[粵語][黑道]黑道之武凌蒼穹: 第三章 戴罪立功
志松樓，4-9樓，黑虎幫，武勝堂，呢度系三大派系之一嘅武鬥派總部。
4樓，A-D室，係連住嘅4室屋苑單位，亦即係議事廳，喺呢度差唔多成八百幾尺，喺呢度聚集咗唔少人，一眼望去人山人海，黑壓壓一片，望之不盡，如果真係要數嘅話，起碼有接近300人度。
正中央嘅嗰張台，淨係坐住咗一個人，佢留住板寸頭，皮膚小麥色，睇落去經常做運動有D健康噉，鼻樑上高戴住一副防紫外線嘅藍光紅色圓框墨鏡，年齡29，正值壯年，左面上面有一條4cm長嘅直刀疤，全身肌肉，仲有八嚿腹肌添，不過右胸上面有斜斜地嘅三條刀疤，同四條各兩個交叉嘅劍痕。
呢一刻嘅佢完全冇著上衣，淨係得條啡色短褲同條人字拖，而背脊入面紋咗一條兇神惡煞嘅青龍，同佢成個人睇落去簡直係一個完全唔可以惹得嘅惡霸嚟嘅。
呢一個人並唔係一啲馬仔，亦都唔係紅棍嚟，而係成個黑虎幫人面最為傑出，最有實力嘅雙花紅棍，而且除此之外，佢喺成個葵涌區都係小有名氣，綽號噬天。
呢一刻嘅佢面色慍怒，雙手重重咁樣拍喺桌上，目光望向隔籬默默跪低，個頭墊地嘅李二鬼，屌曬鬼噉樣講：「陰鬼，我叫你收保護費！你就係噉撚收嘅？
我真係頂你個肺，少少嘢都做唔到，你點樣做紅棍架！仲好意思講係黑虎幫嘅人嘅。
如果你係收一啲有料嘅人，做唔到都算啦，但係你唔係喔，仲要俾班細路打鑊金，狼狽噉樣走撚咗去，而且喺佢哋手上面仲折撚咗我哋武胜堂40個兄弟！
你知唔知我哋武胜堂，就係因為你呢一次嘅失敗，曾經建立嘅威言瞬間一掃而空，而家我喺其他堂口已經完全丟曬架，連抬起頭做人，都完全做唔到啊！
我瞓覺，都夢見佢哋係咁嘲笑我啊。」
「如果你係打撚廢曬佢哋，並收咗保護費，仲好啲，但係而家你連呢啲濕碎嘅嘢，都做唔撚到！
你真係激撚死我啊，屌你老母。
一班細路仔都拆唔掂，如果唔係我武胜堂而家缺人，我真係想一刀斬撚死你呀。」
封天勇一知道自己兩大得力幹將之一，居然系收保護費嘅時候失左手，仲要失喺班細路仔手上，臉上頓感無光，仲要啱啱總部緊急Call佢到場，被阿大係噉爆粗噉樣屌鳩佢，隔籬嘅白紙扇雖然冇笑，但係心中一定笑緊佢，而且阿大仲要叫佢哋戴罪立功。
如果一旦失敗，自己手上嘅好幾個地盤，要全部分畀佢嘅死對頭白紙扇手中。
佢梗係知道自己嘅頂級上司龍頭坐館呢一個目的系D咩，主要係分化佢嘅勢力，來增進嗰個死對頭嘅底蘊，以此用作雙雙抗衡，處於一個天平噉樣。
李二鬼一聽到自己嘅阿大想斬撚死佢，成個人就係噉驚到全身都係噉震，面色更加異常發白，背脊亦都瞬間成身變成汗。
因為佢從跟咗自己阿大嘅第一日起，就清楚對方嘅為人，真係一啲情面都唔肯講，講到做到，佢知道，如果唔係好似個阿大話齋
而家急需用人，佢完全知道自己究竟係咩下場！
「算喇，見你為武胜堂立功唔少，就畀你一個立功贖罪嘅機會，今次嘅行動，我會將另外一個得力幹將嘅一紅棍嚟輔助你，亦即係你極為熟悉嘅王大牛。
除此之外，我仲會將60個藍燈籠，65個黑虎長短雙刀兵，30個黑虎狂戰兵，交畀你全權負責。
但呢一次行動只准成功，不準失敗。
如果失敗，事後你知我係乜手段，你唔好以為著草就可以走到，我話畀你聽，我自有辦法可以捉到你。」封天勇考慮咗一下，心中抉擇再三，最終咬著牙，狠下心來，畀咗唔少精英畀佢，講到最後，成個氣氛瞬間降下幾十度。
李二鬼聞之，如釋重負，神情一鬆，做足樣，喺地下冚咗幾次頭，以示此行動絕不失敗：「多謝阿大肯畀機會我，呢次行動，我就算粉身碎骨，都絕對有信心會成功，再加上又有王大牛輔助，簡直係如牛添翼。」
「系，阿大，我...我一定會輔...輔助...助佢架。」
一個頭殼頂光鈴鈴咁有九粒紅點，擺明係一個出家人嘅和尚，佢皮膚好黑，簡直係非洲人噉，年齡得過20歲，手上面帶住一串佛珠同本佛經，仔細一睇上面嘅字樣係《大方廣佛華嚴經》，亦即係《華嚴經》。
佢身上面著住一件黃色僧服，個嘴上都叼住支牙籤，有一個大嘴巴，身壯如牛，聲大如雷，臂力過人，身高184cm，體重90kg，講嘢嘅時候口窒窒。
「但係而家我個肚又肚餓返啦！想食好多白飯同好多餸」王大牛衹要講到關於食嘢，講嘢先會好流暢。
頂你個肺，成日淨係知道食！
「得啦...得啦，實管夠啊！
你哋幾個，喇喇聲準備十碗飯俾雷公牛，記住菜色方面豐盛的，咩叉燒，乳豬，牛扒，石斑魚通通準備多啲！」
封天勇一聽到王大牛摸住個大肚佛般肚，仲露出口喐喐個嘴，就成面鐵青。
成日對住佢哋兩個就有D頭痛，一個就鍾意食嘢，仲要一食就食好多，每日都要準備30碗飯，雖然的而且確實力唔錯，但係我自己個荷包都經唔到對方噉樣折墮。
至於另外一個，就成日撩事鬥非，今次仲要搞出咁大件事嚟，佢自己都爭啲頂唔掂上頭嘅壓力。
「係嘅阿大，我哋而家出去準備D野。」四個馬仔好似已經見怪不怪咁，目光朝著封天勇點點頭，就自動自覺去幫手。
「好嘢，又有嘢食。」王大牛一聽到又可以食嘢，興奮到手舞足蹈咁，跟住一隻食指伸落個嘴入面，選住，然之後成個人就傻笑咁樣。
李二鬼仿佛完全好似冇聽到隔籬同事嘅聲音，只係默默地低著頭，雙手煉成一個拳頭狀，心中暗自下定決心，一定要報個一戰之仇，如果唔係佢好清楚自己下場係乜！
今次你哋呢班細路仔仲唔死，有阿大比落嚟嘅唔少精英，在加上雷公牛嘅輔助，就更加冇可能失敗。
上次系我大意，今次我要十倍奉還。
封天勇不假思索，一隻手扶住個頭，撐落張台度，喺度諗緊嘢。
因為對於佢嚟講，如果再失敗，噉除咗佢嘅勢力實力重創之外，亦都會差唔多冇人可用。
只因為本身佢同智囊團嘅領頭白紙扇，算係競爭關係，但係佢對自己阿大更加頗有微詞！
畢竟香港黑道嘅規矩，龍頭本身就係每兩年一選，但係自己從加入到而家，除咗做到堂主，又成為雙花紅棍，其他並冇得著。
跟住個阿大仲要連任十幾次，呢一點本身佢就極為不滿。
而佢自己出生入死，為黑虎幫奉獻多年，佢同白紙扇一直都想做龍頭多年，但係遲遲都無法當選，除咗係阿大嘅叔伯兄弟反對之外，仲有阿大自己嘅反對，每次佢哋想當選，都好多籍口。
只因自己嘅阿大霸住呢個位好耐。
如果今次失敗嘅話，好
有可能我嘅勢力將會係黑虎幫除名，到時再同自己嘅死對頭白紙扇競爭，就再也沒有一力可戰。
咁樣嘅話，冇話係想做龍頭，到時除咗比死對頭針對之外，我亦都會走唔甩。
事到如今，唔通要反！
但係憑我一人，又點夠佢哋兩個人玩呀！
但係而家阿大喺度逼緊我，我自己班靚又唔生性！
無論對死對頭出手，定還是對自己嘅阿大逼宮，兩者是乎都毫無懸念，沒有任何得著。
因為求其一邊都會漁翁得利！
不過如果對阿大逼宮嘅話，就有一線生機成為黑虎幫龍頭，衹要將其他叔伯控制，噉樣成為龍頭嘅機會，就會大得多。
但係呢一個方法，個白紙扇一定比我更加諗咗先。
真係有D頭痛，一係只可作兩手準備，一係用點指兵兵嘅方法算撚數。
反正咁多年嚟我都忍得耐啦！
等陣我諗到啊，衹要搵人偷阿大嘅黑虎璽，再搵一班叔伯支持，噉咪可以順理成章架空阿大，便繼承其位，噉咪得囉，就算阿大有個仔！咁又點啊，一出世就係一個低能嘅傻仔，毫無作用。
一於噉話，搵一啲專業嘅盜竊人士，咁就輕而易舉啦，我真係醒目啊。
「阿大，噉我落去準備先。」李二鬼收起心入面嘅心思，面無表情噉樣企返起身，鞠一鞠躬，就轉身離去。
「好。」
而原先封天勇許諾嘅手下，亦都全部跟住佢走曬，祇不過王大牛隨後食完D野先至再跟。
好快，議事廳入面，唔多唔少已經走曬一半！
「阿候，阿豪，你哋抌幾多錢都好，都要搵最出名最專業嘅偷盜專家，最好係盜聖或盜帝。算啦...算啦，呢兩個都太貴，請個盜王，應該都夠皮，一於噉話啦，到時要使幾多錢再同我講，你哋嗱嗱聲落去著手安排。」封天勇諗咗好耐，於是乎就下定決心，叫咗兩個親信過嚟，就細細聲咁吩咐。
兩人並無任何異聲，反而身子微微一曲，同聲應道：「係嘅，阿大。」
全部人走咗落去之後，李二鬼點咗人數，爭一個，就知道一定係鍾意食嘢嘅王大牛，跟住就冇理，不過都諗咗點樣分配個行動究竟要點行。
「你哋全部藍燈籠去調查嗰五個細路仔嘅身份。
至於其他人跟我走。」李二鬼用隻手指點左60個人出嚟，跟住落咗死柯打。
被吩咐嘅嗰60人拗左拗頭，明顯對嗰五個細路仔個樣係乜嘢有D疑惑。
「個名我就唔清楚，不過我簡單講下佢哋嘅特徵，同埋出沒嘅地方。
第一個，個樣就有啲瘦嘅，面有啲白，生得都幾靚仔，跟住件衫係著住馬騮圖案。
第二個，個樣有D普通，留著至肩嘅長髮，著住件藍色短袖衫同條運動褲，同埋條褲好似係唔知銘乜鳩嘅小學。
第三個，個樣同個身都肥，啲衫係好大碼嘅，以細路仔嚟講，生得都算高。
第四個，個樣有D傻，留著平頭，生得幾高下，對眼係關鍵，好細嘅。
第五個，生得好矮，好似得個140cm度，身材好瘦，帶住副藍色眼鏡。
而佢哋出沒嘅地方通常喺志健邨公園，你哋搵到之後，再去查下佢哋咩背景，住喺邊度！
知道咗之後再同我講。」李二鬼見佢哋冇乜反應，就知道佢心入面諗緊D咩，佢自知今次嘅行動最為重大，跟住就一於詳細噉樣嗶哩吧啦講佢哋嘅特點同附近活動嘅地方。
畢竟今次行動一旦拜拜，佢自己好有可能都會第一刀分屍。
「阿大，我哋明曬。」佢哋係噉點頭，跟住就全部去志健邨度去調查線索。