗一抹啱啱嘔嘅嘴，跟住望住李二鬼徹底走咗嘅方向。
「妖，我仲以為佢有幾把炮添，原來呢一個黑虎幫個名都祇不過係名不副實，浪得虛名啫！」魏天恆見到對面嗰個黑虎幫紅棍狼狽噉樣走咗去，就笑住口禁，過下口癮。
「咪就係，真係以爲我哋流個喎！」施進龍滿面不屑。
「係囉係囉。」其他人附議。