那些年，我錯過了的愛情: 5.

怡：「無阻到你呀嘛？」
我：「無呀，有咩緊要事要你call嚟呀？」
怡：「無...」
我：「唔緊要嘅話WhatsApp傾啦。」
怡：「咪住先！依段時間我唔係特登唔理你！但係... 但係我俾你嚇親，無諗過你會突然咁講。所以... 我唔係真係唔想理你，我係想冷靜下自己，俾自己清晰下先。」
我：「咁睇嚟你搵得我即係有結論？」
怡：「我都未知，只係冷靜完先發現可能令你誤會咗我唔想再理你。我想keep住之前噉樣先... 我唔係想收兵，我只係覺得自己可能都有啲鍾意你，但係唔係好確定係咪真嘅...」
我：「唔緊要呀，你隨時都可以搵我呀，我依家都會去圖書館溫書做past paper，有興趣嘅話你可以join我呀。無野講嘅話我就繼續溫書啦。拜拜。」
怡：「拜拜。」
...




...
...
我講緊啲咩。點解我會無啦啦邀請佢溫書。點解我要令到自己重燃希望。我諗咗好耐，連機都hang埋，都係唔明白自己點解要咁做，連計時器響咗都唔知。
到夜晚，我以為佢唔會當真，打算鬆一口氣嘅時候，「茲.....」我心諗邊個大半夜搵我，不過都估到會係佢。然而，我都喺不知不覺間期待佢嘅消息。
怡：「軒」
怡：「我晏晝講嘅嘢認真㗎」
怡：「我真係想好似以前咁樣玩，亦都因為咁所以都一直冇思考過拍拖依個選擇」
怡：「你俾個機會我呀，我dse之後答你」