[粵語][黑道]黑道之武凌蒼穹: 第一章 爭端
2012年，葵涌區，志利邨，志健樓樓下。
陽光透過湛藍嘅天空，照耀住大地上，而紅紅嘅太陽高高掛起，劖眼到不得了，不過又幾好天咁。
有一班細路仔喺一個差唔多有半個足球場大細嘅兒童遊樂場嘅公園度，玩緊兵捉賊嘅遊戲。
有一個塊面瘦削，皮膚白淨，個樣眉清目秀，頭殼頂雖得小小黑色短髮，仲要有D豎起咁，睇落去有D宅，身上面仲要著住件黃黚黚嘅顏色休閒衫，系個袋上高嘅位置有一個好鬼死得意嘅卡通馬騮圖案嘅細路仔，反而同個樣更顯一種反差感。
喺緊急關頭，呢一刻嘅佢神情激動亢奮，隻眼係噉望實前面一道身份係賊嘅高大身影，速度好快咁樣落完一個黃色滑梯嘅時候，距離對面淨係爭個幾步路。
「餵，傻仔皇帝，馬騮仔就喺你後面咋，佢就嚟捉到你啊，快啲走啦。」凌濤烈隻右手係噉向前伸直，想要試圖拍系近在眼前嘅灰色帽，確被對面企得有D遠，系垃圾桶旁邊嘅一個生得比佢更加矮，身子瘦弱，睇落去弱不禁風，帶住副藍色圓框眼鏡，搏曬老命放聲咁大嗌噉去提醒佢。
而令到此時佢個腦處於極度緊張嘅狀態，但又喺佢眼中唔想失去呢一個獵物，畢竟衹要捉到佢，贏嘅話就係眼前，所以佢自己亦都唔想噉樣就放棄左。
「捉到嘅話，就大鑊喇，我哋而家執返兩個人咋，個龍少已經被捉咗啦。」魏天恆係咁急切噉樣講，似乎想扭轉局勢。
一個得個11歲，但生得好高，差唔多有167cm，仲要睇落去有D大隻，髮型流緊平頭，對眼有D細，著住個灰色外套，帶緊個帽。
但基本上仔細睇嘅話，先至會見到，呢一刻佢聽到自己嘅隊友盡曬力咁樣去提醒佢。
鄭浩鋒對長手長腳終於係依一刻度好似個摩打咁樣發威，就嚟被拍到嘅瞬間，就突然拉開左後面正死纏爛打咁追住佢唔放嘅凌濤烈又多好幾步，而呢一個亦都係佢嘅緩衝點，而心中嘅壓力也慢慢減少。
不過後面嘅人確一直緊追不捨。
我一定要贏！
凌濤烈見到自己嘅獵物彷彿想喺佢眼底就噉想輕易走得甩，頓時心中嘅怒火瞬間俾撻著，對雙腳好似殘影咁樣，跑得比任何人都快。
弊傢夥啦，馬騮仔要火力全開了，睇嚟輸硬！
魏天恆面色有D發白咁咽了一啖口水喺個喉嚨度，雙手緊張到有D流汗，糾結抉擇間，見到兩者嘅距離係咁縮小，於是乎就決定放棄喇！
因為啱啱佢噉樣大聲噉樣提醒佢，亦都令到原先一個捉唔到佢嘅兵，亦因此發覺，於是以偷襲嘅形式噉樣去捉佢。
呢一個位置已經有D唔安全，唯有走喇。
鄭浩鋒感覺背後一寒，就知道對方越嚟越近，佢完全唔敢嚮後望，淨係默默噉向前跑！
「啊！」魏天恆諗住轉身跑走嘅時候，突然之間撞到一個人，佢發覺自己唔係撞到一個人，而係撞到一個勁鬼硬正嘅鐵板！
成個人就瞬間感覺個頭勁鬼死痛，就嗱嗱聲坐低，係咁用對手摸個頭。
而係佢呢一邊發生咗件事，突然之間，另外一啲同佢玩緊兵捉賊嘅一班細路仔就聽到一聲痛苦般嘅大嗌同道歉，而一道聲音於佢哋所言，好鬼熟悉，便紛紛循聲望去。
「細路，你撞到我喎，仲唔嗱嗱聲賠返過幾皮嘢？如果唔賠嘅話！你今晚唔使走啊！」
一個留住金髮寸頭，兩眉連住一線，有一個大鼻，係入面有好多黑頭，成面仲要都係暗瘡，講嘢嘅時候仲要露出一雙金色門牙，睇落去有D兇惡，仲要有住蒼白淺藍似僵屍嘅皮膚，頸上面掛住個紫黑色半月狀嘅邪教護身符，右手戴住條成七皮嘢嘅金鏈，身高170cm，身材瘦骨嶙峋。
呢一個人就係黑虎幫嘅紅棍李二鬼，佢個頭有D高傲噉樣抬起，講嘢有D串，後面仲跟住40個兄弟。
魏天恆自知有錯在先，就係噉禮貌地講：「對唔住...對唔住。」
幾皮嘢？你冇去搶！
不過聽到對面係度似乎故意刁難佢，就諗住抬起頭問佢咩事！
但係一見到對面有幾廿個人，呢一個咁大壇陣仗，瞬間就面色一陣白，一時之間都唔知點處理，畢竟本身佢就膽細過人，如今仲要見到呢一班黑社會！
成個人就更加唔知點講好。
而喺呢一刻，凌濤烈亦都知道成件事嘅來龍去脈，就同其他人行過嚟，想用道理解決事情！
「阿哥哥仔啊，啱啱件事的而且確係我個朋友唔啱，但係佢已經講咗對唔住，所以不如俾我個面，呢件事就噉算數，好唔好？」
凌濤烈見到自己個好兄弟魏天恆呢一副處境，心中不忍，就毫不猶豫地挺身而出，企喺佢身前，至於其他好兄弟，亦都企喺佢後面，幫手撐場。
而坐喺地下嘅魏天恆亦都心中一暖，心中暗想：識呢一班人，真係冇識錯
但係兩邊噉睇，佢嗰邊明顯就弱咗一頭！
「細佬你乜水呀？憑乜嘢俾你面啊！啱啱已經講咗賠幾皮嘢，如果唔係佢同你哋，今日一個都唔俾走！！」李二鬼囂張跋扈，講嘢完全唔留一線，反而喺度咄咄逼人。
凌濤烈等人自知今日不能善了，一個個毫無畏懼咁樣昂頭挺胸。
至於在場嘅其他街坊，係噉散場，不過走之前，好多都細細聲噉講：「呢啲細路仔，咁惹黑虎幫，大禍臨頭喇，我哋快D走啦。」
黑虎幫？
唔通係呢條村惡名昭著係咁收保護費嘅幫派！
不過噉又點呀？
噉蝦我個朋友，今日就算走唔到，都要同佢哋搏過！
同魏天恆同一陣線嘅四人，好多都知道黑虎幫嘅名頭！但係一個個都冇諗住拋棄自己嘅朋友就噉走咗去。
「你真係以爲我哋好蝦架？你哋話收保護費，就收保護費呀？
就算呢一度係黑虎幫嘅場，噉又點呀？
以前你哋可以隻手遮天！而家我同你講，全部凈係可以做個食屎狗咋，屌你！」凌濤烈本身玩兵捉賊嘅時候就已經激鬼火，而家仲要聽呢一個金毛佬係噉廢噏，更加係扯曬火！跟住身上面唔知點解血液沸騰，好似有一股唔怕死嘅膽氣由內去外咁。 其
他同一陣營嘅人一聽到呢一句說話，大家都熱血沸騰，就連係噉摸頭嗌痛嘅魏天恆都起埋身，一個二個係咁起閧：「啱啊，你哋黑虎幫大曬咩？全部都只可以做個食屎狗咋！」
李二鬼第一次見到居然噉同佢哋黑虎幫作對嘅一班細路仔，仲要講埋啲比佢更加囂張霸道嘅嘢嚟：「你老味，居然睇小我地黑虎幫？真係未死過！兄弟們同我喐鳩佢哋！」
係佢身後面嘅40個藍燈籠，全部都舉起手上面嘅西瓜刀，全部都微微噉樣反光，寒氣十足。
而凌濤烈等人就算係有同人打過交，但係都重未同人用個爭都咁樣比拼！
弊喇！
居然用真刀。
魏天恆一見到對面全部紛紛亮刀，成個人驚到即刻無力咁樣攤咗喺地下，但係一幻想到自己啱啱識咗冇幾年嘅朋友，就係因為自己，可能就死喺度！
佢依刻再也顧不上自己嘅性命，就算全身冇曬力，自己都要擋喺成班兄弟面前，連滾帶爬都要叫佢哋走：「你哋快啲走，我哋唔夠佢打架，你睇下佢哋有40個人啊！今日嘅事錯在我，我唔應該拖你哋落水架。
馬騮仔，你快啲帶佢走啦，今日我就算會死，我都要保住你哋，因為你哋係我成世人最好嘅兄弟！」
「驚死喇咩？不過噉又點呀！今日除咗你要死，你嗰班幫你嘅兄弟都要全部死絕。
呢一個就係串我哋黑虎幫呢一個名嘅下場！」李二鬼見到身後面嘅哩全部湧上前，就喺度不斷發出狂笑聲，似乎系度嘲笑緊佢哋咁。
凌濤烈等人心中感動萬分，但係佢絕對不容忍自己會為咗成名而拋棄兄弟，佢見到呢一個平時膽小如鼠嘅人，居然自知會死，都要用個身體擋喺佢哋面前，佢知道心意，夠就得個喇。
「細粒丁你講咩啊，我哋係兄弟嚟嘎嘛，之前發誓嘅時候咪講過囉，係兄弟嘅有福同享，有難同當，要走一齊走，要死一齊死，係咪呀，兄弟們！」
「系！」
魏天恆面色紅脹，激動到喊曬咀，講嘢嘅時候仲流緊鼻涕，佢同其他人大聲回應。
「其他人同我上。」
凌濤烈見到眼前嗰40幾人就嚟沖過嚟，佢完全冇膽怯，反而一人當先，沖咗過去，伸出細細嘅拳頭去從容應擊。
祇不過對面人多勢眾，十幾把刀從高至低噉樣好快劈落嚟。其他兄弟亦都奮不顧身，一個加入戰鬥當中。一個細路仔啫，真係以為自己係超人。好幾個黑虎幫嘅籃燈籠見到一個細路仔伸出拳頭，諗住打佢哋，一個個就想笑。
凌濤烈見到眼前三把刀迅速落下，成個人面不改色，踏地嚮後淩空，出嘅拳頭快速收縮，身體慢慢旋轉，避過咗驚險嘅三刀。
乜話？噉都避到！點做到噶。
三個藍燈籠面色驚變，完全冇諗到個細路仔居然真係做到，仲要亳發無傷，輕易避到。